البوجيه 3 شمعة

[aboadham]

السلام عليكم

ياترى حد من الأعضاء الأفاضل جرب البوجيه 3 شمعة فى سيارات لادا و خاصة injection 2107

[meeezo333eg]

انا معايا 125 بولندى 1976 و بيفرق معايا كتير البوجيه ال3 شمعة

[meeezo333eg]

بس بجيب Ngk اصلى

[emad_ms]

ارجوا التوضيح ما هو البوجية ال3شمعة وما هى مميزاتة وسعرة قد اية

[assom]

معايا 2107 2005 كاربراتير- وفرق معايا كتير لما ركبت بوجيهات 3 شمعة سحب أحسن استهلاك بنزين افضل.

[emad_ms]

ارجوا التوضيح ما هو البوجية ال3شمعة وما هى مميزاتة وسعرة قد اية ياريت حديرد عليا ثمن الطاقم كام

[meeezo333eg]

تمن الطقم من 50 - 60 جنيه حسب المحل بس يكون محل شغال و البضاعة مسحوبة
الفرق ان البوجيه العادى بيبقى فيه حتة حديد فوق المسمار بتاع الشرارة و التلاتة شمعة بيبقى 3 حتت حديد على المسمار

[M.ABDEEN]

البوجيه 3 شمعة بيدي سحب وحرق احسن للعربية مع استهلاك اقل للبنزين وبيساعد في عملية الاشتعال وبالبلدي كده تحس ان العربية فايقة

[assom]

الطاقم الدنسو الياباني الأصلي بيعمل 110 جنيه ولا انصح بتركيب انواع مجهوله لأن السيارة الادا روحها في طاقم الكهرباء

[waelms3]

البوجية ثلاثة شمعة يمشى مع اى موديل والا الموديلات الحديثة بس

[islamnasser10]

بس عاوس استفسر هو البوجية ال 3 شمعة دة مبيخليش العربية تاكل بنزين ؟؟؟؟ اللى اعرف ان بيفقع العربية فى البنزين وينفع اركب بوجهين اتنين شمعة واتنين شمعة وحدة ولا لاء

[islamnasser10]

البوجيه 3 شمعة بيدي سحب وحرق احسن للعربية مع استهلاك اقل للبنزين وبيساعد في عملية الاشتعال وبالبلدي كده تحس ان العربية فايقة

ههههههههههه مين قالك انه بيبق استهلاك اقل فى البنزين دة بيبهدل العربية فى البنزين بتاكل بنزين فى 3 شمعة بغاباء شفاط مقابل السحب طبعا والسرعة العلية

[elamerstar]

الطاقم الدنسو الياباني الأصلي بيعمل 110 جنيه ولا انصح بتركيب انواع مجهوله لأن السيارة الادا روحها في طاقم الكهرباء

كلام سليم 100%

[M.ABDEEN]

ههههههههههه مين قالك انه بيبق استهلاك اقل فى البنزين دة بيبهدل العربية فى البنزين بتاكل بنزين فى 3 شمعة بغاباء شفاط مقابل السحب طبعا والسرعة العلية

والله يا باشا الكلام ده عن تجربة وفعلا محصلش اللي انت بتقول عليه كل اللي حصل ان استهلاك البنزين بقى منظم وعملية الاحتراق بقت احسن والسحب اتحسن

[egy_stallion]

ياخواننا هو اصلا مال البوجيه ومال استهلاك البنزين , البوجيه كل ما عليه انه يدي شرارة عشان يبدأ الحريق , اديته بنزين قليل هيولع كتير برضة هيولع انما هو ف حد ذاته مالوش دعوة بكمية البنزين
اما بالنسبة لموضوع ال 3 شمعة فهو من الناحية النظرية احسن طبعا 1000 مرة ركز معايا ليه :
ف السرعات العالية بتبقى سرعة الكرنك عالية جدا وبالتالي سرعة دورة الحريق (سحب-ضغط-حريق-عادم) سريعة جدا (خد بالك ان اربع عمليات بتم ف الدورة الواحدة) فشوط الحريق بيتم ف وقت ضئيل جدا ( حوالي 1 ميللي ثانية على سرعة 5000 rpm ) فالبنزين مبيلحقش يتحرق بالكامل (طبعا مش بالدرجة اللي انت متخيلها دخان بقى وكده ) المهم ان البوجيه 3 شمعة وظيفته انه بيدى شرارة 3 مرات مش شرارة واحدة ف النوع العادي و بالتالي يضمن احتراق كامل لكل الشحنة داخل الأسطوانة وده بالتالي بيرفع من أداء الموتور
اما بقى من الناحية العملية فبصراحة انا مجربتوش بس انا متوقع انه هيعلي من أداء المحرك , المشكلة بقى ان الأداء ده محسوس ولا لأ ده حد يكون جربه يقدر يفيدنا فيه