نعلن عن تكوين رابطة لادا من اليوم

[ymany70]

السلام عليكم
انا عاندى لادا روسى موديل 2007 وراجو ا مساعدتى فى حل مشكلة انا عاندى الحرارة بترتفع جدا والمروحة شغالة على طول وبتبتدى تشتغل فوق درجة حرارة 100 بالرغم من انها المفروض تشتغل عند 90 و المروحة لما بتشتغل مبتفصلش واللبة الصفراء بتاعة تشيك انجن مضيئة يا ريت حد يقولى اية السبب هل الترمثتات بايظ وهو اللى مخلى اللمبة مضيئة ولاا اية وهل الترموثتات مرطبطة بالماتور ولاا بالريداتير يا ريت الافادة فى اسرع وقت عشان انا مش بمشى بالسيارة

[ymany70]

مشكلة ارتفاع درجة الحرارة لادا روسى 2007

السلام عليكم
انا عاندى لادا روسى موديل 2007 وراجو ا مساعدتى فى حل مشكلة انا عاندى الحرارة بترتفع جدا والمروحة شغالة على طول وبتبتدى تشتغل فوق درجة حرارة 100 بالرغم من انها المفروض تشتغل عند 90 و المروحة لما بتشتغل مبتفصلش واللبة الصفراء بتاعة تشيك انجن مضيئة يا ريت حد يقولى اية السبب هل الترمثتات بايظ وهو اللى مخلى اللمبة مضيئة ولاا اية وهل الترموثتات مرطبطة بالماتور ولاا بالريداتير يا ريت الافادة فى اسرع وقت عشان انا مش بمشى بالسيارة

[Truman]

غالبا حضرتك أن المشكلة من الثيرموستات
فى واحد بتاع رادياتيرات كويس جنب التجنيد اللى فى جسر السويس فى شارع الترماى اللى بيودى على المطرية بيبقى على أيدك الشمال (الناحية التانية من الترماى و انت متجه للمطرية) ممكن حضرتك تروحلوا و أن شاء الله يظبط العربية

[ymany70]

متشكر جدا على الرد وعلى فكرة انا لقيت الثرموثتات اللى على الريداتير مفصولة مش مستعملة والثرموثتات اللى على الماتور هى اللى كانت شغالة واكتشفت انها بيظة فشغلت الثرموثتات اللى على الريداتير ومبقاش فية حساس على الماتور فهل ممكن تسبب مشكلة عشان انا سيارتى بها كمبيوتر وانجكشن ودلوقتى المروحة بتشتغل وبتفصل بس فصلها قليل جدا حتى بالليل والماتور ديما سخن جدا حتى لو مشيت بيها قليل وبقى فيها رعشة بسيطة ولبمة تشك انجن سعات تولع وتطفى تفتكر دا من اية هل من المياة مش بتوصل للماتور كويس

[essam_mady11]

السلام عليكم يشرفنى جدا الأنضمام للرابطه وعندى سؤال أرجوا مساعدتى فيه ولكم جزيل الشكر:عندى لادا 2107 موديل1993 عملت لها تجديد من كل حاجه خاصه العفشه بس ملاحظ السياره بتعوم منى والكاوتش لسه زيرو عملت ضبط زوايا نفس المشكله ياترى ايه الأسباب اللى تخلى العربيه عايمه وهل ترصيص الجنوط له علاقه أنا لسه ما رصصتش أرجوا الأفاده وأشكركم الأيميل بتاعى هو essam_mady11@yahoo.com

[Truman]

متشكر جدا على الرد وعلى فكرة انا لقيت الثرموثتات اللى على الريداتير مفصولة مش مستعملة والثرموثتات اللى على الماتور هى اللى كانت شغالة واكتشفت انها بيظة فشغلت الثرموثتات اللى على الريداتير ومبقاش فية حساس على الماتور فهل ممكن تسبب مشكلة عشان انا سيارتى بها كمبيوتر وانجكشن ودلوقتى المروحة بتشتغل وبتفصل بس فصلها قليل جدا حتى بالليل والماتور ديما سخن جدا حتى لو مشيت بيها قليل وبقى فيها رعشة بسيطة ولبمة تشك انجن سعات تولع وتطفى تفتكر دا من اية هل من المياة مش بتوصل للماتور كويس

