خبراء لادا 110 او 2110

[Bob2009]

السلام عليكم ياجماعه

انا مش عارف حاجه عن العربيه دى ولا عارف فين قطع غيرها ياريت حد بفيدنى عن العربيه دى
ارجوكم

[Bob2009]

ايه ياجماعه هو محدش هنا يعرف الادا ال 110 ولا ايه مفيش ولا رد واحد فين الناس بتاعت الادا ؟؟؟؟؟

عموما انا قدرت اوصل لواحد اسمه نصار فى التوفيقيه واحد قالى انه عندى حاجتها بس انا محتاج ليكم ومحتاج اعرف من خبرتكم ايه اخبار العربيه دى وقطع غيرها والصيانه يعنى كل حاجه عنها
ياريت حد يرد
شكرا

[cobraa2008]

بس يا سيدي انا اعرف واحد في برج الاطباء بيبيع قطع الغيار ليها في اول فيصل


وعاى الصيانه الحاجات الخفيفة انا اللي بعملها والتقيل بروح لميكانيكا وبشوف بيعمل ايه وبعد كدع لو باظت بعملها بنفسي


واغلب كهربة العربية بنفسي

[Bob2009]

بس هل صيانتها سهله لو بنفسك وقطع غيارها كلها موجوده بره ولا لازم التوكيل بتاع الامل
يعنى مثلا الحساسات بتاعت الانجيكشن كلها موجوده فى السوق ولا لازم التوكيل وبرده الحاجات الخارجيه يعنى ايه اخبار الدنياه فيها
وليه مفيش ناس عارفاها من الواضح ان مفيش حد هنا فى المنتدى معاه العربيه دى غيرى انا وانت الحمد لله انى لقيت حد اصلا انا كنت فاقد الامل
شكرا جدا ليك ياباشا

[cobraa2008]

بس يا سيدي احنا تقريبا 5 او 6 اللي في المنتدى عنده ه
بس يا سيدي احنا تقريبا 5 او 6 اللي في المنتدى عنده هده العربية وانا يعتبر اقدم واحد من الناس اللي فاتحت مواضع لل2110 على العموم


اغلب الحاجات هاتلاقيها بره حتى لو حساسات ولو ملاقتهاش ممكن تظبط مع الراجل ان يجبلك واحدة وتفضل متتابعه طبعا لو الحاجة ده ملاقتهاش خالص غير في التوكيل وكان سعرها معدي


وبرده اقبل ماتشتري اي حاجة اسئل عليها في الامل سوا عن طريق التليفون او تعدي لو انت قريب وتستفسر على كل حاجة سوا السعر او التركيب والمصنعية



على العموم اغلب قطع الغيار موجودة عند محمد لاا في اول فيصل وده اللي انا بتعامل معاه على طول


انا لحد دلوقتي شاري منه التالي

1- تيل الفرامل موجود عنده ونوعه تركي ولو مافيش يديك روسي ولا يوجد عنده مصري والسعر يتراوح من 70 -75 وده سعر التوكيل من غيرمصنعية والنوع في التوكيل مصري وزي الزفت
2- طقم الدبرياج كامل عامل تقريبا 450 روسي
3- ماستر فرامل عمومي بصراحة موش فاكر بس تقريبا 100 جنيه روسي
وعنده حاجات اخره كتير للعربية

[hemaatea]

يا عم الحاجات كلها موجوده,اولا انا معايا 2115 و اخويا معاه 2110 و هي هي 2111 و انا اللي بجيب معاه كل حاجاتها.هي منتشره بصوره كويسه سواء الروسي او المصري و التوكيل بصراحه مالوش لازمه لان كل حاجتها موجوده و سعرها كويس....عندك حمدي لادا في دمشق و عندك الباشا في التوفيقيه و كل اللي بيبيع حاجات لادا في التوفيقيه و دمشق عندهم الحاجات......يعني هي حاجتها موجوده بصره كبيره و كويسه و ربنا يوفقك

[Bob2009]

الف شكر ياجماعه وعاوزين نعمل تواصل مع ال 5 او ال 6 الى فى المنتدى ونكون كلنا مع بعض نفيد بعض بدل ما كل واحد لوحده بيفضل يدور فى مصر كلها يعنى نكون مع بعض
وشكرا ياجماعه ليكم وانا اسف على التأخير فى الرد كنت مسافر
شكرا

[maroguidehouse]

مساء الخير انا عضوه جديده و انوي شراء لادا 2110 مستعمله موديل 2002 روسي و حالتها جيده جدآ بس في ناس بتخوفني ايه رأيكم

[remon_bassem]

عذاب الادا 2110

انا اشتريت لادا 2110 موديل 2006 من شهر تقريبا بس معذباني بتسخن لحد ماتوصل ال لاحمر...........غيرت راديتير و عملت اللي ميتعملش......هل لو في مشكلة في الحساسات تعمل كدة.......حد يفدني

[mahmoud_ayman]

دي لازم تغيرلها الثرمستات
أنا أول ماجبتها غيرته عشان كانت روسي
بعد كده بسافر بيها مبتقولش لأ
وعمرها ماسخنت .بعد كده

[maroguidehouse]

قبل ما اشتري عربيتي كنت حتجنن على لادا 2110 و لكن و الحمد لله ربنا بعتلي الي بعدوني عنها بسبب كثره عيوبها و للعلم من ضمنهم احد مهندسين التوكيل عندما ذهبت اليهم للكشف على سياره اتفقت على شرائها و كانت تقفيل روسي موديل 2002 و حالتها جيده جدآ و صاحبها محافظ عليها و بيعمل كل الصيانه في التوكيل و لكن كل من يسمع اني حشتريها يقولي لا و لم اكن اخذ بكلام اي حد و لكن لما اسمع نفس الكلام من مهندسين صيانه بالتوكيل و مركز صيانه اخر خاص حتى ان احدهم قال لي لو مصره عليها و لأن حالتها حلوه متدفعيش فيها اكثر من 25000 و احد الاشخاص كان عامل اعلان لبيع سيارته و كلمته فقال بالحرف الحمد لله غارت و خلصت منها و نصيحه ابعدي عن النوع ده احسن و قال انه باعها بسعر قليل جدآ ليتخلص منها