خشونة اللادا 2107 الحديثة

[Abdm]

عندما أسال عن اللادا 2107 أجد الاجابة أنها خشنة و تحتاج تربيط للعفشة باستمرار بسبب ان العفشة نشفة والشوارع مليئة بالمطبات وانها بتسخن
سؤال أخر لو سمحتولى عن اللادا الروسى هل الكربرتير الانجكشن بيتسد ولازم أصلحة عند التوكيل لان الميكانيكى اللى جنبى مش هيعرف فية ولا أروح أشترى اللادا المصرى حتى أتلافى
كل المشاكل دى خاصة وانى كنت أفضل الروسى لجودة التقفيل ودية حاجة مهمة جدا
فأرجو الرد على مشاكل الروسى وهل يوجد حل لها .

[hazem_khidr]

اللادا الروسي عربيه كويسه و الانجكشن بتاعها محدش اشتكي منه حتي الان و مع واحد قريبي و بيحط ليها بنزين 90 و ماشيه معاه كويس يعني هو اشتكي من الفرامل و العفشه لكن الموتور لاء!!!!
بالنسبه للعفشه و محتاجه عنايه علي الاقل كل 6 شهور تروح تربط عليها و تفك البيض و تشحمه علشان البيض ما يملصش منك

[ahmed1981]

نشوفية اللادا 2107:

http://www.nilemotors.net/Forum/viewtopic.php?t=2608

بالنسبة للإنجكشن فأنا سمعت أنه من شركة سيمنز والله أعلم
وبالتأكيد الإنجكشن هيكون أوفر في إستهلاك البنزين
وصيانة اللادا عموما غير مكلفة حتى لو في التوكيل

[nonoymm]

هل صحيح ان المصري الآن أفضل من الروسي حيث أن العمال والمهندسين في التقفيل المصري أصبحوا من المهارة بمكان يسمح لهم بالتقفيل أفضل من الروسي

[hazem_khidr]

بالنسبة للإنجكشن فأنا سمعت أنه من شركة سيمنز والله أعلم

فعلا مكتوب عليه سيمنز بس صوته مرعب و انت بدور العربيه :)

[حسام كرم]

عندما أسال عن اللادا 2107 أجد الاجابة أنها خشنة و تحتاج تربيط للعفشة باستمرار بسبب ان العفشة نشفة والشوارع مليئة بالمطبات وانها بتسخن

بالفعل الشوارع مكسرة لذلك فان اللادا سيارة مناسبة جدا للطرق الوعرة مع اجراء عمليات الصيانة الدورية للعفشة والتربيط كل 5 الاف كيلو مثل اى عربية

سؤال أخر لو سمحتولى عن اللادا الروسى هل الكربرتير الانجكشن بيتسد ولازم أصلحة عند التوكيل لان الميكانيكى اللى جنبى مش هيعرف فية ولا أروح أشترى اللادا المصرى حتى أتلافى
كل المشاكل دى خاصة وانى كنت أفضل الروسى لجودة التقفيل ودية حاجة مهمة جدا

فى الكتالوج والتوكيل ينصح باستخدام بنزين 92-95 اوكتينوكما يقول الاستاذ حازم فان صديقة يستخدم 90 ولم يسد فهى عملية تساهيل وبنزين مصر يسد انجكشن البورش والفيرارى فانجكشن اللادا معرض مثل اى سيارة لان يسد

[mohab2010]

انا معيا لادا 2107 مو 2007 بستعمل لها بنزين 80 ولانجكشن زي الفل حتي الان بس كل 3 شهور بحطلها منظف انجكشن والبنزين ال 80 موفر معيا عن ال 90 حتي الان 2000 جنية تفتكروا اية ممكن يسببة ال 80 يكلفني ولو نصف هذا المبلغ

[mohamed2002]

في الحقيقة انا عارف ان الموضوع قديم بس حبيت اعرف رائيكم في الانجكشن بتاع الادا

[mirra]

انا الانجكشن معايا زى الفل بس انا بستخدم على طول بنزين 92 و بنضف البوابه كل فتره عند الميكانيكى ب w40.