ارجو المساعده و الرائ

[ehabyd]

صباح الخير
قدامي عربيه لادا عاوز اشتريها للمدام هي 2107 موديل 2003 علي 27000. يا تري سعرها مناسب هي حالتها ممتازة و روسي بس ما فيش تكييف او سنتر او اي حاجه .
و سواقتها حتكون مريحه للمدام؟ .
و لو حبيت اشتري باور بكام و منين لاني سمعت كذا راي ف المنتدي انه كويس و شويه يقولوا انه مش حيشتغل ؟؟؟
اهم حاجات في العربيه اكشف عليها قبل الشراء ؟
ارجو المساعده و شكرا

[ehabyd]

صباح الخير ياجماعة
هو مفيش حد ركب باور فى العربية دى ولا ايه

[lada2010]

الباور هيكلفك 2000 جينة ولو تقدر تخلص على 25 وتركب باور 2000 يباق 27 بالباور تمام اية انا تحت امرك لما تناوى

[ehabyd]

السؤال لو ركبت الباور

بيعيش والا بيعمل مشاكل والسؤال الثانى بتبقى العربية سهله للسواقة ولا لا (طبعا بالنسبة للسيدات )

وشكرا

[ahmad--ezzat]

ياباشا نتكلم بالعقل شوية
العربية الادا دى اصلا وهى جديدة تقيلة فى سواقتها ..سواء دركسيون او دبارياج ..وخشنة على الطريق فعلا..انا كان معايا 2105 ..هى حمارة شغل ولكن لا تصلح للستات..

بالنسبة لموضوع الباور انا منصحكش بية خالص ..متسلمش نفسك وفلوسك لتوكيل الامل عشان هيبهدلوك..بالاضافة انك متعرفش اية المترتب على موضوع الباور دة

انت تحط ال 27 اللف دول مقدم فى ماروتى زيرو او التو والباقى قسط..عربيات مريحة وسهلة فى القيادة وتنفع المدام

[ehabyd]

استاذ Ahmed20_08nubira

الف الف شكر على نصيحتك الغالية وجارى تنفيذها بأذن الله