مقبل علي شراء لادا إن شاء الله....

[kokololososo]

أنا كان معايا 504 وال504 ممتازة بس بعتها في ظروف معينة...
وأدامي لادا 2008 علي 40 ألف فبريكه جوه بس لسه متفرجتش عليها(لادا 2107 موديل 2008)
نصيحة منكم أبص علي إيه؟
ولو في نصيب لو العربية عايزة شوية مصاريف إيه أهم حاجه أشدها علي أبوها في اللادا؟

[محمد 2001]

متابع وبالتوفيق إن شاء اللة

[abokoko]

عربيه مصاريفها قليله وقطع غيارها متوفره وسهله الاصلاح والوحيدة اللى ممكن تشتري موديل عالى منها بسعر منخفض لكنمفيهاش اوبشن وتقيله فى السواقه والاحسن تجرب انك تسوقها مسافه لو عجبتك بعد ما تسوقها اتكل على الله و اشتريها لو لم تعجبك فكر فى خيارات تانيه تخليك تحس انك احدت خطوة للامام من بعد ال504

[kokololososo]

شكرا علي الإهتمام يا أبو كوكو يا غالي...
وانا ان شاء الله هجيب لادا بعد ما 504 تعبتني نسبيا في موضوع الدبرياج مع تغييري لمساتر الدبرياج....

[abokoko]

ربنا يوفقك للاختيار الصح واى اسئله باعتبارى مالك ل لادا 2007 مصري اتفضل وسوف اجاوب بما اعرف

[kokololososo]

سؤال با أبو كوكو يا غالي

الأفضل يا أبو كوكو ..المصري ولا الروسي...
والإنجيكشن ولا الكاربرتير...؟
وما هي خطوات تلافي ملص المقص؟أ ربط عفشه علي طول؟ وإيه اللي أعمله عشان متسخنش مني؟
شكرا

[abokoko]

لو تساوت الحالتين فبلا تردد اشترى الروسي - بشرط - عدم المبالغه فى فرق السعر ( فرق المصري عن الروسي - صاج اخف عيب فى الخبطات وميزة للموتور لان سحب العربيه اعلى -- فرق الكراسي المصري اسفنج والروسي قش فالقش بيدى احساس بالراحه اعلى وعلشان طده بيكون فى شعور وهمى بان الروسي انعم بس قش الكراسي -- فرق فى التشطيب تابلون واكر ابواب وحاجات هايفه --- غير كده المصري هى هى الروسي بالكامل )) ملص البيض هات بيض من غير مشاحم وابقي غيره كل سنتين اكتر او اقل حسب الشوارع اللى بتمشي فيها بس هات نوع نظيف زمان كان احسن نوع البلغاري و حاليا احسن نوع الكورى اللدا لو مظبوطه موتور ورداتير الومونيوم مع مروحة كهرباء مش هتسخن منك

[abokoko]

معرفش حاجة عن الانجكشن لا ن عربيتى لادا مصري 2007 كربراتير كل اللى اعرف ان انتشار الانجكشن قليل - والله اعلم -

[abokoko]

ممكن اعرف حضرتك محدد كام كميزانيه لشراء اللادا ؟؟

[kokololososo]

شكرا يا صديقنا الغالي ....
40 محدد....وشكرا علي المعلومات الهامة خاصة البيض...