مميزات وعيوب اللادا بالتفصيل من جميع النواحى

[Abdm]

يا جماعة منتدى اللادا نايم خالص بالنسبة للسيارات الاخرى من ساعة غياب الاستاذ حسام كرم وأنا مش عارف راح فين احنا عايزين منتدى اللادا يكون أنشط من كدة بكتير جدا أنا عارف ان العربية اللادا مش سيارة مش جديدة فى مصر وان كل الناس عارفها لكن النقطة المهمة هنا اللى أنا بتكلم عليها بالذات السيارات اللادا الجديدة سواء كانت المصرى أو الروسى 2107 لأنها هى الآكثر انتشارا من بين أنواع اللادا الاخرى وأيضا التعديلات التى من الممكن عملها فى السيارات القديمة والفرق بين القديم والجديد وازاى نخلى اللى مش عارفها يعرفها لذلك فأنا فكرت أعمل موضوع عن مميزات وعيوب اللادا بالتفصيل من جميع النواحى الميكانيكية وما هى التعديلات الجوهرية التى حدثت فيها حاليا وأنا أخص بالذكر هنا اللادا الروسى لان للأسف اللادا المصرى كلها مشاكل ولكن لا مانع من التحدث عنها أما اللادا الروسى فأرجو من الجميع تنشيط الموضوع والمشاركة حتى يكون منتدى اللادا أكثر تفاعلا مثل باقى السيارات فى المنتدى ويا ريت يا جماعة كل أصحاب اللادا ما يتأخروش عن المشاركة لمصلحة تشجيع منتدى اللادا وأنا أعلم أن هذة السيارة يمتلكها أعضاء كثيرين ولن لا أدرى لماذا لا يشاركون بموضوعات مهمة وجيدة فهذا المنتدى اللادا نام خالص خالص خالص من هنا للصبح من ساعة الاستاذ حسام ما غاب ألا يوجد مشرفين لللادا يحبون هذة السيارة فلماذا لا يذكرون مميزات وعيوب هذة السيارة والآهم من ذالك هو كيفية معالجة هذة العيوب وهل هذة السيارة تستحق الشراء أم لا ولماذا وهل يوجد ما هو أفضل منها بنفس السعر وجديدة وسهولة تصليحها وجودة قطع غيارها ورخصها وتوافرها فى السوق . ولماذا لايقبل الكثيرين على شراء هذة السيارة وكيف نستطيع أن نبين لهم أنة سيارة تستحق الشراء وأفضل من غيرها كثير خاصة وهى سيارة جديدة روسى فأرجوا المشاركة باستفاضة فى هذا الموضوع وأسف جدا على الاطالة وجزاكم الله خيرا .

[Abdm]

وأيضا اضافة للكلام السابق عايزين هذا الموضوع يكون دليل شامل عن اللادا من خلال خبرات الاعضاء ومالكين السيارة وأسئلتهم وأجوبتهم ويا ريت كلنا نتشارك ونتفاعل مع الموضوع ولا نبخل بالمعلومات حتى ينشط منتدى اللادا وشكرا

[amr5500]

انا عندي لادا 2107 موديل 98
بس للاسف انا خبرتي في السيارات تكاد تكون معدومه
لان دي اول سيارة امتلكها
وفي الحقيقه انا شايف انها سيارة ممتازة
ومزاباها اكتر من عيوبها
وانا فعلا استفدت من المنتدي كتير جدا
واتمني ان اقدر افيد بقدر مااستفدت من هذا المنتدي الرائع والاعضاء المحترمين الذين لايبخلون بالمعلومه والنصيحه
جزاهم الله خيرا

[ameen_ra]

