العربية ما بتدورش مشكله كهرباء

[khaled345]

السلام عليكم ورحمه الله وبركاته

العربية كانت دايرة عادي مافيش فيها مشكله دخلتها الشارع ومسحتها وفتحت الكبوت ونضفته ومسحت المكنه بفوطه عشان كانت متبهدله من الركنه

المهم ادور العربية تانى حلفت ماهي دايرة المارش شغال تمام

البوجيهات مش واصلها كهربا فكيت الاسلاك بتاعتها وقربتها من البوجيه ولا واحد شغال فيهم
مش عارف بقي العيب من ايه موبينه ولا حاجه فى الاسبراتير وازاى اتاكد ان الموبينه بتخرج فعلا كهرباء للاسبراتير
جربت حاجه تانيه : اخدت الغيار التانى ودورت من غير ما ادوس دبرياج العربية نطت كانها هتقوم ولكن ولا حاجة

معلش طولت عليكم لانى دايخ فيها ومش عارف اعمل اية وكلمت الميكانيكي اللى ممكن ييجي يشوفها مدوخنى وشكله مش عايز ييجي

[SS]

اتأكد من الموبينة بنفس الطريقة اللى بتستخدمها مع البوجيهات
افصل سلك الموبينة من عند الاسبراتير ...و قربه من جسم الموتور و جرب تدور ..لو فيه شرارة قوية تبقى الموبينة شغالة
بس لو ما فيش شرارة مش لازم العيب يبقى من الموبينة....احتمال كبير يبقى من الاسبراتير ....بالاخص الابلاتين

[remxawe]

اتاكد من الاسلاك الى واصلة للبوبينة و السلك الى وصل بين البوبينة و الاسبراتير وشوف الابلاتين شغال ولا لا

[khaled345]

شكرا ليكم جدا هاعمل كدا واقولكم علي النتيجه