موديلات السيارة lada

[حسام كرم]

الموديلات المختلفة للسيارة لادا

[حسام كرم]

فقط لعشاق اللادا موديلات القرن 21

فقط لعشاق اللادا موديلات القرن 21

[حسام كرم]

الى محاربى سيارات اللادا

يتضح من جميع صور السيارات السابقة والصورة المرفقة ان شركة اتو فاز الروسية المنتجة للسيارات اللادا قادرة على انتاج سيارات من واقع الخيال وتنافس كبرى شركات السيارات العالمية وان استمرارها فى انتاج السيارة اللادا 2107 على نفس التصميمم لمدة 20 عاماً يرجع الى الاقبال الكبير على هذة السيارة وليس لضعف الشركة وعدم قدرتها على انتاج سيارات حديثة كما يروج بعض محاربى السيارات اللادا التى ارى انها من افضل السيارات التى انتجت على مدار ال30 سنة الماضية .

[Ahmed R08]

انا بصراحه اول عربيه جبتها كانت لادا وهى لسه معايا وانا بحبها جدا وجبت الفيرنا برده بس الادا موود تانى ببقى راكبها ومش خايف على اى حاجة وخصوصا فى زحمه القاهرة انا مش بروح القاهرة غير بيها
وهى بجد عربيه حماله اسيه وقطع غيارها ببلاش وعيبها الوحيد انها ناشفه حبتين لكن فى الاخر هى من اكتر العربيات العمليه اللى شفتها
وصور جميله يا استاذ حسام
وفعلا بتوضح قدرة شركه لادا على الابداع والمنافسه فى سوق السيارات
:arrow:

[حسام كرم]

الروس قادمون

صاروخ لادا اخر ابداعات لادا

[amgad29]

بالرغم انني عمري ماكان عندي لادا إلا انني بحب العربية ديه جدا و نفسي اشتري واحدة من موديلاتها الحديثة زي البريورا مش عارف هتنزل مصر امتى. قريت ان سعرها برة قريب من سعر البيكانتو بس مش عارف هنا هتبقى بكام لو نزلت.
اعتقد ان أهم مشاكل اللادا في مصر هو الوكيل اللي ملوش اي وسائل اعلانية كما يفعل الأخرون
على العموم شوفوا اللينك ده فيلم (بالروسي) عن السيارة البريورا الجديدة

http://video.google.com/videoplay?docid=7469213750721952421

[Abonora]

بص هيا اوتو فاز شركة عملاقة فعلا بس الفضل في ال 2107 وعائلتها يرجع لفيات بس اوتو فاز ليها الفضل في استمرار انتشار التصميم
طبعا انا متوفع من اتوفاز كتير ومتوقع من لادا ايجبت كتير وهما فعلا عندهم خطط توسعية كبيرة بس يارب يحققو نصها
مشكلة اتوفا ز جزء من الكيان الاشتراكي اللي لا يعترف بالرفاهية او الراحة فعشان كده عربياتهم كانت كده اما دلوقتي فمفيش حجة وهنشوف تقدم جامد في الادا علي الاقل احنا نثق في الصناعة الروسية اكتر من الصينية والهندية

[bassam nagy]

انا كان معايا لادا 2106 ذات الاربع فوانيس بصراحة سيارة الخدمة الشاقة والطرق المصرية

الادا موود تانى ببقى راكبها ومش خايف على اى حاجة وخصوصا فى زحمه القاهرة انا مش بروح القاهرة غير بيها
وهى بجد عربيه حماله اسيه وقطع غيارها ببلاش وعيبها الوحيد انها ناشفه حبتين لكن فى الاخر هى من اكتر العربيات العمليه اللى شفتها

[ابوحميد]

شكرا يا باشا على الامل اللى اديتهونا فى اللادا

[POP88]

لو سمحتم ممكن حد يقولى أى حاجة وبالذات عن قطع غيار السارة لادا اليكو موديل 1993
جزاكم الله خيراً

[samirram]

الاستاز حسام كرم
ارجو من سيادتكم الرد والنصيحة على وجة السرعة لان شراء السيارة متوقف على رد سيادتكم
بعد تفكير طويل استقرت الامور على شراء لادا 2107 مصرى وقد سالت فى الامل عن السيارة الكاملة اى بالتكيف والبور فقالوا 51000
وسالنا عند رياض عمران بباب اللوق فقال 45500.بدون التكيف والبور ازا كنت ترغب فى التكييف تدقع 3000 وازا كنت ترغب بور تدفع زيادة
2500 كل دة ماشى فقلت لة عايز الاثنين قال مينفعش لان التكييف والبور بعملو مشاكل الاثنين مع بعض قلت لة لمازا طالما التوكيل اعتمد الاثنين قال انا قلت لك ويس وانت حر اختار اما تركب تكييف او بور وناس مركبة تكييف سالتهم فقالوا لايعتبر تكييف بهذا المعنى انة مثل مروحة الهواء فهل هذا الكلام صحيح
وسالتة عن ملص البيض والسخونية فقال هذة المشاكل حلت فى السبارة المحلى
ارجو من سبادنكم التوضيح عن كل هذة الاسئلة وشكرا لسيادتكم

[seleem3]

مشكوووووووووووووووووووووووووووور

[alihussien2]

السلام عليكم ماذا يعني basic import لادا 2107 ؟

[ayad2007]

السلام عليكم ماذا يعني basic import لادا 2107 ؟
تعني لادا 2107 الروسي و كلمة basic تعني من غير تكييف أو باور يعني عربية لادا روسي سادة من غير اي كماليات.