بص شوف لادا بتعمل ايه

[Ahmed R08]

دى عربيه لادا

والله العظيم لادا


ايوة دة مش حلم دى لاداااااااااا


:mrgreen:

[bassam nagy]

ماشاء اللة الشركة ابتدت تتطور

[sokasoon]

بس ديه مش فى مصر

[baher]

عقبال الشاهين لأني كنت بقؤل عربيتين ثابتتين لا تتغيران مهما مر الزمان اللادا والشاهين

[TAG_Turbo0]

شوف دول كمان

[bassam nagy]

بالطريقة دى هاتدخل منافسة فى الاسواق العالمية ومع كل الشركات الية فى العالم بس انا سمعت ان جنرال موتورز بتساعد شركة اوتو فاز الية هى شركة لادا لتطوير سيارتها والدخول فى الاسواق الاوربية لمنافسة الماركات الاخرى :!:

[bannawy]

يا عم بسسام .. يساعده الجن الازرق بس تتعدل الاشكال بتاعتها دي .. لو جنرال موتورز هي اللي غيرت من لادا كده فأهلا وسهلا بالحاج جنرال موتورز

[MOHAMED ABD EL SHAFY]

بالشكل دا هنلاقى الادا هتنزل بسعر يعدى ال 100 الف وهتبقى من سيارات الحلم وهتسييب محطة محدودى الدخل وتدخل محطة الاثرياء يعنى بردة المشترى المحدود هيبقى مظلوم

[fahd_628]

كويس والله بدأت تتطور

[ahmed1981]

الحمد لله
بدأو يتطوروا
يارب يكونوا وصلوا للباور والزجاج الكهربة والتكييف

[حسام كرم]

يا استاذ احمد1981
اللادا طبعا وصلت للباور والزجاج الكهرباء والتكييف من عشرات السنوات ولا تنسى ان روسيا دولة عظمى وهم ثانى من طلع على القمر ولكن انتاج سيارة بدون هذة الكماليات يتوقف على متطلبات السوق فى مصر فالادا 2107 تنتج الان بالتكييف وبدون وعلى الرغم من ذلك اغلب المبيعات للسيارة التى بدون تكييف وال128 فهى تنتج حتى الان لماذا فهى بالنسبة لفيات الايطالية تعتبر من الحفريات التى يجب وضعها فى المتحف ولكن لان هناك طلب عليها فى السوق المصرى فيتم انتاجها حتى الان اذا العملية هى الانتاج وفقاً لمتطلبات الاسواق وعلى فكرة هناك سيارات لادا بمستوى الbmw والمرسيدس ولكن لايمكن بيعها فى السوق المصرى لارتفاع اسعارها .
وشكرا جزيلاً

[ahmed1981]

الأخ حسام

أولا:
الادا 2107 لا تنتج من المصنع بتكييف ولكن يتم تركيب التكييف لمن يرغب عند شركة تركيب مكيفات

ثانيا:
أنا معاك أن المسألة مسألة متطلبات سوق
لكن
عندما تركب سيارة موديل 2007 على الزيرو وتجد نفسك مفرقت حاجة عن موديل من عشر سنين
يعني
مفيش تطوير للمحركات هندسيا هو هو نفس المطور من قديم الأزل ويا ريته إبتكارهم لا ده تقليد الفيات 125 يا ريتهم قلدوا وطوروا وده مع الزمن مش مكلف
مفيش تطوير لديناميكا الهواء وش العربية كأنه حيطة مصد هواء وتغييره مش معضلة
التابلوه والإكسسوار الداخلي هو هو مع إنه ما بيكلفش تغييره مليم ده العربية ال 128 طورت التابلوه والإكسسوار الداخلي

ثالثا:
لا وجه للمقارنة والإستدلال بين اللادا وال 128
بسبب
أنا بتكلم عن تطوير اللادا من الشركة المالكة للعلامة في روسيا يعني
مالك الماركة يقدر يعدل ويطور بدون مشاكل والعربية لم يقف إنتاجها من مصانعها الأساسية بروسيا ولو قلت إن عدم التطوير عشان تفضل رخيصة هقولك أن التطوير اللي أنا أتكلمت عنه مش هيرفع السعر بل ممكن يقلله
طب بس يحلوا العيوب الموجودة أصلا زي تقل الدركسيون وزي عسوب العفشة والمقصات وزي خشونة المتور

أما ال 128 فالحقيقة أن أنتاجها ثابت بدون تطوير من بعد ما نزلت المتور ال 1300 بس الفرق أن ال128 شركة النصر ليست مالكة للعلامة وبذلك ليس من حقها تغيير أي شيء في السيارة رغم أن في نماذج اتعرضت على الشركة من كليات هندسة في مصر لكن مقدروش يغيروا حاجة لعدم ملكيتهم للماركة

