تغيير المساعدين في 2107

[assom]

لادا 2107 - موديل 2005 , 34000 كم
زي مانتم شايقيين يا جماعة العربية عامله 34000 كم بس المساعديين الخلفيين تقريبا باظوا. العربية بتتهمد جامد اوي في اي مطب بالإضافة لصوت حشرجة رهيب لما بيتكون محملة. وسؤالي ينفع اغير المساعدين واركب Monroe او Koni ولو ينفع ياتري حد يعرف اشتريهم منين ومين احسن واحد ممكن يركبهم. وشكرا مقدما لخبرتكم الجميلة لأني فعلا استفدت جدا من المنتدي.

[Shiref_mohamed]

لادا 2107 - موديل 2005 , 34000 كم
زي مانتم شايقيين يا جماعة العربية عامله 34000 كم بس المساعديين الخلفيين تقريبا باظوا. العربية بتتهمد جامد اوي في اي مطب بالإضافة لصوت حشرجة رهيب لما بيتكون محملة. وسؤالي ينفع اغير المساعدين واركب Monroe او Koni ولو ينفع ياتري حد يعرف اشتريهم منين ومين احسن واحد ممكن يركبهم. وشكرا مقدما لخبرتكم الجميلة لأني فعلا استفدت جدا من المنتدي.

موجودين مونرو في الوكيل بشارع زكى - التوفيقية بس مش عارف سعرهم ممكن تجيب رقمهم من الدليل وتتصل تسال

[assom]

شكرا جزيلا يا أستاذ شريف هاسأل علي سعرهم وهابعته للمنتدي عشان تعم الأستفاده

[assom]

t2000 خليني أسأل علي الجديد الأول وبعدين اتصل بيك

[blazer]

ياريت تسال عن الانواع الموجود فى المنتدى ورا و قدام عشان انا كمان محتاج مساعدين وسوست و يبقى كتر خيرك :)

[محمد جلال]

عملت عفشة كاملة وجبت من التوفيقية 4 مساعدين امامى وخلفى زيت بـ 500 جنيه المانى وكويسين جداً جداً عن المونرو وفيه بولندى بـ 440 جنيه بس انا اختارت الالمانى علشان افضل والعربية مريحة عن الاول بكتير وجبت يايات (سوست) بـ 420 جنيه ايطالى وعلى فكرة المساعدين المونرو تقريباً ارخص انا كنت مجربها وهما بتوع شقى بس بيكونو ناشفين وشكراً.

[assom]

شوفوا ياجماعة انا الحمد لله غيرت المساعدين ودي التجربة كلها
1- سألت عند حمدي لادا اللي في شارع دمشق علي طقم المساعدين قال ان عنده روسي بحوالي 460 جنيه
2- نزلت سوق التوفيقية لقيت الروسي (4 مساعدين) عاملين 220 جنيه وفي نوع ياباني اسمه tokiko سعره 260 جنيه وفيه جابريل امريكي ثمنه 320 جنيه والمونرو من عند التوكيل ب 570 جنيع وعليه سنة ضمان ضد اي عيوب تظهر بعد كده
3- المهم قعدت الف شويه وفي الآخر لقيت محل تخصص لادا وسميكا واتغربت اوي ان في حد لسه بيبع قطع غيار سميكا بس الحقيقة صاحب المحل ظريف جدا وفاهم في اللادا واسعاره حلوه لقيت عنده طقم الجابريل الأمريكي ب 300 جنيه وهو فهمني انهم نازلين اساسا للادا فتوكلت علي الله واشتريتهم
4- رحت للميكانيكي اللي قال عليه المهندس احمد عزت في المنتدي وهو الحقيقة فاهم وركبهم ب60 جنيه وكمان ظبط لي الموتور ظبطه جميله وشالي صوت العصافير اللي كنت باشتكي منه طلع سير الدينامو
5- رحت المحطه بعد كده عشان ازود شحم في البيض وقلت للعامل يعمل مراجعه علي ربط العفشه. طلع من تحت العربيه بيشتكي انه لقي المساعدين الجديدة مفكوكة خالص
6- الحمد لله المساعدين الجديدة كويسه والهمد راح بس متهيألي انها ناشفه شويه
اتمني اني اكون غطيت الموضوع لتعم الأستفاده

[sayom]

انا جبت مساعدين هوا +زيت استعمال ياباني ممتازين من بورسعيد 250 جنيه اماميوالفرق بان كتير والحمد لله وناوي اشتري خلفي منهم

[sayom]

ايهما افضل زيت ام هواء+زيت؟

[maka]

شوفوا ياجماعة انا الحمد لله غيرت المساعدين ودي التجربة كلها
1- سألت عند حمدي لادا اللي في شارع دمشق علي طقم المساعدين قال ان عنده روسي بحوالي 460 جنيه
2- نزلت سوق التوفيقية لقيت الروسي (4 مساعدين) عاملين 220 جنيه وفي نوع ياباني اسمه tokiko سعره 260 جنيه وفيه جابريل امريكي ثمنه 320 جنيه والمونرو من عند التوكيل ب 570 جنيع وعليه سنة ضمان ضد اي عيوب تظهر بعد كده
3- المهم قعدت الف شويه وفي الآخر لقيت محل تخصص لادا وسميكا واتغربت اوي ان في حد لسه بيبع قطع غيار سميكا بس الحقيقة صاحب المحل ظريف جدا وفاهم في اللادا واسعاره حلوه لقيت عنده طقم الجابريل الأمريكي ب 300 جنيه وهو فهمني انهم نازلين اساسا للادا فتوكلت علي الله واشتريتهم
4- رحت للميكانيكي اللي قال عليه المهندس احمد عزت في المنتدي وهو الحقيقة فاهم وركبهم ب60 جنيه وكمان ظبط لي الموتور ظبطه جميله وشالي صوت العصافير اللي كنت باشتكي منه طلع سير الدينامو
5- رحت المحطه بعد كده عشان ازود شحم في البيض وقلت للعامل يعمل مراجعه علي ربط العفشه. طلع من تحت العربيه بيشتكي انه لقي المساعدين الجديدة مفكوكة خالص
6- الحمد لله المساعدين الجديدة كويسه والهمد راح بس متهيألي انها ناشفه شويه
اتمني اني اكون غطيت الموضوع لتعم الأستفاده

هى ايه سميكا دى

[assom]

سيمكا دي سيارة فرنساوي بس اعتقد ان انتاجها وقف لو كنت من هواة الأفلام العربي القديمة ممكن تلاحظ ان السيارة اللى كانت مديحة كامل راكباها في فيلم الصعود إلي الهاوية ماركة سيمكا

[maka]

سيمكا دي سيارة فرنساوي بس اعتقد ان انتاجها وقف لو كنت من هواة الأفلام العربي القديمة ممكن تلاحظ ان السيارة اللى كانت مديحة كامل راكباها في فيلم الصعود إلي الهاوية ماركة سيمكا

لا بصراحة انا مش من هواة الأفلام القديمة

بس ياريت يا باشا لو عندك صور ليها ترفعها

[assom]

Google Images
Simca

[maka]

Google Images
Simca

شكرا بس دى عربيات قديمة اوى

[assom]

ماهو عشان كده استغربت لما لقيت محل قطع الغيار كاتب ان عنده قطع غيار سيمكا