الردياتير جاب اخره اعمل ايه .

[محمد جلال]

السلام عليكم ورحمة الله وبركاته

الردياتير جاب اخره كل شوية بيتخرم وده الاصلى النحاس بتاع العربية (لادا 2105 مو 92 )من 4 شهور اتخرم اكثر من مرة حوالى 4 مرات ووديته لبتاع الريدياتيرات وغسله بمية نار ولحمه بس المشكلة بتعاود الظهور انا اتخنقت هل اجيب واحد جديد ولا فى حل ولو هجيب واحد جديد اجيب الاصلى النحاس ولا الالومنيوم ويا ريت تقولولى الاسعار .

وشكرى للجميع .

[mahmoud_magdy]

الرياديتير عموما مش غالي اصلا
هات واحد جديد احسن
مادام تاعبك
انت بتصلح فيه كأنك بتنفخ في قربه مقطوعه

[M.FOUAD]

غير الصنايعي اللي انت بتلحم عندةالاول.ولو عايز راداتير جديد هات الالومنيوم

[pharonicking]

الالومنيوم احسن

[محمد جلال]

اشكركم على مشاركتكم وجارى التنفيذ وهنزل اشوف الاسعار ايه وانشاء الله هغيره بالالومنيوم .

[ahymad]

يا جماعة هو الراداتير الالمونيوم ده اللى بينزل مع الزيرو ولا ايه

[M.FOUAD]

بينزل مع الزيرو المصري لكن الروسي القديم كلة نحاس و الافضل الالومنيوم

[M.ABDEEN]

للاسف الروسي القديم مكانش نحاس كان حديد ومن عيوب الحديد انه لما يكتسب حرارة مايفقدهاش بسرعة زي النحاس

[محمد جلال]

للاسف الروسي القديم مكانش نحاس كان حديد ومن عيوب الحديد انه لما يكتسب حرارة مايفقدهاش بسرعة زي النحاس

[justify][/justify][justify][/justify][justify]اللى كان عندى فى العربية نحاس وانا غيرته الاربعاء اللى فات بردياتير الومنيوم ومركب مروحة 8 ريشة وبجد المؤشر مبيزدش عن علامة بداية مؤشر الحرارة عن الربع ومبيجيش عند ال 90 ابداً والحمدلله ، والحديد اختفى لان معظم الموجود فى الموديلات القديمة بيصيبه الصدأ ومبيقعدش كتير ناهيك عن الحرارة العالية فحتى القديم المعظم غيروه بنحاس وكان شغال بس الالومنيوم افضل .[/justify]

[M.ABDEEN]

دلوقتي تقدر تخلصوا من مشكلة السخونة
1- تغيير الردياتير الى الومونيوم
2-تكبير المروحة (زيادة الريش)
3-تغيير الطمبورة اللي المروحة بتلف من خلالها بطنبورة قطرها اصغر فعدد لفات المروحة يزيد فالتبريد يزيد

[محمد جلال]

دلوقتي تقدر تخلصوا من مشكلة السخونة
1- تغيير الردياتير الى الومونيوم
2-تكبير المروحة (زيادة الريش)
3-تغيير الطمبورة اللي المروحة بتلف من خلالها بطنبورة قطرها اصغر فعدد لفات المروحة يزيد فالتبريد يزيد

الف شكر يا ابو حميد على النصائح الممتازة وانا حسأل على موضوع الطنبورة واحاول اعمله وشكرأ لمدخلاتك الجميلة .

[M.ABDEEN]

الف شكر يا ابو حميد على النصائح الممتازة وانا حسأل على موضوع الطنبورة واحاول اعمله وشكرأ لمدخلاتك الجميلة .

ربنا يخليك يا باشا ......وموضوع الطنبورة ده عمل شغل معاي حلو ودا انا شوفت ايام زي الخروووووووووب مع اللادا بس هي عربية عفييه وتستحمل البهدلة بس ناشفة قوي ومفهاش رفاهية بس الواحد ماكنش بيزعل على مطب او خلافه كنت بخش بقلب جامد وربنا يبارك لك فيها وتركب احسن منها