فين يا منتدى الادا 1200 ؟؟؟ مش عيب ؟؟؟؟؟؟

[k66]

اولا السلام على كل اعضاء المنتدى و رحمة الله و بركاته
ثانيا انا ورثت عن ابويا لادا 1200 مو 84 ومكنتش بسوقها خالص و ومعايا حاليا نوبيرا
المهم دخلت على منتدى اللادا عشان اعرف اكتر عن العربية ديه ملقيتش ولا موضوع واحد عنها و لا حتى حد جاب سيرتها في المنتدى مع ان العربية ديه هيه اللي عملت سمعة كويسة لللادا في مصر و الناس اشتروا 2105 و 2107 على سمعة ال 1200 الاقدم و بجد استغربت اوي ان محدش جايب سيرتها
ايه ؟؟؟ خلاص محدش معاه العربية ديه ؟؟؟؟؟؟؟؟؟؟؟؟ هيه اه عربية منقرضة بس شوارع المخروبة مليانة منها
ياريت لو حد معاه العربية ديه او يعرف عنها معلومات يقولي عشان العربية زهقت من الركنة و عايز اتحرك بيها شوية
ياريت يا جماعة و شكرا ليكم

[k66]

محدش بيرد طيب, الصراحة منتدى اي كلام

[M.FOUAD]

متزعلش نفسك العربية دية مش عارف راحت فين بقى من النادر اني اشوفها دلوقتي .كل اللي اعرفة عنها انها زي 124 بالضبط الفرق في سعة الوتور بس .فدور على اخبار عنها في منتدى الفيات

[mohamed2002]

ال 2105 عبارة عن الادا 1200 مع اختلاف الشكل لكن نفس الماتور ونفس العفشة

[mini]

اعتقد ان اللادا كله نفس العفشة /و الموتور باختلافات بسيطة
مثلا معروف ان موتور 2105 سير الكاتينة كاوتش مش جنزير

بس اعتقد انهم كام موتور قليلين مفيش variety كتيرة

بالنسبة لعلبة الدريكسيون بتاعة105 برضه مختلفة عن 107

بس يا باشا عموما هي قريبة جدا من 107 و الله اعلم

على فكرة هي منتشرة في اسيوط خصوصا كتاكسي و دي ميزة مش عيب

[M.FOUAD]

اعتقد ان اللادا كله نفس العفشة /و الموتور باختلافات بسيطة
مثلا معروف ان موتور 2105 سير الكاتينة كاوتش مش جنزير

بس اعتقد انهم كام موتور قليلين مفيش variety كتيرة

كل الادا 2105 قبل موديل 90 السير كاوتش لكن بعد كدة السير جنزير

[ahmedsamir79]

الأخ k66
قبل ما تتهم المنتدي بانه إي كلام يا ريت تبص بصه صغيره علي المواضيع الموجوده