سوال بخصوص الزيت

[ELKADY2010]

السلام عليكم ورحمه الله وبركاته

انا معايا لادا مو 80 ومش عارف هي ايه بالضبط بس هي اقرب لل 2107

هي 1600 cc

السوال بقي المتور بياخد كام لتر زيت بالضبط

كل الي اعرفهم قالولي 4 لتر لو هتخير الفلتر و 3.5 لو مش هتغيره

وانا بنفذ ده بس علي طول كل ما اقيس الزيت الاقيه عالي

وكمان المتور بيعرق زيت

انا بحط شل 5000 وعاوز اعرف هو المفروض يتغير عند كام كيلو بالضبط

وشكرا جزيلا لكم

[M.FOUAD]

هو ازاي بيعرق زيت والمقاس عالي .هو المفروض زي ما انت قلت 3.5لتر

[ELKADY2010]

الف شكر ليك علي ردك واتمامك

بس هو فعلا بلاقي المتور ملحوس زيت من فوق وده دليل عن تسريب بسيط اوي مش عارف من الغطا ولا من اجوانات

[M.FOUAD]

الف شكر ليك علي ردك واتمامك

بس هو فعلا بلاقي المتور ملحوس زيت من فوق وده دليل عن تسريب بسيط اوي مش عارف من الغطا ولا من اجوانات

نظف حول الغطا و اعملة جوان او غبرة بواحد جديد مش هيكلفك حاجة جايز تطلع المشكلة منة قبل م تدور على السبب عشان محدش يعمل عليك شغل

[a_sabeq]

مكن كمان تشد رباط على غطا التاكيهات الغطا الصاج العلوي الاسود.. تعريق الزيت ده ساعات بينزل على فرن الشكمان ويعمل دخنة تدخل عندك جوة العربية وتعملك صداع وزغللة وتخنقك وانت سايق.. شد رباط على المسامير الأول وإن مامنعش غير الجوان بتاع الغطا هو رخيص مش غالي.. وبرضه اتأكد إنه مش مشروخ ولا مخروم وبيسرب عشان كده..
موتور العربية بياخد 3 لتر ونص زيت و لما تغير الفلتر تحط 4 لتر.. واتأكد إن مقاس الزيت بتاع العربية ممكن يكون متغير.. أما بالنسبة لنوع الزيت، من الأفضل إنك تغيره قبل معاده عشان لو مغشوش ولا حاجة، لأن حتى موبيل وان بقى مغشوش وسمعت عن عربيات كتير قفشت بسبب زيت موبيل وان المضروب.. على فكرة كل ما تغير الزيت أسرع كل ما بتنضف الماكينة من الرواسب والروايش ونواتج الاحتراق والاحتكاك.. وأفضل طريقة لتغيير الزيت من طبة الكارتيرة وليس بماكينة الشفط الموجودة في محطات البنزين.. يعني تفضية من الطبة من تحت عشان ينزل الرواسب اللي في القعر..