مشكله في الدبرياج

[mohmet]

السلام عليكم يا جماعه
انا بتحصلي مشكله فعلا جابت اخري منها
الدبرياج كل شويه دواسته تسقط مني و العربيه فصلها زباله و باخد الغيار بعد معاناه
و انا لسه مغير ماستر اصلا و كل شويه الميكانيكي يعليلي عليه و لا الهوا
و اخر مره سقط مني انهارده قبل البيت ب 200 متر:k40:
مش عارف اعمل ايه و للأسف فعلا انا خلفيتي عن الميكانيكا تكاد تكون صفر

[SAMER_ENGINES]

واضح اني سيارتك لادا و أنت لم تحدد الموديل و لكن اللادا غالبية نظام عمل الدبرياج بها علي زيت و ليس علي سلك.....
مما يعني بيشتغل مع سائل الفرامل فالسبب ممكن يكون أحد الأسباب التالية:-
1- عندك نقص في سائل الفرامل بيؤثر علي الدبرياج و غير محسوس بقوة في الفرامل و بيخلي الدبرياج يسقط.
2- و إحتمال يكون ماستر الدبرياج به عيب, حيث اني السيارات اللي بتعمل بنظام الزيت (سائل الفرامل) في الدبرياج بتكون مزودة بعدد 2 ماستر عمومي ماستر فرامل عمومي و اسفله ماستر دبرياج عمومي و فربما يكون ماستر الدبرياج هو السبب.

و الحل في حالة وجود نقص في سائل الفرامل و لو بنسبة بسيطة أن تقوم بإحضار نوع جيد كالبندكس من سائل الفرامل و تقوم بزيادة خزنة سائل الفرامل و تقوم بالمكاركة تماما كمكاركة الفرامل (اي ان تقوم بالظغط علي دواسة الدبرياج و لاخر المشوار و تتركها كذا مرة ثم تقوم بإدارة السيارة و تقوم بعمل نفس الموضوع كذا مرة ايضا و ستختفي المشكلة أنشاء الله, اما لو لا قدر الله لم تختفي المشكلة و وجدت السائل ناقص مرة أخري فعليك بمتابعة الفرامل و ماستر الدبرياج.
و سؤال من فضلك هل لاحظت بالفعل أن الفرامل خفيفة بعض الشئ؟؟

[mohmet]

الف شكر علي ردك
الفرامل زي الفل
و الماستر لسه متغير
و زيت الباكم زي ما هو و مالي العلبه
انا اتخنقت
رغم تعودي علي ان البدال بيبقي ساقط كده
بس انا خايف علي العربيه لأنه مش بيفصل كويس

[H.ibrahim]

السلام عليكم و رحمة الله وبركاته
كان عندى نفس المشكلة و اتحلت الحمد لله بعد ماتم تغيير الاتى :-
الماستر العمومى للدبرياج - علبة الباكم + الخرطوم الواصل للماستر العمومى - الماستر الاسفل للدبرياج بالوصلة الخاصة بها .
وتم اخذ الهواء من الماستر العمومى بنظام المكاركة على الدواسة وبعد ذلك ظبط الدبرياج على مستوى الفصل المناسب لى .:k32:
ملاحظة : معظم قطع الغيار المتواجدة بالسوق مغشوشة ( حيث اننى قمت بشراء الماستر العمومى بنفسى و لم يعمل بعد تركيبه بثلاثة ايام

:)

[SAMER_ENGINES]

خد هواء من الدبرياج ممكن يكون ده السبب.

[mohmet]

الف شكر علي ردودكم
انا سمعت كلامك يا استاز كار لافر
و فعلا الدبرياج تقريبا يا اما فيه هوا يا اما بيسرب زيت باكم
علي العموم بالمكاركه الدبرياج بيظبط بس بيرجع يسقط تاني و شكلي هاروح لمكانيكي يظبطهولي
بس كان ليا استفسار؟
هو فيه ماستر تاني غير الي تحت ماستر الفرامل
و علي فكره انا جيبت ماستر استعمال مش جديد
لأن الميكانيكيه بيخوفوني من الجديد
و كنت من فتره مغير ماستر الفرامل برضه بواحد استعمال و كان سعرهم واحد تقريبا في حدود ال 40 جنيه

[SAMER_ENGINES]

أيوة يا صديقي في ماستر تاني غير ماستر الفرامل حتلاقيه تحت ماستر الفرامل العمومي حجمه أصغر و هو ده ماستر الدبرياج.

و الماستر الجديد أفضل بكتير بس لو ماستر الفرامل الحمد لله شغال بدون مشاكل سيبه دلوقتي و شوف التاني لأني أن أرجح أني يكون العيب منه ممكن يكون مش بيسرب بس في مشكلة او يكون خرطوم من الخراطيم في سدة او حاجة و عشان كدة الزيت مش بيوصل كويس.

[mohmet]

الف شكر يا كار لافر علي مساعدتك ليا

[mohmet]

و هاحل المشكله ان شاء الله و اقولك عملت ايه
علي فكره انا الي كنت براسلك علي الخاص

[SAMER_ENGINES]

اهلا بيك و تحت امرك في الخاص او العام و ابقي طمننا حصل ايه معاك و برضه نستفيد من التجربة.

[mohmet]

الف شكر لكل الرجاله الي حاولوا يمدوني بالمعلومات
و الحمد له بمجرد اضافه زيت الباكم المشكله انتهت خلاص
بس فيه مشكله صغيره بس هي ان لما ببقي ساند علي الدبرياج سنه و انا دايس بنزين ساعات بيبقي فيه هزه جامده جدا في العربيه (في دواسه الدبرياج و الفتيس)
و ان شاء الله هاحاول افك اسطوانه الدبرياج و املاها تيل في اقرب فرصه

[nimo]

شكرا ليكم يجماعة انا كان عندى نفس المشكلة وكانت مديقانى جدا
وكلمكم طمنى وفهمنى....شكرا

[mohmdy]

السلام عليكم
انا عندي نفس المشكلة بس الدبرياج بيفصل خالص وبعرفش اجيب ولا غيار مع العلم انا لسة حالل الماستر الي فوق ولي تحت ومغيرهم جلب ويمشي شوية ويرجع يسقط تاني .
مع العلم ان الزيت زي ما هو ومفيش تسريب

وارجو الإفادة
وشكرا