استشارة شراء لادا 2107 -2010

[mohamed982]

سلام عليكم حبيت استشير الاعضاء بما انكو اكبر خبرة عن اللادا , مبدئيا كده انا معايا 35000 ومحتاج عربية , بعد الاخد والرد لقيت ان افضل سعر عربية مستعمله ممكن اجيبها لادا لان بيكون موديلها غالبا جديد وانا عارف انها قوية وصيانتها مش غاليه غير ان تقريبا فيها تكييف وممكن يتربلها باور وكبيرة وبصراحه انا مش محتاج اكتر من كده فى العربية والشكل مش بيهمني على قد انها تكون عمليه وليها سوق . وده المهم بالنسبة لى ... المهم لفيت على مواقع النت لقيت عريبة لادا 2107 مودل 2010 مصري ماشية حوالى 60000 فابريكة دواخل عارضها بـ 32000 قابله للتفاوض . فيه اسعار متفاوته لموديلات اجدد من كده واقدم من كده . السؤال هل سعرها مناسب ولا غالي ولا رخيص ؟!!!!!! تاني استشارة لقيت عرض لادا جرانتا مقدم 33000 قسط 2000 لمدة 5 سنين حجز والاستلام بعد شهر . القسط مفيهوش مشكلة ما نصيحتكم هل عرض القسط غالي جدا ولا معقول . وهل تنصوني اخد المستعلمه كاش ولا احط تمن الكاش فى مقدم 2016 . برجاء العلم بان ميزانيني فى حدود من 30 الى 35 ... محتاج الرد بسرعه

[فرج بسيونى]

الادا جرانتا كدة حتبقى 153000
حرام مبلغ عالى جداا
الافضل فكر فى هيونداي اكسيل بور وتكيف وشكل و انعم وافضل من الادا وفى الميزانية المتاحة
وبالتوفيق ان شاء الله

[mohamed982]

الادا جرانتا كدة حتبقى 153000
حرام مبلغ عالى جداا
الافضل فكر فى هيونداي اكسيل بور وتكيف وشكل و انعم وافضل من الادا وفى الميزانية المتاحة
وبالتوفيق ان شاء الله

كلمت حالا معارض تانية طلع الاولاني حرامي وش !!!!! لو دفعت مقدم 35000 جرانتا هقسط 2200 على 3 سنين يعن تقف بـ 114200 في مقابل عربية جديدة لانج .... الاكسيل المشكلة انها هتكون قديمة ومستهلكه وانا بصراحة لابحب اللف على الميكانيكية والوش ده . عشان كده انا بفكر اجيب يا اما 2107 موديل 2010 جديدة نسبيا ومشماشية كتير او جرانتا سعرها حلو بالنسبة لامكانيتها .

[mohamed982]

طيب نسال السؤال بطريقة تانية ايهما افضل لادا جرانتا ولا BYD f3 الاتنين سعرهم قريب من بعض؟

[mohsal]

منصحكش بالاكسيل او الاكسنت صحيح حتكون انعم من اللادا 2107 بس حتكون موديل تسعينات والحاله الكويسه ممكن تعدى الاربعين ده غير العربيه عددها قليل وممكن قطع غيارها مش متوفره زى اللادا
كمان لو معاك كاش لعربيه زيرو يبقى كويس اما انك تقسط عربيه حتدفع كتير وانا ضد ان اشترى عربيه قسط
تانى حاجه علشان تريح دماغك اشترى اللادا الروسى بلاش المصرى اقوى وانعم
معايا واحده موديل 2009 عدادها 42000 روسى عارضها للبيع فابريكه بالكامل بس محتاجه تترش خوارج بالكامل وناوى اعملها الاسبوع ده باذن الله وابيعها بعد البويه ماتخلص لو انت من الاسكندريه وحابب تشوفها اتفضل.

[mohamed982]

منصحكش بالاكسيل او الاكسنت صحيح حتكون انعم من اللادا 2107 بس حتكون موديل تسعينات والحاله الكويسه ممكن تعدى الاربعين ده غير العربيه عددها قليل وممكن قطع غيارها مش متوفره زى اللادا
كمان لو معاك كاش لعربيه زيرو يبقى كويس اما انك تقسط عربيه حتدفع كتير وانا ضد ان اشترى عربيه قسط
تانى حاجه علشان تريح دماغك اشترى اللادا الروسى بلاش المصرى اقوى وانعم
معايا واحده موديل 2009 عدادها 42000 روسى عارضها للبيع فابريكه بالكامل بس محتاجه تترش خوارج بالكامل وناوى اعملها الاسبوع ده باذن الله وابيعها بعد البويه ماتخلص لو انت من الاسكندريه وحابب تشوفها اتفضل.

والله عن نفسي مقتنع برايك , اي كان نوع العربية بس الموديل الجديد افضل اكيد من الموديل القديم يعني بالنظر لطبيعة الشوارع المصرية اكسيل اخرها على حسب ميزانيتي موديل 96 طبعا انت متخيل عربية فى شوارع مصر هيونداى عمرها 20 سنة هتبقى عاملة ازاى ؟!؟؟؟؟؟؟ وللاسف انا من القاهرة ومقيم بره مصر بس بدور على حاجة تخدمني فى اجازتي اللى بنزلها وهي كلها شهر , بس هتبيع عربيتك بكام ؟