LADA

[Hazem Salah]

السلام عليكم

أساسا سيارتى ماتريكس، و اشتريت حديثا سيارة لادا 2107 موديل 2007، و هى أول مرة أجرب هذه الماركة، اشتريتها لسمعتها الطيبة فى التحمل و الخدمة الشاقة، و لتكون من رائحة الماضى حيث كان الكاسيت قمة الكماليات فى السيارة ، و لكى يتعلم عليها ابنى و يبدأ السلم من البدروم
حاليا أريد اضافة تكييف و بورستيرنج و زجاج كهرباء، لكننى عندما أستشير أحد فى المكان و السعر المناسبين للشراء، أجد العديد من الردود المتناقضة، و بالتالى أؤجل هذا التطوير المرجو، لذا أحتاج النصيحة من أحد مر بهذ التطوير لسيارة لادا . . . .

[معاذ الشرباصى]

حضرتك انا خالتى كان عندها لادا مو 93 و فضلت معاها لحد 2002 و كانت عربية ما شاء الله تفوت فى الحديد
كان يعيبها انها تحتاج مصارع او لاعب كمال اجسام لقيادتها :D
الدركسيون تقيل جدا, و العربية ناشفة جدا جدا
حاولنا مرارا و تكرارا نركب باور منفعش, و قالوا مفيش باور ليها
التكييف و الزجاج الكهرباء دول ليهم حل, لكن الموديل اللى كان معاها ملوش باور خالص

[sab3aawy]

بالنسبة للتكييف غالبا مش هايكون مشكلة كبيرة لان حاليا فيه لادا بتنزل مكيفة

واقترح عليك تروح لديافيا فى كوبرى القبة لان هم اللى بيركبوا التكييف للادا الللى بتنزل مكيفة وبالتالى حافظينها

اما بالنسبة للباور ستيرنج فده مش مضمون انه ينفع يركب، لأن اللادا مانزلش منها مصر بباور ستيرنج

لكن هاقترح عليك حل وانت حاول تدور وراه

علبة ديريكسيون ال 132 شبة بتاعة اللادا الى حد كبير، وبالتالى هناك احتمال انها تنفع تركب مكانها ، لكنه احتمال غير مؤكد، لو علبة ال132 بتركب مكان علبه اللادا يبقى ممكن تدور على علبة باور بتاعة 132 2000 وتقيفيها على اللادا، اما بالنسبة للطرمبة والخزان والخراطيم فدى امرها سهل، اى متخصص باور ممكن يضبطلك الطرمبة بتاعة ال132 على عربيتك، وفيه واحد مشهور اوى فى شارع معروف جنب ابو طارق بتاع الكشرى ممكن يضبطلك التركيبات

سبعاوى (تحت منك بدورين :lol: )

[bassam nagy]

كلامك صح ياستاذ سبعاوى ان اللادا مابتنزلش باور سترينج بس بيركبلها باور عند حمدى لادا وبيتكلف للعربيات قبل سنة 1990 2350 جنية وللادا موديل فوق التسعينات بيتكلف 1900 والسعر شامل التركيب والضمان

[hazem_khidr]

انا سقت موديل 2006 الروسي و لقيت الدركسيون بتاعها خفيف مووت و دا اللي انا استغربت له و كانت مع واحد قريبي و قالي ان دا الفكر الجديد للادا!!ف اعتقد ان عربيه حضرتك زي دي و م محتاجه و عموما هو اقتراح الباشمهندس سبعاوي ممكن يمشي معاك .
بالنسبه للسنتر اي حد بتاع كماليات او كهربائي يركبهولك دي مافيهاش مشكله.
انما بالنسبه للزجاج الكهربائي ما اعتقدش انك حتلاقي لادا فيها زجاج كهربائي و عموما برضه ممكن تجيب مكن الزجاج بتاع ال 132 ال 2000 استعمال حتلاقيهم في وكاله البلح و تحاول تركبهم بس اسئل كهربائي نضيف الاول ممكن يقولك انهم حيبوزو بسرعه او حتحتاج تخرم في الابواب او كده بس اسال الاول

[TAG_Turbo0]

بص يا باشا والدى كان معاه لادا 1982 روسى وبعها 2004 العربية حمارة شغل بس هو موضوع الباور زى مالرجالة قالت بيركبلها بتاع 132 او 131
والباقى سهل

[hazem_khidr]

كما قال الشاعر
(اللادا يا عزال الادا بحبه و الحب عباده
بقولو ايه اسم الله عليه عسل ابيض و حلاوته زياده
اللادا يا عزال اللاده):)
احمد عدويه

[Hazem Salah]

شكرا ياجماعة على هذه التفاصيل المفيدة

[Abonora]

hi man...
after 3 years with my LADA

NEVER INSTALL AN AIR CONDITION IN IT !!

i did that and i removed it after a while....it dosn't fit with it & will distroy your car..

pleaaaaaaaaaaazeeee

DON"T !!

[ابوحميد]

بالنسبة لموضوع الدركسيون
هوا تقيل خالص
اما التكيف بلاش احسن بيبرد قدام واللى وراه كانه فى الغابات الاستوائية
على فكرة كان معايا لادا 2107 مو 2007

[حسام كرم]

هو يا ابو حميد مفيش فتحات تكييف بالخلف

[ابوحميد]

اى نعم

[ابوحميد]

اى نعم
نسيت اقول انى لسه معايا اللادا

[MOH_EGYPT77]

ايه اخبار الادا كالينا

[المتميز]

طيب إيه أخبار اللادا 2010؟
العربية دي بشوية إهتمام من الوكيل ممكن ببساطة تاخد مكان الشاهين إللي توقف إنتاجها