حضرتك محتاج ميكانيكى كويس بيفهم فى المواتير الإنجكشن يظبط نظام الحقن و يشير عليك بالمطلوب بالنسبة لدورة التبريد لإن أنا الحقيقة عربيتى كربراتير و مقدرش أشير عليك بحاجة فى الموضوع ده بس متهملش الحكاية دى لأن لو فى حاجة مش مظبوطة مع مرور الوقت فى حاجات تانية بتبوظ و أن شاء الله العربية تتظبط معاك

[Truman]

السلام عليكم يشرفنى جدا الأنضمام للرابطه وعندى سؤال أرجوا مساعدتى فيه ولكم جزيل الشكر:عندى لادا 2107 موديل1993 عملت لها تجديد من كل حاجه خاصه العفشه بس ملاحظ السياره بتعوم منى والكاوتش لسه زيرو عملت ضبط زوايا نفس المشكله ياترى ايه الأسباب اللى تخلى العربيه عايمه وهل ترصيص الجنوط له علاقه أنا لسه ما رصصتش أرجوا الأفاده وأشكركم الأيميل بتاعى هو essam_mady11@yahoo.com

أكشف حضرتك على علبة الدركسيون و بارات الدركسيون ممكن تكون حاجة فيهم هى السبب

[x_gomgom]

انت قصدك ايه بالتعويم(تحس العربيه على سرعه بتلعب مع الهوا او مع اقل حركه في الطاره)؟؟؟؟ ولا تقصد بتحدف شمال مثلا...
هي الادا عامه بعد ال 100 (90 عشان ابقي دقيق) بالفعل تحس انها بتعوم و الدركسيون تحس انه من لمسه العربيه كلها بتعوم و دا لاسف عيب الادا مفيش ثبات على السرعات العاليه....
واحد صديق حل الموضوع دا بأنه جنط العربيه 14 بوصه 205/60 او 65 الرقم مش متذكره حاليا الصراحه و العربيه دلوقتي امان في السفر بكتير من الاول بس عيبها انها بتأثر على العفشه( انا بحس ان العربيه بقت ناشفه عن الاول و بيقولي كل 3 اسابيع بيربط عفشه)...
يا رب اكون افدت

[essam_mady11]

الأستاذ الفاضل gomgom أشكرك على الرد فعلا العربيه كانت بتعوم بعد سرعه 100ك/س لكن رحت النهارده عند عفشجى كويس وظبط العربيه وكان العيب فى كاوتش العلايات الخلفيه كل ناحيه بارتفاع مختلف+ العفشه الأماميه كان فيها مسامير مش مربوطه كويس ومش ظاهره والحمدلله رحت شغلى بالعربيه ومشيت بسرعات عاليه والموضوع تمام

[x_gomgom]

انا عندي نفس المشكله في 2107 موديل 2008 بعد ال 100 بجد بحس ان العربيه مش ثابته و ان اقل لمسه للدركسيون بتعوم بس مش اوي يعني...
هي بالفعل طلع دا عيبها و مع ناس كتير نفس الموضوع بتعا الثبات دا...
معلومه ال 2107 موديل 2008 المصري 1600 كربراتير فاضيه وزنها 1030 كجم فقطّّّ

[essam_mady11]

الأستاذ الفاضل/x_gomgom شكرا لتعاونك وأرجوا أن نظل على أتصال دائما لمناقشه أى مواضيع خاصه بالسيارات اللادا لنفيد أعضاء الرابطه ونرجوا من الأخوه الأعضاء مشاركتنا ليستفيد الجميع ونعتمد على أنفسنا بدلا من أن نقع فى متاهات الصنايعيه وشكرا

[x_gomgom]

انا موجود و في الخدمه و احنا هنا كلنا اخوه....

[essam_mady11]

اللى قدامه لادا يقوللى حدود 20000

الأستاذ المحترم midoo333 عندى لادا موديل 93 روسى وعارضها للبيع لظروف السفر فعلا اذا حبيت تليفونى 0111859220

[msalah191281]

و انا اكيد معاكم
عندى بس استفسار صغير حد يعرف اجيب منين بيض مقصات المانى علشان انا مش لاقى و لو ملئتش الالمانى اجيب اية يكون كويس
و نوع تيل فرامل كويس غير الروسي

[x_gomgom]

هو لاسف موضوع البيض دا انا معرفش عنه معلومات كافيه بس ممكن تسأل عند حمدي لادا....
التيل الروسي بيصفر بلاش منه في نوع مصري اسمه traxx دا كويس و في صيني انا جربته مش بيصفر الا قليل جدا و مش صفاره عاليه و علبته زرقاء..
يا رب اكون افدتك