تحيا لادا

[gomha]

حبيت اقول كلمة شكر فى لادا فلم اجد غير كلمة تحيا لادا رغم ما يراة البعض من عيوب فى هذة ااسيارة الا انها اثبتت لى انها فعلا لديها من المميزات ما يخفى عيوبها بل يجعلها تتلاشى تبدأ القصة كالتالى


فى يوم من الايام وبعد كلام يومى من قائدة المسيرة ورافعة الراية الزوجية ام البنات عيالى السيدة زوجتى فى اننا ولابد من ان نشترى سيارة تانية غير لادا دى لانها بقت قديمة اوى وكل الاصحاب والاقارب غيروا عربياتهم وجابوا الاحدث وما الى ذلك من الكلام وفى الاول بصراحة كنت معارض وقلت العربية كويسة وخدمانى واسيبها بالسنة وارجع اشفلها تشتغل وما تقولش لا تودينى البحر وتودينى السوق واروح بيها اى مكان انا عايزة طيب اية المشكلة ظهرت المشكلة لما حبينا نسافر بيها كنا فى الاجازة السنوية اعترضت زوجتى وقالت لازم ولابد تجيب عربية تاتنية لزوم السفر والرحلات وفى الحقثيقة انا اعترف ان لادا غير مريحة فى السفر المهم


وبدات رحلة البحث عن السيارة المناسبة فى مصر غير سيارتى العزيزة لادا مع اعتراضى على اى كلام لبيعها و حيث اننا نقيم فى السعودية بصفة دائمة

[gomha]

رحلة البحث

بدات بوضع المواصفات سيارة عائلية مريحة جير اتوماتك مكيفة مثبت سرعة وما الى ذلك من مواصفات مناسبة



الميزانية بدات بمئة الف ولكنها وصلت ومئة وخمسون الف



السيارات التى وقع عليها الاختيار


سيارة الشعب الاولى لانسر


سيارة الدكاترة تويوتا كورولا


سيارة الناس التى تحب التميز الميجان (وشفتها كتير فى اسكندرية)


المقارنة 1

لانسر
قالت اعجبت المدام جدا وبتقول الصالون حلوا اوى وشكلها جميل
قلت شكلها شبابى اوى وانا قربت من الاربعين عيب اركب عربية يركبها عيال الجامعة
قالت واية يعنى
قلت اخاف البنات تعاكسنى
قالت اذا كان فيها بنات بلاش منها الانسر دى

مميزات لانسر قطع غيار متوفرة وخصوصا الخارجية فانوس لمبة والحاجات دى خارج التوكيل وكيل نشيط واحترم جهودة فى الحفاظ على سمعة السيارة اعادة بيع ممتازة ومطلوبة بشدة ليها ورش خاج التوكيل تتشتغل فيها

العيوب بعض قطع الغيار اسعارها غالية جدا


التقييم

اخذت منى 8 من 10

[gomha]

المقارنة 2

كورولا

قالت برضة شكلها كويس بس لانسر احلى

قلت كويسة بس دى مش يابانى ذى فى السعودية

قالت تانى واية يعنى تويوتا كلها كويسة وكل اصحابنا من السعوديين بشكروا فيها

قلت ارتفاعها عن الارض مش كبير وانتى عارفة المطبات وشوارع اسكندرية دة حتى الكورنيش عملوا فية مطبات صناعية


مميزات الكورولا سيارة لها سمعة جيدة فى الخليج اقتصادية فى البنزين وكيل لة خبرة كبيرة و جيدة

العيوب كل قطع غيار فى التوكيل بس اسعارها عالية جدا حتى تيل الفرامل



التقييم



اخذت منى 6 من 10

[gomha]

التقييم 3

الميجان


قالت شكلها مش حلوا

قلت الشكل مش كل حاجة

قالت لى هى دى شركة تويوتا برضة

قلت لا دى رينو مع نيسان


مميزات الميجان سيارة بصراحة ذى مركبة الفضاء هااااااااى تك

العيوب قطع غيار حصرية ونار نار نار اعادة بيع انسى ولا حد يفكر يبص عليك


التقييم بكل اسف


اخذت منى 5 من 10

[gomha]

النتيجة النهائية

وبصراحة قررت انى احمد الله على لادا حاليا واخلى فلوسى فى البنك واشكر روسيا على انها تورد لينا قطع غيار بعشرين جنية والواد بلية يصلحها بخمسة جنية


واذا حبيت اسافر ابقى اشوف عربية ايجار وخلاص خصوصا انا معايا فيزا الفضية اروح شراتون اسكندرية واخذ من هناك واخلى لادا سيارة المدينة الاولى واقول تحيا لادا


وفى انتظار التخفيض على السيارات الاوربية

[M.almaghraby]

موضوع هايللل

تحيا روسيا the mother land

[mohamed2002]

موضوع هايل جدا :)

[TheInfernal]

مش لازم تصرف 150 ألف. حتى الهيونداي i10 اللي ب56 ألف هتبقى أحسن بكتير من اللادا.

[gomha]

مش لازم تصرف 150 ألف. حتى الهيونداي i10 اللي ب56 ألف هتبقى أحسن بكتير من اللادا.

فى الحقيقة انا لم اعمل مقارنة بين لادا واى سيارة اخرى ولكنى كنت بعمل مقارنة بين طلباتى واحتياجاتى فى سيارة عائلية مريحة والملبغ الذى سوف ادفعة مقابل ذلك و بكل بساطة شفت ان الاسعار مرتفعة جدا فى سيارات لاتلبى كافة متطلباتى وعشان كدة قولت تحيا لادا

[medooo333]

تحيا مصر اولا اللى لسة فيها لادا سيارة الشعب الاولى.......خليك ف اللادا احسن او لو عاوز تغير هات كورى

[velkouf]

تحيا لادا الف مرة

[blazer]

المشكله انها سياره غير امنه لا قدر الله فى الحوادث
فرامل ضعيفه جدااا
مع هيكلها المدرع فى الحوادث على سرعات عاليه(مش عاليه اوى كمان يعنى 80 كم)العربيه بتتدمر واللى جوا العربيه اصابتهم قد تكون بالغه لولا ستر ربنا
العربيه مفيهاش احزمه امان حديثه او هيكل مصنع لامتصاص الصدمات ومفيهاش airbags ولا abs او ebd
والحاجات دى حتى العربيات الصينى بتوفرها و باقل الاسعار
انا مش معترض على الادا كعربيه غير فى نقطه الامان
ولازم ناخد بلاسباب مادام نقدر
وربنا يسلم طريقنا كلنا

[SAMER_ENGINES]

فعلا علي رأي ميدو الكوري أثبت نفسه جدااااا مش لازم تدخل في 100 و 150 الف لا لا اي حاجة كوري من العربيات اللي اثبتت نفسها حتبقي كويسة جدا و سعرها معقول و فول اويشن

[sakrquraish]

see skoda A4

[nab!l]

ايه ياجماعة ؟
انا كان معايا لادا
حلوة بس متستاهلش التحيات دى كلها هى عربيه اعتماديه فقط لا اكتر ولا اقل لكن لا ليها فى السحب ولا فرامل ولا تكييف ولا امان ولا شكل