إستفتاء بخصوص اللادا 2107 موديل 2007

[ahmed1981]

الاستاذ احمد ليس بينه وبينها عداوه بالعكس فكثيرا مايعطيها حقها وقد رشحها للكثير ومنهم انا شخصيا على سبيل المثال وان شاء الله سوف اشتريها قريبا
وكونه طرح هذا الموضوع لهو دليل على حبه وتقديره لها
فرغم ذكره عيوبها ومميزاتها لاينفى انه يقدرها كسياره خدمه شاقه لاتقوم بها سياره اخرى

أشكرك يا دكتور إبراهيم على كلامك
والحقيقة أنني عندما أظهر عيوب سيارة لإنسان مقدم على شرائها وقد أكون أنا الذي أنصحه بشرائها
أعتبر أن إظهار عيوبها له نوع من الأمانة وليس العداوة حتى يكون على بصيرة بتلك العيوب وبالتالي يستطيع تجنبها بنسبة كبيرة بالإهتمام بمتابعتها والمواظبة على صيانتها
ولكن لو سردت للمقدم على شرائها ألف ميزة بها ولم أذكر عيوبها فبذلك أتحول إلى بوق دعاية يصور السيارة موضع الدعاية في أفضل صورة ويكتب أسفل الصورة كل مميزاتها بدون ذكر عيوب
ولا توجد في هذه الدنيا سيارة بلا عيوب
وهنا يكون دوري أنا وغيري إظهار تلك العيوب التي أغفلها المعلنون حتى نبصر المشتري بالواقع ويستطيع التغلب على تلك العيوب
ونسأل الله تعالى أن يجعل عملنا خالصاً لوجه الكريم
والله أعلم

[hamedo0]

ياجماعه العربيه فعلا" حماله خدمه شاقه بس العيب الفيها هو الدركسيون بس عشان البيض المقص انت بحس بيه لما يبتدى يبوز وغير كده العربيه كانت مع اخويا الكبير والله عمر ما بيض المقصات ملص لانه كل 6شهور كان بيشحم البيض واول ما الدركسيون يتقال عن المعتاد يروح للعفشاجي عشان يعرف العربيه فيها ايه دا مره روحنا بيها الاسكندريه ركابين 7 افراد فوق بعض وكان جايب 130 كيلو في الساعه والله هو ندم بعض ما تباعت
العربيه كانت الادا 2105 موديل 95
هو الفرق في الماتور ليس الا بس العربيه محترمه جدا"

[shady_elkady]

هى دة مصر اضربوا بعض احسن

[Defender]

سيارة خدمة شاقة كثيرة الأعطال لا مش بتعطل كتير
سيارة خدمة شاقة صعبة المراس (دركسيون ثقيل ومزعجة) بالباور بقت سيارة خدمه شاقه سهله جدا جدا جدا جدا جدا في القيادة

تكنولوجيا عفا عليها الزمان وعيوب تصميمية خطيرة (بيض المقص) مش خطيرة اوي بس نواظب علي الصيانه
كفايه ان تمن قطع الغيار رخيصه جدا والجديد منها الثبات علي الطريق ممتاز
ماشي علي 120 ومش حاسس بيها
سيارة عادية مناسبة لسعرها لادا مش سيارة عاديه دي دفع خلفي يارجاله وعلي شاسيه
فين العربيه اللي بنفس تمنها دفع خلفي علي شاسيه

سيارة عادية غالية بالنسبة لخاماتها وقدم تصميمها مش غاليه دي رخيصه جدا

وقدم التصميم دي اذواق كفايه انها مش سيارة ورق و مش اي خبطه تكلفك


العيبوب اللي انا شايفها
1 عزل السيارة في الصوت وحش
2 صوت الماتور عالي يضايق الواحد في المسافات الكبيرة

3 السماعات دي ممكن تتغير مش مشكله اوي

4 الابواب لازم تقفلها بالجامد خصوصا باب السواق علشان تقفل

5 السنتر بيقفل مدام باب السواق مقفول كويس ومش مهم الابواب الاخري علشا كدة بعد ماتقفل السيارة لازم تتاكد ان باقي الابواب مقفوله كويس لان الحاله الوحيدة ان السنتر ميقفلش اذا كان باب السواق مش مقفول كويس اما اذا كانت الابواب التانيه مش مقفوله مش هتعرف الاا لما تتاكد بنفسك


