لادا واطية ايه الحل ساعدونى

[islamnooh]

السلام عليكم ورحمة الله وبركاته ,,

أشتريت لادا 2107 زيرو مصرى المشكلة انها بتحك فى المطبات
سألت قالولى دى علبة البيئة
رحت التوكيل رفعوهالى شوية ( مش قوى ) بس لسه بتحك فى المطبات الجامدة خصوصا لو مركب 3 ورا او 2

واحد قابلنى فى التوكيل قالى انا شيلت علبة البيئة دى والعربية عاملة معايا 57000 كيلو تمام ولا اى مشاكل ولا حك بقى ولا يحزنون

سألت ميكانيكى قالى اوعك دى الناس بتدور على تركيبها عشان تحمى الموتور وانت عاوز تفكها

المشكلة بقى انها اتهرت حك وشكلها هيبوظ خلاص وبأخد المطبات بورب والناس بتضحك عليا ويقولولى ياعم دى لاداااااااااااا انت فاكر نفسك راكب لانوس ولا فيرنا وياسلام لو الدنيا زحمة طبعا بضطر اخد المطب عدل واحكها تماااام.

بتاع الجكمانات قالى اسخنلك عليها من ادام وورا وارفعهالك بس مش اوى برضه

اه نسيت اقولكم الميكانيكى قالى دى عاوزة يايات عشان اليايات اللى بتجى فيها ضعيفة .
بس واحد صاحبى كان معاه شاهين قالى ان العفشجى اللى كان بيرحله عشان بيحس بأى زلطة عالسكة قاله الهبد ده عشان اليايات عندك مش الاصلية دى جامدة الاصلية ارفع واطرى عشان متحسش بمطبات وهبد .

اعمل ايه يا هل الخبرة اغير اليايات الاصلية ولا اشيل علبة البيئة ولا اعمل ايه بالله عليكم ؟؟؟

[M.FOUAD]

انت ممكن تركب كاوتش على اليايات مش هيكلفك اكثر من 20 جنية و هيعلي العربية شوية

[blazer]

العليات بتضعف ثبات العربيه جداجدا
هو الحل لو اليايات اللى فى العربيه مش حلوه
ركب يايات ناشفه شويه هتخلى العربيه عاليه و تزود الثبات
ومن افضل الانواع المنرو و عليها ضمان سنه

[M.FOUAD]

العليات بتضعف ثبات العربيه جداجدا
هو الحل لو اليايات اللى فى العربيه مش حلوه
ركب يايات ناشفه شويه هتخلى العربيه عاليه و تزود الثبات
ومن افضل الانواع المنرو و عليها ضمان سنه

هي طبعا بتبوظ ثبات العربية لكن مش هتحس بالفرق في الادا العربية ناشفة اصلا و خسارة الواحد يغير اليايات الاصلية بتاعتها خاصة ان علبة البيئة مش هتعيش اكثر من اربع او خمس سنين و طبعا محدش بيغيرها

[islamnooh]

إستدراك

أسف يا جماعة العربية مش واطية انا قصدت أنها بوجود علبة البيئة كأنها واطية وبتحك فى اقل مطب

ولكن وضع طبيعى أنها توطى لما يركب ورا 3 أفراد وزن تقيل .

وجزاكم الله خير على ردودكم

م/ إسلام نوح
المجموعة الهندسية للمقاولات

[M.ABDEEN]

ركب يا باشا جيلد على السوست تعليها شوية بس ممكن العربية تعوم شوية
او ركب يايات ناشفة شوية

[Truman]

المشكلة دى كانت عندى و ركبت علايات كاوتش على اليايات قدام و راح الحك خالص و الثبات معقول لحد سرعة 100 مع العلم ان العربية إستيشن 2104

[M.ABDEEN]

المشكلة دى كانت عندى و ركبت علايات كاوتش على اليايات قدام و راح الحك خالص و الثبات معقول لحد سرعة 100 مع العلم ان العربية إستيشن 2104

انا فعلا عملت كده وكانت 2104 وكانت ثابتة ل 135 تقريبا

[abuhaitham]

الحل الجذزي لهذه المشكلة ان اليايات الأصلية الخاصة بالادا رفيعة واكيد ضعفت عندك انصحك بتركيب يايات فيات 131 وفية منها نوعين هات النوع الأغلى شوية والعفشجي يركبه بعد ما يقص منه شويه 10سم تقريبا يس يكون رافع شوية عشان لما تركب ناس ورا وان شاء اله هتلاقي نتيج كويسة بسة كمان بالمرة شوف المساعدين عشان تضمن نتيجة أكيدة . واوعى تركب يايات بيجو لا جديدة ولا مستعملة لأنها ناشفة وهتبهدل العربية

[kareemsmart]

انت ممكن تركب كاوتش على اليايات مش هيكلفك اكثر من 20 جنية و هيعلي العربية شوية

لا انصحكم بذلك .. انا ركبت كاوتش تحت السوست امام و خلف و بعد فترة بسيطة واحدة منهم اتقطعت ولقيت العربية مالت

الحل الجذرى تغيير السوست

[x_gomgom]

شوف عشان ابقي صريح معاك العربيه الادا ال 2107 الجديده واطيه على الارض (معايا موديل 2008) و الحكه اللي بتسمعها حضرتك دي علبه البيئه الي بتحك معاك...
في حل واحد عشان متلعبش في العربيه و هي لسه جديده بتروح لحد بتاع شكمانات بيفهم مش فهلوي تقوله ينقلك مكانها لورا قبل الكرونه بشويه و يعليهالك...
ولا تلعب في سوست ولا علايات العربيه اصلا ثباتها بعد ال 100 مش كويس...
للو لغيتها اختبار البيئه هيقرفك و مش هتعدي في نسبه ال co2 ...
يا رب اكون افدت

[محمد جلال]

اولا بالنسبة لعلبة البيئة لما تغير الشكمان مش هتلاقيها انا لسه مغير الشكمان بره التوكيل استثمارى والشكمان مكنش فيه علبة البيئة والموضوع عادى مش مشكلة ولا حاجة وبالنسبة لليايات كان عندى نفس المشكلة وواحد ابن حلال اقترح اغير بيايات بيجو وتمت العملية والحمد لله والعربية وانا بجرى بيها مش مضبوطة خالص ولا ثبات ولا غيره رحت جايب اربع يايات ايطالى بتوع لادا بـ 420 جنيه والحمدلله العربية ضبطت وزى الفل لا تقص ولا تلعب فى اى حاجة هات اليايات دى وهتريحك ودى اقوى من الاصلية شوية والعربية مبتنزلش غير الطبيعى مش جامد وبيركب معايا 4 والعربية زى الفل وبجرى براحتى وربنا يوفقك للافضل وشكراً .