سؤال عن الوقايه من البارومة

[bassoma]

السلام عليكم لكل الاعضاء المشاركين

كنت اسال اصحاب خبرة امتلاك سيارات اللادا وخصوصا 2105 او 2107 عن كيفيه المحافظة على السيارة من تاكل البارومة وخصوصا فى جو ملىء بالرطوبه والاملاح مثل مدينة الاسكندرية .... وهل هناك دهانات ملمعة وتحمى صاج السياره من التاكل .... وشاكر لكم على المتابعة

[M.FOUAD]

متصدقش حد في ان الملمع بيحافظ على العربية من البارومة و الكلام دة اهم حاجة اول ما تظهر بارومة في العربية اعملها علطول ومتكسلش فىي اجزاء لازم تتابعها دايما زي مكان الاستبن في الشنطة و العتب وفي الرفرف الامامي حول الفانوس

[ahymad]

فى حاجة مهمة خالى بالك بعد تغيير مية البطارية لان الحمض بياكل البوية و الصاج

[a_sabeq]

في مادة اسمها بوتامين، فبتترش قبل الدهان، زي المازوت كده، دي بتعمل عزل من المية، وبعدين تفحص كويس مكان الاستبن وتحت تانك البنزين، في طبات كاوتش بتمنع المية انها تدخل جوه الشنطة اتأكد انها موجودة، وفي فتحة ف نص الشنطة من ورا أمن عليها برضه.. والملمع بتاع البوية ده عشان يديها بس رونق ويخلي شكل الدهان كويس، إنما مش بيعزل المية ولا حاجة، إنما في شمع واكس بعد ما تغسل العربية ممكن تلمعها بيه، هتلاحظ إن في الغسلى التانية المية بتعمل كور ومش بتلتصق بالصاج.. وعلى فكرة طبقة الملمع بتبوظها الشمس، فمتركنش غير في حتة ضلة عشان لون العربية ميطفيش.. ومتهملش أي حتة بدأ الصدا يمسك فيها لأنها بتسرح بسرعة وساعات كمان تحت البوية مبتبقاش باينة.. خلي بالك، وربنا يوفقك..

[zicooo2008]

1- اهتم بغطا العربية لان ده مهم جدا و ياريت يكون غطا قوى يعنى وتر بروف + غطا قماش فوقه
2- حاول بقدر الامكان ركن السيارة فى اماكن بعيدا عن الكورنيش حيث الرطوبة العالية و الاملاح العالية
3- عدم غسيل السيارة فى فترة الظهيرة او اثناء و جود الشمس ساطعة .
4- تلميع السيارة بقطعة قماش بها جاز حيث ان الماء يساعد على التأكل
5- غسيل العربية فى البنزينة غير مستحب على فترات قريبة و خاصة العفشة بالمياه ويجب غسيل العفشه بالجازو ليس بالماء .
6- عدم استعمال المنظفات الغسيل فى غسيل السيارة لانها تساعد على الأكل السريع .
7- استعمال البوليش و الملمعات التى لها طبقة شمعية لانها تساعد على حماية لون العربية من التأكل
و الله ولى التوفيق

[bassoma]

اشكرك على المعلومات وبارك الله فيك

[islambana]

اقولك علي طريقه انا بنفذها وتمنع البارومه والصداء تماما
حضرتك تجيب علبه شحم وتروح تخلي سمكري يفك فرش الابواب ويدهنلك الابواب من جوه شحم وتدهن حته بسيطه حوالين الاماكن اللي بتلم بارومه وصداء (تحت الردياتير - الكارتيرات -البطاحات -.......) كده هتكون حضرتك ضمنت تماما عدم وجود بارومه في الاماكن دي
اما بالنسبه لباقي العربيه حاولل تقلل بقدر الامكان غسيل العربيه ولو غسلتها تنشفها علي طول بعد الغسيل علشان المياه ماتركنش في اماكن يصعب الوصول ليها وتعمل بارومه
وتلمع السياره بقطعه قماش عليها حته من الشحم ده هتخلي العربيه تلمع تماما وتمنع البارومه والصداء علشان الشحم ده بيحتوي علي غاز
علي فكره الشحم مش غالي انا جايب علبه كبيره من عند بتوع قطع غيار الدراجات والموتوسيكلات ب3 جنيه فقط بالاضافه للكلام اللي قالوه الزملاء

[tamer2004]

معاومات قيمة شكرا لخبرتكم

[bassoma]

كنت مرة بغسل السيارة وشحم فقلى العامل الغسسيل انها عايزة حاجة اسمها انتر كوت علشان تشيل الصدا اسفل السيارة وتحمية من مياة الشتاء
فما هو رايكم وبيعمل كام هم قلى بيعمل 40 جم ولكم جزيل الشكر

[islambana]

الانتر كوت دهحضرتك ماده عامله زي البلاك واسمها under coat ولكن الصنايعيه بينطقوها كده ودي بتغطي الشاسيه من تحت علشان البارومه والصداء والمياه ماتوصلش للشاسيه وياريت تعمله

[bassoma]

شاكر جدا على الاهتمام و الردود المفيدة