يا جماعة منتدى اللادا نايم خالص بالنسبة للسيارات الاخرى من ساعة غياب الاستاذ حسام كرم وأنا مش عارف راح فين احنا عايزين منتدى اللادا يكون أنشط من كدة بكتير جدا أنا عارف ان العربية اللادا مش سيارة مش جديدة فى مصر وان كل الناس عارفها لكن النقطة المهمة هنا اللى أنا بتكلم عليها بالذات السيارات اللادا الجديدة سواء كانت المصرى أو الروسى 2107 لأنها هى الآكثر انتشارا من بين أنواع اللادا الاخرى وأيضا التعديلات التى من الممكن عملها فى السيارات القديمة والفرق بين القديم والجديد وازاى نخلى اللى مش عارفها يعرفها لذلك فأنا فكرت أعمل موضوع عن مميزات وعيوب اللادا بالتفصيل من جميع النواحى الميكانيكية وما هى التعديلات الجوهرية التى حدثت فيها حاليا وأنا أخص بالذكر هنا اللادا الروسى لان للأسف اللادا المصرى كلها مشاكل ولكن لا مانع من التحدث عنها أما اللادا الروسى فأرجو من الجميع تنشيط الموضوع والمشاركة حتى يكون منتدى اللادا أكثر تفاعلا مثل باقى السيارات فى المنتدى ويا ريت يا جماعة كل أصحاب اللادا ما يتأخروش عن المشاركة لمصلحة تشجيع منتدى اللادا وأنا أعلم أن هذة السيارة يمتلكها أعضاء كثيرين ولن لا أدرى لماذا لا يشاركون بموضوعات مهمة وجيدة فهذا المنتدى اللادا نام خالص خالص خالص من هنا للصبح من ساعة الاستاذ حسام ما غاب ألا يوجد مشرفين لللادا يحبون هذة السيارة فلماذا لا يذكرون مميزات وعيوب هذة السيارة والآهم من ذالك هو كيفية معالجة هذة العيوب وهل هذة السيارة تستحق الشراء أم لا ولماذا وهل يوجد ما هو أفضل منها بنفس السعر وجديدة وسهولة تصليحها وجودة قطع غيارها ورخصها وتوافرها فى السوق . ولماذا لايقبل الكثيرين على شراء هذة السيارة وكيف نستطيع أن نبين لهم أنة سيارة تستحق الشراء وأفضل من غيرها كثير خاصة وهى سيارة جديدة روسى فأرجوا المشاركة باستفاضة فى هذا الموضوع وأسف جدا على الاطالة وجزاكم الله خيرا .

السياره اللادا منذ اكتشفها احمس الاول وحتي الان كما هي ولا يوجد بها ادني تحديث او تجديد ومازلت علي قديمه وهي دي المستقبل بالنسبه للميكانيكي القديم الي راح ينقرض مع تطوير تكنولوجيا السيارات الحديثه وللعلم هو ده راي فيها واقل من ذلك وبالرغم من كده انا لو بشتري سياره راح اشتري لادا....لانها فقط تناسب ظروفي وليس لاي ميزه فيها

[velkouf]

أسال ونحن نجيب

اخى الكريم
السيارة لادا من اقوى السيارات فى العالم
بس محتاجة حد يفهمها ويعرف يتحكم فيها وازاى يعدلهاويخليها على مزاجة
انا ركبت جميع انواع لادا
2105 قعدت معيا 3سنوات
niva قعدت معايا سنة و نصف و حاليا معيا 2106
وإن شاء الله ناوى على 2107 الروسى طبعااااااا
ويلا بينا نبدأ:
مميزات
1- بودى سيارة قوى وحديد
2-موتور شديد وأعطالة بسيطة
3-عفشة قوية تستحمل شوارع بلدنا الجميلة و مطبات بلدنا اللذيذة
4-امان على الطريق على السرعات العالية مع بعض التعديلات لكن الاساس عجلات امامية ذات قاعدة منخفضة اى فرص الانقلاب ضعيفة
5-شكل حجر فى اساسة لكنة قابل للتعديل و الترويش واقل مصروف بيظهر على السيارة
الخلاصة لادا يعنى قوة واداء للانسان العملى
مشاكل:
1- مراجعة العفشة باستمرار علشان الامان على الطريق
2-الكشف الدورى على زيت الكرونة
3- تغيير بيض المقصات كل سنة حتى لو كان سليم
وفى النهاية أعتقد انها ليست مشاكل وانما هى صيانة دورية واعتناء دائم بالسيارة
تعديل السيارة على مزاجك هو العامل المغير لنظرتك للسيارة وهل السيارة سوف تتقبل هذا التعديل ويبان عليها ولا لا هو دة السؤال ؟؟؟؟؟؟؟؟؟؟


