هل الاسكترا مناسبة للسيارة اللآدا

[محمود نجيب]

هل يمكن تركيب اسكترا للدركسيون في السيارة اللآدا ليصبح أخف ؟
و هل ذلك له عيوب او اثر سلبي علي الموتور ؟
و كم التكلفة ؟

وجزي الله خيرا كل من أتعب نفسه بالرد

[masrawy1441]

انا سمعت قبل كده والله اعلم ان فى واحد زميلى كان مركب اسكاترا فيات 131 على لادا 2105 وكان الدركسيون زى الباور بالظبط لما سألته اتكلف كام تقريبا قالى حوالى 500 جنيه
بس بصراحه انا معرفش عيوبه ايه

[medooo333]

خليها على وضعها احسن..الاسكترا عيوبها كتيرةةةةةة

[mini]

على فكرة 131 لها باور فعلا

لادا 2105 هي فعلا على سكاترة زي 131 و بالتالي مفيش مشاكل اعتقد من تتركيب باور 131 على لادا 2105
بس خد بالك لادا 2107 علبة دريكسيون عشان كده معتقدش ينفع يركبلها سكاترة او ممكن مشاكلها كتيرة

ارجو اكون افدتك

[Bob2009]

يعنى ايه اسكاتره دى اصلا ؟؟؟؟؟؟؟؟؟؟؟؟؟؟؟؟

[M.FOUAD]

على فكرة 131 لها باور فعلا

لادا 2105 هي فعلا على سكاترة زي 131 و بالتالي مفيش مشاكل اعتقد من تتركيب باور 131 على لادا 2105
بس خد بالك لادا 2107 علبة دريكسيون عشان كده معتقدش ينفع يركبلها سكاترة او ممكن مشاكلها كتيرة

ارجو اكون افدتك

لا متحاولش تركب باور في ال2105 ملوش مكان اصلا هتضطر تقطع في الصاج لو موضوع الثقل دة ماملك ازمة ركب علبة دركسيون 5 بلية هيخف خالص دة اللي بيقولوا علية هاف باور لكن انا منصحش بيها احسن حاجة تسيب لبعربية على طبيعتها

[waelms3]

ممكن نعرف يعنى ايه اسكترا

[Bob2009]

ممكن نعرف يعنى ايه اسكترا

تقريبا ممنوع الرد على النوع ده من الاستفسار ممكن يكون عيب او حاجه كده الله اعلم عموما انا عرفت قولت اقول ليك

الاسكترا دى الى هى علبله الدركسيون الى احنا بنقول عليها هاف باور الى هى مش باور كامل

عموما هى عامله زى اى عربيه مش فيها باور عدا الادا ال 107 و غيرها من موديلات لادا القديمه الى هى بيقولو عليها دركسيون حجر والكلام ده فا بيركبو ليها علبه فى مصر بيطلق عليها هاف باور بس كده دى الفكره كلها

ياريت اكون قدرت اشرح لحضرتك على شان انا الى قال لى مهندس صحبى بس كلمنى عن التروس والافلام دى انا مفهمتش راح قال لى هاف باور وخلاص

[x_gomgom]

هي فعلا بيركب عليها ال 131 لكن عيبها القاتل الاتي....
ملهاش ظبط زوايا عند بتوع الزوايا ... صديق عزيز عليا معاه 2105 موديل 1983 كان عمل حادث حفظنا و حفظكم الله و غير ربع امامي كامل و ركبها و بندور على حد يظبطلها زوايا كومبيوتر بيقولوا ملهاش ظبط عندنا و لو ظبطنها كلها 4 ايام و هترجع تاني...
يا رب اكون افدت