هتقللي والمالك للعلامة 128 مطورش ليه هقولك لأن الإنتاج اتوقف أصلا عند المالك من زمان وبالتالي بقه بيغير في غيرها

وفي النهاية أنا مش بهاجم اللاادا
وكمان مش بقارن بينها وبين ال 128

أنا مجرد بسرد تعليقات عن شركة اللادا الروسية وعن الموديل 2107 وعيوبه الصناعية من منظور هندسي

والله أعلم

م/أحمد :D

[حسام كرم]

اخى العزيز احمد
اولاً اهلاً وسهلاً بك فى مشاركتك الجميلة فى منتدى اللادا
ثانياً اللادا لاتنتج بتكييف لان روسيا جوها ثلجى فالى حد ما السيارة لم تكن مهياة منذ بداية انتاجها ان يكون بالموتور مكان للتكييف وان اعتقد ان من يتجة الى ركوب اللادا بيشيل من دماغة فكرة الكماليات كالزجاج الكهرباء والباور والتكييف ولا يعتمد الا على السنتر والكاسيت والانذار فقط لان السيارة غير مهياة لاكثر من ذلك ويستغنى عنهم بالقوة والمتانة وقدرة السيارة على البقاء لعشرات السنين بدون حدوث مشاكل ولكن مع شرط الصيانة الدورية
ثالثا :- بالنسبة لتغيير شكل التابلوة انت كما قلت بنفسك ان الامر لن يتكلف ملاليم ولكن الشركة قد ترى ان من يريد اللادا يريدها على هذا الشكل وان حدث اى تغيير سيحجم عنها وهذا واضح فى لادا 2110 فهى متغيرة جزئياً عن 2107 تكيف وباور وتابلوة وفوانيس حديثة وعلى الرغم من ذلك مبيعاتها اقل بكثير من 2107
اما موضوع بيض المقصات فسبق ان كتبت عنة اما موضوع الدركسيون فرجاء محاولة قيادة لادا 2107 موديل حديث لترى انة قد تغير جزئيا
واخيرا فاهلا وسهلا بك وبتعليقاتك فى المنتدى وشكرا

[ahmed1981]

يا أستاذ حسام

أنا قلت أنا أسرد ملاحظات من منظور هندسي
مبقولش اللادا حلوه ولا وحشة
أنا بتكلم عن عيوب صناعية وبتساءل ليه محلوش العيوب

حكاية أن من يريد اللادا مرتبط بشكل التابلوه القديم فأختلف معاك لأبعد الحدود
مش يعني عشان متعودين على منظر تابلوه سيء لأبعد الحدود أنهم لو حسنوه هنكره العربية عشان التابلوه أصبح فيه لمسة فنية جمالية
وبعدين قولك أن الشركة ترى ان من يريد اللادا يريدها على هذا الشكل وان حدث اى تطوير سيحجم عنها ده تخمينات في غير محلها لأن الشركة لو جالها فرصة تحسن شكل حاجة مش هتتأخر وهذا شيء بديهي

وهذا الأمر غير واضح بالمرة في ال 2110 لأن مينفعش تقارن عربيتين وحدة جر خلفي فئة معينة الناس حفظاها والتانية جر أمامي يعني فئة تانية خالص ولسة نازلة محدش عارف عنها حاجة

يعني لو نزلوا 2107 بنفس حجمها مع تطوير بسيط ومع تكييف وباور وزجاج كهربا وسنتر وجنوط وغيره هل سيحجم الناس هنها ويقل الطلب عليها

ده كلام برضه يا راجل

ده في الحالة دي ممكن تبدأ تنافس الشاهين

بأكد كلامي تاني اني بناقش عيوب هندسية وتطويرية في اللادا اللي ليها مميزتها برضه المعروفة

فمحدش من ملاك اللادا يزعل مني :D

والصراحة المنتدى جميل جداً

م/أحمد :D

[PAYOO]

ولا تنسى ان روسيا دولة عظمى وهم ثانى من طلع على القمر

[align=right:cf881d036d]روسيا هي أول من قام بإرسال كائن حي للقمر (الكلبه "لايكا") 3 نوفمبر 1957 بإطلاق السفينه الفضائية "سبوتينك –2 "

والروس هم أول من أرسل أنسان إلى القمر (رائد الفضاء السوفيتي "يوري جاجارين") 12 أبريل 1961 بالسفينه الفضائية "فوستو"[/align:cf881d036d]