مساعدة في الاختيار

[HAMAD1409]

السلام عليكم ورحمة الله وبركاته
انا عارف ان الموضوع ده اتكرر الف مره
بس بعد اذن حضراتكم ساعدوني

انا معايا حوالي 17 الف جنيه -- يعني على قدي كده بعد الجواز

عايز نشتري عربية في الحدود دي من 17 ل 18 الف
انا من اسكندرية وشغلي في القاهرة بنسافر في اول الاسبوع ونرجع اخر الاسبوع
دخلت على olx ومحتار بين العربيات دي

1- لادا 2105
2- فيات ريجاتا
3- فيات 131

وهي دي العربيات اللى في منها بالرنج ده في السوق وكمان قريت مقالات كتير انها كويسة وممكن تسافر معايا مره في الاسبوع كده

ساعدوني في قرار نهائي بالله عليكم ولو في حاجه احسن منهم

وجزاكم الله خيرا

[م/أحمد عبد الفتاح]

اللادا افضلهم علشان الريجاتا والـ ١٣١ خلاص عجزوا قوى ومش بتقدر تلاقى حاجتهم بسهولة سواء جديد أو إستعمال - اللادا قطع غيار باالهبل جديد واستعمال ولكن اكشف عليها مظبوط من كافة شئ.

[HAMAD1409]

جزاك الله كل خير يا هندسة
في ناس بتخوفني من السفر لكن انا بنشوفها دايما ع الطريق موجودة

وهل رنج السعر ده كويس
وايه هي الحجات اللى لازم ناخد بالي منها

وجزيل الشكر لحضرتك على اهتمامك

[HAMAD1409]

جزاك الله كل خير يا هندسة

في ناس بتخوفني منها في السفر
مع العلم اني بنشوفها دايما على الطريق
وايه هي الحجات اللى ناخد بالي منها

وشكرا جزيلا على اهتمامك

[abokoko]

معايا لادا 2007م
لو بمبلغك واتساوت الحالة في ال3 عربيات - اختار الريجاتا -
ثم ال131 والاخيرة اللادا

لكن
غالبا مش هتلاقي ريجاتا و 131 بحالة كويسه بسبب عوامل الزمن
فى المقابل ممكن تلاقي لادا حديثة شويه وتلاقي لها قطع غيار جديدة

اخيرا
اللادا ركوبة مختلفة عن باقى العربيات
ناشفة ومتعبة فى السواقه ومتكررة الاعطال فى مقابل تقدر تسافر بيها وتحمل عليها وقطع غيار بسيطه واصلاح سهل

[HAMAD1409]

معايا لادا 2007م
لو بمبلغك واتساوت الحالة في ال3 عربيات - اختار الريجاتا -
ثم ال131 والاخيرة اللادا

لكن
غالبا مش هتلاقي ريجاتا و 131 بحالة كويسه بسبب عوامل الزمن
فى المقابل ممكن تلاقي لادا حديثة شويه وتلاقي لها قطع غيار جديدة

اخيرا
اللادا ركوبة مختلفة عن باقى العربيات
ناشفة ومتعبة فى السواقه ومتكررة الاعطال فى مقابل تقدر تسافر بيها وتحمل عليها وقطع غيار بسيطه واصلاح سهل

يعني انت شايف اني نضحي بشوية راحة مقابل عربية تسافر وقطع غيارها متوفرة (اللادا)

اللادا اللى لقيتها في رنج السعر ده وكويسة لادا 2105 موديل 94

ايه رايكم

[abokoko]

لا تتسرع
وربنا يكرمك باختيار كويس

لو فى مكان قريب من القاهره او تقدر تتصرف فى قطع الغيار
دور على الماركات الغير منتشره
ممكن تشترى عربيه جيدة و حديثة بسعر رخيص

زى الستروين ax
و الفورد فيستا

[م/أحمد عبد الفتاح]

جزاك الله كل خير يا هندسة
في ناس بتخوفني من السفر لكن انا بنشوفها دايما ع الطريق موجودة

