ولاعة اللادا

[A.M.G]

السلام عليكم ورحمة الله وبركاته
ياجماعة بعد اذنكم انا معايا عربية لادا 2105 موديل 95
الولاعة كانت شغالة معايا تمام وبشغل عليها شاحن وmp3 وكله تمام
جيت من يومين لاقيت الولاعة مش بتشتغل لوحدها
بصيت على الفيوزات كله تمام
بصيت على الكابلات تحت التابلوه لقيت سلك بكلبس واقع قلت اكيد دا بتاع الولاعة
رحت لكهربائي علشان يركبهولي لاني بصراحه مش عارف يركب ازاي فالكهربائي قالي دا حوار وهفك التابلوه مش عارف دا حقيقي ولا بيوزعني علشان عنده شغل كتير
المهم السؤال هنا هل فعلا لازم احل التابلوه علشان اوصل الولاعة؟
ولو مش لازم احل التابلوه اوصلها ازاي علما باني بصيت تحت التابلوه ملقتش مكان ممكن اعدي منه ايدي واوصله. ولا فيه طريقة تانية؟ ياريت الي يعرف يقولي ولكم جزيل الشكر

[عمرو كاشف]

الولاعة عبارة عن جزئين بتدخل ايدك جوا التابلوة من الدرج اللي جنب الولاعة طلعه ودخل ايدك فيه وتمسك الجزء الاولاني وتدخل صوباعك جوا الولاعة وتلف ( دا الجزء التاني ) هتلاقي الجزئين قدامك والموضوع بقى بسيط وهتشوف مكان السلك فين :) مش محتاج تفك تابلوة ولا حاجة :)