اخيرا لادا 2107 جميع الكماليات

[حسام كرم]

ابلغنى صديقى بالامس انة اثناء قيامة باعمال الصيانة الدورية لسيارتة لادا 2107 بمركز صيانة لادا ايجيبت بالعباسية انة علم انة جارى تركيب وحدات الباور ستيرنج لسيارات لادا 2107 للسيارات الجديدة والقديمة حسب الطلب وهى وحدة روسى بالكامل ويتم تركيبها بالتوكيل بمبلغ 2500 جنية واعتقد ان هذا الاجراء من شانة ان يعظم مبيعات لادا2107 فى مصر لانة قضى على اكبر مشكلة فى اللادا وهى ثقل الدركسيون ( نسبيا فى الموديلات الحديثة ،، انا عن نفسى مش محتاجة ،،،)لاعتمادة على نظام تعليق قديم وبذلك تكون اللادا 2107 فول اوبشن ( تكيف -باور - سنتر - انذار - كاسيت )ولاينقصها الا الزجاج الكهرباء ويتم تركيبة فى العجوزه ب300 جنية

[AANIS]

انا كنت لسه في التوكيل الي في شارع النزهه
وسئلت علي الباور قالي انه الشحنه الي عندو خلصت وان الشحنه الي جايه في شهر 11

[fahd_628]

100 100

شكرا على الخبر

[ahmed1981]

أخيراً هيغيروا فكرة دركسيون الدودة الذي لم يعد يستخدم غير في الجرارات الزراعية
عموماً هذا خبر عظيم جداً
أكيد تقييم اللادا بالباور هيتحسن نسبياً

[eng_mkhalaf]

ممكن كدة تقدر تخش فى المنافسة تانى

[ابوحميد]

اعتقد كدا مفيش عيب فى اللادا غير صوتها العالى
هوا يا جماعة مفيش حل لمشكلة الصوت دى؟؟؟؟؟؟؟؟؟؟؟؟

[mahmoud_rivaldo]

طب الزجاج الكهربة بيركب فين في العجوزة ؟؟؟

طب الزجاج الكهربة بيركب فين في العجوزة ؟؟؟ ارجو سرعة الرد

[sab3aawy]

أخيراً هيغيروا فكرة دركسيون الدودة الذي لم يعد يستخدم غير في الجرارات الزراعية
عموماً هذا خبر عظيم جداً
أكيد تقييم اللادا بالباور هيتحسن نسبياً

مش معنى ان ديريكسيون اللادا باور انه مش دودة، قد يكون سكاترا وقد يكون دودة، بالمناسبة ال 132 كان منها باور وكان شغال بنظام الدودة

وفيه عربيات 4*4 ونقل كتير شغالة بنظام الدودة وباور برضه

[mohamed_88sk]

فعلا الخبر ده حيفرق جامد


اللادا في رأيي عائدة وعائدة بقوة كمان للمنافسة عندنا في اسكندرية بقى منها ملاكي كتيييير جدا ما شاء الله طبعا عشان سعرها وكمان مشكلة الباور اللي حلوها دي
ده غير التاكسيات (اقصد ال 2107 بالتأكيد)
وأعتقد أن الطلب الزايد عليها ده ممكن يعلي سعرها شوية حتى إني بفكر أجيب لادا بجد سيارة بحترمها جدا بس مشكلتها في الصوت ..

[Defender]

الزجاج الكهرباء بيركب كويس في العجوزة ولا بطئ وهو بيطلع وبيطلع عينك وهو بينزل ولا سريع زي العربيات بنت الحلال

علي العموم اذا كان كويس ياريت تقول فين في العجوزة بالظبط

شكرا لتعبك معانا
جزاك الله خيرا

[asdf]

الف مبروك لشركة لادا كدة اللادا 2107 هتزيد مبيعتها بشكل خيالي ومش مهم الصوت يا عم شغل الكاسيت وانت مش هتسمع حاجة خالص وعلي فكرة الزجاج الكهربي ممتاز جدا ومافيش منة اي مشكلة وانصح الناس بان تشتري سشيارة لادا2107 دلوقتي لان سعرها هيزيد كتير بعد كدة

[mohamed_88sk]

يا سلام بقى لو تنزل كمان أوتوماتيك (زي ما في 504 أوتوماتيك كده )...
بصراحه القاعده جوااها حلوة ومريحه وكراسيها مريحه حتى التابلوة شكل معقول نسبيا وخامته أنضف من سيارات أخرى كتير في رأيي وأسعارها في ال 60 ألف وطالع ..
ــــــــــــــــــــــــــــــــــــــــــــــ
بس أنا أسمع أنا اللادا عمتا فيها مشكله في البيضات متهيألي مش فاكر بالظبط إيه ..
كان في حد هنا بيقول أن ده العيب الوحيد والدائم في اللادا في العافشه وأن على صاحبها التأقلم معاه بس لازم يتابعه ويغيرة دايما..
ــــــــــــــــــــــــــــــــــــــــــــــ
كنت راكب واحده تاكسي قبل كده فالسواق بيقولي أنه لسه مغير حاجات في العافشه بحوالي 700 جنيه عشان التكسير اللي كان في شوارع إسكندرية فهل أسعار صيانتها وقطع غيارها مظبوطه ولا عاليه ولا ايه بالظبط؟
معلش أسألتي كترت :D :D