ارجوكم افيدونى

[رفيق عزمى]

ارجوكم افيدونى معايا جرانتا 2018 التكييف بتاعها بيفصل ورحت بيها التوكيل خمس مرات ولا حياة لمن تنادى والمشكله زى ما هيه فما هو الحل ,, برجاء من اصحاب الخبره افادتى ؟؟

[reddragonmezo]

حدد يعنى ايه بيفصل
الكباس بتاع التكييف الواصل مع المواتور عن طريق سير ده اساسا مش شغال على طول لازم يشتغل ويفصل بتكرار
الكباس بيكون فيه حاجة شبه الدبرياج بحيث انه يشتغل ويفصل حسب ثرموستات التكييف او اشارات كونترول العربية
وهل تقصد انه لما بيفصل بيطلع هوا سخن ولا المروحة بتقف خالص

[رفيق عزمى]

حدد يعنى ايه بيفصل
الكباس بتاع التكييف الواصل مع المواتور عن طريق سير ده اساسا مش شغال على طول لازم يشتغل ويفصل بتكرار
الكباس بيكون فيه حاجة شبه الدبرياج بحيث انه يشتغل ويفصل حسب ثرموستات التكييف او اشارات كونترول العربية
وهل تقصد انه لما بيفصل بيطلع هوا سخن ولا المروحة بتقف خالص

اولا / اشكرك على اهتمامك ومشاركتك فى الموضوع
ثانيا / بالنسبه للتكييف لما بيجى يفصل المروحه بتبقى شغاله بس بتطلع هوا سخن ولما افصله خالص وشغله بعد 5 او 10 دقايق يرجع يشتغل تانى بس مش بنفس الكفاءه ,
ياريت حضرتك توضحلى العيب فين بالظبط علشان اعرف اصلحه و لك جزيل الشكر ..