دى صورة لادا 1500 متعدلة غير شكلها خالص والسيارة قبلت التعديل وبقت احلى بكتير ولكن فى الاساس تسلم ايدين اللى عملها فنــــــــــــــــــان
والفكرة حلوة
ممكن تخلى عربيتك احلى من اى نوع تانى بس المهم الفكرة السليمة اللى تنفععلى عربيتك

والبقية تأتى فاصل ونواصل

[lonedoctor]

تعديل روش جدا بس ازاى وفين وبكام؟
هو ده السؤال الاهم؟
انا كنت مسافر عن طريق مطار برج العرب واخدت تاكسى لادا من محرم بيك موديل 2007 روسى انجكشن وطول الطريق هريت صاحبه اسالة عن السيارة وجودتها واسعار قطع الغيار والحقيقة انا اندهشت من اشياء كترة فى هذه السيارة منها
1)الراجل وصل لسرعة 120 وكانت السيارة ثابتة جدا وكذلك فى المنحنيات واخبرنى انه ساعات كتير بيعدى ال 140 كم/س ومافيش مشاكل
2)بيستخدم بنزين 80 تصوروا ياجماعة والسيارة ماشية زى الفل فما بالكم لو استخدم 90؟
3)العافشة جميلة جدا وحنينة فى المطبات بطريقة انا مستغرب لها
4)على حسب كلامه قطع غيارها بملاليم
فى المجمل انا ارى انها سيارة مصر الاولى للى يفكر بشكل عملى

[velkouf]

تعديل الموتور و تسقيط المواتير



اية رايك فى التسقيطة الجامدة اوى دى
موتور بى ام على لادا 1500
كلام جامد اوى



ودى صورة صالون العربية اية الجمال دة
صالون مريح وشيك جدااااااااا
والبقية تاتى فاصل ونواصل

[velkouf]

على فكرة العربية دى لادا 1500 مو 83

[eculine]

على فكرة العربية دى لادا 1500 مو 83

بسم الله ماشاء الله و الله ينور عليك , ربنا يباركلك فيها و يديك خيرها و يكفيك شرها

[mohmdy]

السلام عليكم
مجهود جيد وربنا يبارك لك .
وعلي فكرة انا عضو جديد ، ودا من ساعة ما غيرت سيارتي الصغيرة وجبت لادا 2106.
وبصراحة رغم بعض المضايقات بس انا حاسس ان دا في الاول بس .
ولكن هي حمالة اسية رغم وجود شوية حاجات كدة ومأجلها وهي ماشية وبتقلش بم
فهي فعلا عربية تستحمل شوارعنا .
واسف للأطالة
وشكرا

[mouradn]

ما شاء الله
أنا لسة مشترى لادا 2107 موديل 2000 من يومين وبصراحة دى أول عربية معاى وأنا مش بفهم فى الميكانيكا
أنما حاسس فعلا بالثبات وكل اللى عملته أنى غيرت طقم كهرباء وفلاتر زى مانصحونى
بس مش عارف أعمل ايه تانى خصوصا فى موضوع بيض العجل اللى أنا مش فاهم ايه هو
انما هى عجلة القيادة خفيفة مش تقيلة بس أنا بحس بدبدبة فى العربية فى المطبات
أعمل أيه بقى؟

[velkouf]

بيض المقصات
موضوع مهم جدااا
نصيحة لازم تغير طقم البيض كل سنة على الاقل حتى لو كان سليم
انا شخصياا بعمل كدة لزوم الامان
تعرف امتى ان البيض محتاج يتغير لما الدركسيون يبقى تقيل معاك وانت ماشى
ولما تسمع صوت خبط مكتوم فى المطبات

[VTEC]