وهل رنج السعر ده كويس
وايه هي الحجات اللى لازم ناخد بالي منها

وجزيل الشكر لحضرتك على اهتمامك

العفو الله يكرمك ويوفقك فى حاجه كويسة
اللادا عربيات أثبتت كفاءة فى مصر من زمان ومنتشرة وقطع غيارها موجودة واللى بيصلحوها كتير فلو حضرتك طلباتك من العربية انها تستحمل البهدلة والسفر فهى إختيار موفق ولكن حسن الاختيار هو العامل المهم فى شراء اى عربية بمعنى الكشف الكويس من كافة شئ - حالة الموتور - البودى والبارومة والصدا - الأبواب بتفتح كويس وتقفل كويس ولا لأ - الكبوت والشنطة مقفولين كويس ومطبعين عالعربية ولا مفارقين من ناحية وناحية - الفرامل والسيرفو كويسين - العفشة وحط تحتها هى والفرامل ١٠ خطوط يعنى لازم يتكشف عليهم مظبوط - عمود الكردان مافيهوش صوت ومش معووج - الفتيس مش بيعض فى النقلات - الدبرياج - علبة الفيوزات تكون سليمة ومش فرح العمده كلها توصيلات واسلاك والغطا بتاعها سليم لأنها غالية - الجاكمان مايكونش كله لحامات ومفكك من بعضه - الكاوتش والبطارية حالتهم ايه - الموتور مش بينفخ من المقاس ولا من غطا التاكيهات - ماتشمش ريحة بنزين وانت ماشى - العربية لما تبصلها من قدام او من ورا تكون واقفة على حيلها مش واقعه ولا ناحية وناحية وتلمحها من الجنب ناحية الابواب من بعيد علشان يبان لو فيها شغل سمكرة ومطبقه خفيف - الفخد قدام وورا مايكونش فيها جونط لحام وعك بالمعجون وشيل فرش الشنطة وشوف ايه الحالة خصوصا ان فيه زى علبتين بطول الشنطة مايكونش فيهم لحام ولا عوجه أو تطبيقة - الكورونة مايكونش فيها صوت ونة علشان ساعات بيحشوها نشارة خشب علشان تقلل الصوت - حالة الفرش والكراسى والكنب ومكن الزجاج - الأنوار شغالة من كله واشارات ومارشدير وستوب فرامل وفلاشر .
وفى النهاية ربنا يوفقك فى حاجه كويسة ويباركلك فيها
وبالنسبة للأسعار معنديش فكرة بصراحة عنها - بس أعتقد لو لقيتها بالمبلغ ده مش حاتكون كويسة وحتلاقى فيها شغل كتير .

[Colin Chapman]

النوع : سایپا الموديل : تيبا سنة الصنع : 2016 السعر مقدم : 22,500 جنيه

لا تتسرع
وربنا يكرمك باختيار كويس

لو فى مكان قريب من القاهره او تقدر تتصرف فى قطع الغيار
دور على الماركات الغير منتشره
ممكن تشترى عربيه جيدة و حديثة بسعر رخيص

زى الستروين ax
و الفورد فيستا

وصف السيارة :

ادفع مقدم 22500 واستلم سايبا تيبا كامله_مانيوال (تكيف- باور-سنتر لوك –زجاج كهرباء- ريموت –كاسيت –راديو ) للاستعلام/ 22400070_22400073 01111000427_01111000421 01111000428_01111000429

الإسم : almagdmotors الدولة : مصر المحافظة : القاهرة المدينة : القاهرة رقم التليفون :


سيارة سایپا تيبا موديل 2016 جديدة للبيع في مصر القاهرة

اعلان عن سياره ماركة سایپا تيبا للبيع، والسيارة جديدة غير مستعمله موديل 2016 ومكانها في مصر القاهرة. سعر هذه السياره سایپا تيبا هو 22,500 جنيه والدفع بالتقسيط.

تفاصيل السيارة: سایپا تيبا 2016




















النوع : سایپا الموديل : تيبا سنة الصنع : 2016 السعر مقدم : 22,500 جنيه المسافة المقطوعة : 00 كيلومتر نوع الناقل : جير عادي سعة المحرك : 1500 سي سي عدد السلندرات : 4 اللون الخارجي : كل الالوان لون الفرش : بيج فئة السيارة : سيدان (صالون) عدد الأبواب : 4

[mohsal]

زود فلوسك من 23 ل 25 علشان تركب 2105 مو 95 كويسه وابعد عن اى عربيه تانية