الكرباتير والانجكشن

[bassoma]

طيب يا أحلى شباب هل الآنجكشن ممكن صيانتة و تصليحة خارج التوكيل لانى مشغول ومبحبش زحمة التوكيل وبخاف يبوظو العربية ومش ناوى أتعامل معاهم على طول وبيتى بعيد فى فيصل فهل يوجد ناس كفائة متخصصة فى صيانة الانجكشن خارج التوكيل ويا ريت أعرف هما فين

ممكن ولكن مش عند اى ميكانيكى انت عايز ميكانيكى خبرة زى ما بنقول واقع من السما ....وربنا يوفقك

[x_gomgom]

انا على حد معلوماتي ان في ناس بتصلحه بس قليل ....
ابعد عن النجكشن مش فارق والله كتير... هي لو وفرت معاك في البنزين شويه هتلاقي قطع الغيار بتاعتها غاليه شويه (بالنسبه للادا) و صيانه صعبه...
كمان الانجكشن في الادا بالذات مش ميزه.... انا معايا الكربراتير 2017 2008 مصري..

[Abdm]

يا شباب المشكلة أنى مش فارق معايا قوى الكاربراتير أو الانجكشن أنا بفضل الكاربراتير لكن يكون فى عربية روسى زيرو مش المصرى اللى مليانة مشاكل بالهبل وكل اللى بيشتريها بيبعها تانى يوم من ناحية عيوب التقفيل الجسيمة وقلة الضمير والخامات
فمحدش يقولى ان المصرى أحسن من الروسى أبدا علشان كدة أنا مضطر أجيب الروسى الانجكشن وأتعامل مع التوكيل أو اى حد بيفهم فى الانجكشن كويس ونصيحة أخوية جدا أبعدو عن الادا المصرى هتكسبو لان عيوبها أكتر من مميزاتها .وما توفيقى الا من عند الله .

[x_gomgom]

والله انا مش عارف اقولك ايه هي عامه مسأله برضه نصيب من ربنا ...
انا بتاعتي مصري 1600 كربراتير فاضيه 2008 و من ساعه ما استلمتها و الي الان مفيهاش الهوا غير اني غيرت التيل و البوجيهات و الزيت و الفلاتر بس!!!!
اما مسأله الروسي احسن من المصري دي نسبيه متنساش ان الروسي في عيب قاتل السخونيه الزياده,,, و الناس بتعالج الموضوع دا بتغيير الردياتير بأخر 3 ماسوره....
كمان لو علي التقفيل لما تيجي تشتري ابقي روح توكيل الامل اللي في روكسي و انت بتستلم ظبط الراجل اللي هيجبها من الجراج و هتاخد واحده تحفه .
و دي اولا و اخيرا نصيب انا لما كنت في توكيل الامل اللي في العباسيه كان واحد مستلم عربيته من يومين و التالت جايبه وش سلندر و طلع عيب تصنيع و هي روسي.....
و عامه الوضوع كدا يتهيقلي وضح شويه ... وربنا يوفقك

[x_gomgom]

و اجدع ناس يردوا عليك في الادا الروسي الاسكندرانيه لان بسم الله ما شاء الله عندهم معرفه جيده جدا بالادا....
موضوع الردياتير دا قالهولي سواق تاكسي في الاسكندريه ....