انا معايا لادا 2104 بقالها 6 سنين و الحمدلله شايف انها كويسه جدا
المميزات:
-العربيه عاليه عن الأرض
-بتستحمل الهبد و الرزع
-قطع الغيار موجوده و بكثره
-صيانتها مش مكلفه
-لو ظبطها صح مش حتبقى دايما عند الميكانيكى
-بنزينها لو عايز توفر مش بتقول لأ لو حطتلها 80 بس انا دايما بحط 90 عشان احافظ على الموتور
-عفشتها مريحه و ده انا مستغرب منه
-اداء الموتور جيد جدا
العيوب:
-الدريكسيون تقيل و خصوصا لما تيجى تركن بس مجرد ما العربيه تتحرك بيبدأ يتحسن
-صوت الموتور عالى شويتين
-موضوع بيض المقصات بس انا بغيره كل سنه و محصلش معايا اى مشاكل منه الحمدلله
---
بس نصيحه محدش يبخل عليها لأن قطع الغيار اصلا اسعارها كويسه جدا و متوفره
و ححاول اشوف الفواتير القديمه لو لسه مترمتش اجيب منها بعض اسعار قطع الغيار

[VTEC]

ما شاء الله
أنا لسة مشترى لادا 2107 موديل 2000 من يومين وبصراحة دى أول عربية معاى وأنا مش بفهم فى الميكانيكا
أنما حاسس فعلا بالثبات وكل اللى عملته أنى غيرت طقم كهرباء وفلاتر زى مانصحونى
بس مش عارف أعمل ايه تانى خصوصا فى موضوع بيض العجل اللى أنا مش فاهم ايه هو
انما هى عجلة القيادة خفيفة مش تقيلة بس أنا بحس بدبدبة فى العربية فى المطبات
أعمل أيه بقى؟

روح لعفشجى يكشف عليه و لو لقيته مش تمام غيره

[eculine]

اخى الكريم
السيارة لادا من اقوى السيارات فى العالم
بس محتاجة حد يفهمها ويعرف يتحكم فيها وازاى يعدلهاويخليها على مزاجة
انا ركبت جميع انواع لادا
2105 قعدت معيا 3سنوات
niva قعدت معايا سنة و نصف و حاليا معيا 2106
وإن شاء الله ناوى على 2107 الروسى طبعااااااا
ويلا بينا نبدأ:
مميزات
1- بودى سيارة قوى وحديد
2-موتور شديد وأعطالة بسيطة
3-عفشة قوية تستحمل شوارع بلدنا الجميلة و مطبات بلدنا


اللذيذة
4-امان على الطريق على السرعات العالية مع بعض التعديلات لكن الاساس عجلات امامية ذات قاعدة منخفضة اى فرص الانقلاب ضعيفة
5-شكل حجر فى اساسة لكنة قابل للتعديل و الترويش واقل مصروف بيظهر على السيارة
الخلاصة لادا يعنى قوة واداء للانسان العملى
مشاكل:
1- مراجعة العفشة باستمرار علشان الامان على الطريق
2-الكشف الدورى على زيت الكرونة
3- تغيير بيض المقصات كل سنة حتى لو كان سليم
وفى النهاية أعتقد انها ليست مشاكل وانما هى صيانة دورية واعتناء دائم بالسيارة
تعديل السيارة على مزاجك هو العامل المغير لنظرتك للسيارة وهل السيارة سوف تتقبل هذا التعديل ويبان عليها ولا لا هو دة السؤال ؟؟؟؟؟؟؟؟؟؟


دى صورة لادا 1500 متعدلة غير شكلها خالص والسيارة قبلت التعديل وبقت احلى بكتير ولكن فى الاساس تسلم ايدين اللى عملها فنــــــــــــــــــان
والفكرة حلوة
ممكن تخلى عربيتك احلى من اى نوع تانى بس المهم الفكرة السليمة اللى تنفععلى عربيتك

والبقية تأتى فاصل ونواصل

الله ينور يا باشا و تسلم أيد اللي عمل الفكره الرائعه دي و ربنا يباركلك فيها و يكفيك شر الحسد