(مش عارف اذا كان دة في كل السيارات ولا لاءة)

[ahmed1981]

ما هو قصد حضرتك إنها على شاسيه ؟؟؟؟؟؟؟؟؟؟؟؟؟؟

لادا مش سيارة عاديه دي دفع خلفي يارجاله وعلي شاسيه
فين العربيه اللي بنفس تمنها دفع خلفي علي شاسيه

؟؟؟
ما هو قصد حضرتك إنها على شاسيه ؟؟؟؟؟؟؟؟؟؟؟؟؟؟

[ahmedsrs]

انا كان عندى لادا وبتمتاز بالأتى
1- خدمة شاقة
2- صاج مرعب
3- تمشى فى الطريق ذى الوحش
4- صيانة ببلاش
5- وسع خطير
6- اعادة بيع وانت واقف فى المزلقان او بتغير زيت ممكن تبيع
عيوبها الأتى
1- مفيش اى كماليات ناشفة
2- الأت الجر صوتها عالى
3- قطع غيار غير معمرة
4- لازم ايدك فيها بعد كل مشوار طويل
5- شكل قديم مش منظر
المحصلة عربية ممتازة للظروف المصرية

[Defender]

انا اقصد انها علي شاسيه :d:d:d



مش قصدي حاجه تانيه

يعني مش علي كبالن وهناك فرق بين الشاسيه والكبالن

اذا كان عند حضرتك معلومه ممكن تزودها ليا ...ياريت ويكون كرم من اخلاقك

[ahmed1981]

انا اقصد انها علي شاسيه :d:d:d
مش قصدي حاجه تانيه
يعني مش علي كبالن وهناك فرق بين الشاسيه والكبالن

أكيد قصد حضرتك إنها على كرونة وليست على كبالن
أما الشاسيه فهو موضوع آخر ويتساوى فيه السيارات ذات الكبالن وذات الكرونة

[Defender]

الف شكر علي المعلومة بس علي حد علمي:D:D اللي اتضح انه مفيش علم اصلا

الكرونه احسن من الكبالن هل هذا صحيح

[ahmed1981]

الكرونه احسن من الكبالن هل هذا صحيح

قد يكون هذه صحيح مع بداية إختراع نظام الكبالن حيث كان في بدايته ضعيف كثير الأعطال
لكن الآن الكبالن تتفوق على الكرونة في السيارات الخاصة من نواحي كثيرة

[roofy007]

أنا معايا لادا 2107 موديل 2007 بجميع المقاييس العربية كويسة قطع غيارها رخيصة جداً لكن لك أن تتخيل انى فى خلال 3 أسابيع من شرائها قمت بتغيير الأتى:

- تيل الفرامل قمت بتغييره لأنه تآكل فى 1000 كيلو الأولى تصوروا.
- مروحة الريادتير تم تغييرها بأخرىجديدة لأنها موتورها أفش لوحده .
- طلمبة البنزين كانت متآكلة وايضاَ قمت بتغييرها لأنها كانت تؤدى لعدم ضخ البنزين بصورة جيدة.

كل ده خارج التوكيل لإن التوكيل رفض تغيير هذه الأشياء داخل الضمان وأيضاً التكلفة كانت عاليه جداً جداً

[aboadham]

mr.roofy007
ياترى اسعار قطع الغيار التى قمت بشرائها ايه و هل من التوكيل ام من محلات قطع الغيار و يايت حضرتك توضح منين اشترتهم.

[roofy007]

تيل الفرامل الروسى 35 جنيه مصرى غير متوفر فى التوكيل أصلاً
المروحة روسى 140جنيه - التوكيل 170 جنيه غير شامل الضريبة
طلمبة البنزين روسى 85 جنيه - وقتهاغير متوفرة فى التوكيل

التركيب 30 جنيه فقط

[aboadham]

الواضح ان سيارتك كاربراتير مش injection الكلام كده صح

[roofy007]

كلامك مضبوط يا سيدaboadham
على فكرة كل قطع الغيار من سعيد لادا بالجيزة