مشكلة محيرة فى ادا 2107 help

[Dr_Semsem]

السلام عليكم يا شباب

انا عربيتى لادا 2107 موديل 2007 مصرى .. بالتكييف

المشكلة باختصار بدأت لما حسيت ان سحب العربية ضعيف علما بأنها عاملة 30 ألف كيلو

رحت لميكانيكى ناس وصفوهولى قالى الاسطوانه والديسك عايزين يتغيروا .. غيرتهم باسطوانه وديسك روسى

بعد اسبوع لقيت العربية فيها رجرجه جامده مع الأولانى .. فى الطالعة والرجرجه ديه بتحصل لما العربية تسخن شوية .. رجرجه شديده وصوت زى حديد بيخبط فى بعضه

رحت لميكانيكى تانى ثقه قالى الديسك ده وحش ولازم يتغير وتجيب الألمانى لأن الروسى وحش

جبت ديسك ألمانى . (( يعنى 2 ديسك فى اسبوع ))

وركبته .. والعربية بقت كويسه (( الكلام ده الاسبوع اللى فات ))

المشكة بقى ان الرجرجه ديه ابتدت ترجع تانى
رجرجه عنيفه مع الأولانى

.. كل ما آجى أطلع بالعربية لما تسخن شوية تحصل الرجرجه ديه

مش عارف فين المشكلة

لو حد يعرف ياريت يدلنى

وشكوووورين يا أهل الخبرة مقدما

[M.FOUAD]

نفس المشكلة المعروفة بعد تغيير الاسطوانة والديسك لاي عربية مش الادا بس نتيجة انعدم ضمير الصنايعية .هما بيتركبوا بطريقة معينة .انا ممكن انزل معاك في الصيف نصلحها عند عفشجي شاطر بس معلش بلاش اليومين دول اصل مشغول جدا

[Dr_Semsem]

يعنى المشكلة مشكلة تركيب ولا قطعة غيار ولا اييييه .. انا مش فاهم

أشكرك اخى على الاهتمام والرد .. ربنا يعزك

. بس أنا من اسكندرية

[M.FOUAD]

مشكلة تركيب فية رافعة معينة لازم تبقى عندة عشان يركبهم صح .معلش انا من القاهرة

[Dr_Semsem]

اشكرك طبعا على ابداء الرغبة فى المساعدة

يعنى كده مشكلة تركيب ... يبقى محتاجين ميكانيكى كويس ونحل تانى

[AboSalah_79]

نصيحة فى المستقبل لما تجيب طقم دبرياج هات الفاليو الإنجليزى عن تجربة فى لادا 2107 و ريجاتا

وأهم حاجة تحاول تشوف حد بتاع قطع غيار أمين و صنايعي عنده ضمير (هما قليلين بس لسه فى ناس كويسه)

[Dr_Semsem]

وأهم حاجة تحاول تشوف حد بتاع قطع غيار أمين و صنايعي عنده ضمير (هما قليلين بس لسه فى ناس كويسه)

هى ديه المشكلة .... الله المستعان

شكرا لك على الاهتمام

[Qamar]

اوعى تكون سيبت له الديسك الروسي!!! ده أكيد كده هايبيعه لحد تاني.

[Dr_Semsem]

سيبته فعلا ... بس كان فيه ريشة مكسورة

وهو حدفه على الارض كده بدون اهتمام وورانى عنده اكتر من 15 ديسك روسى تاكسيات مغيرينها

مش ديه المشكلة.... المشكلة ان الرجرجه ديه ابتدت ترجع تانى حتى مع الديسك الألمانى