اقتراح لخفض حرارة الادا

[usama_gamal]

أقترع صديق لى استبدال مروحة الردياتير باخرى تركب مباشر على الموتور علشان تعمل تبريد طول الوقت
انا جربت و النتيجة مش بطالة و كمان حافظ على البطارية احسن
نفس الصديق اقترح تعديل مجرى مياة التبريد و الغاء وصلة رجوع المياة السخنة للموتور مرة اخرى
اية رايكم

[x_gomgom]

من واقع التجربه الشخصيه المروحه المستقله اللي بتركب علي الردياتير (الكهرباء) دي ليها مزايا و عيوب....
مزاياها انها في الزحمه عمر ماالعربيه تسخن منك لانها عند درجه حراره معينه بتشتغل اتوماتيك و كمان سرعتاها عاليه في السلانسيه فبتبرد اسرع و عيبها انها بتسحب كهرباء جامد (راقب نور التابلوه و مؤشر شحن البطاريه اللي في التابلوه و هتفهم قصدي) موجوده معايا في الادا ال 2017
اما المروحه اللي بتركب علي الماتور دي بتركب علي طنبورة المياه و دي برضه ليها مزايا و عيوب:
عمر ما العربيه بتسخن منك بالذات علي السريع و سرعه دورانها مرتبطه بعدد لفات الماتور يعني تبريد جيد و مبتحملش علي الكهرباء بتاعت العربيه
اما العيب و في نظري انه قاتل نظرا للزحام الخانق انها بتبقي حتولع لو واقف في زحمه لانها كما ذكرت سابقاً مرتبطه ب سرعه دوران الماتور اللي هي في السلانسيه 1000 لفه/الدقيقه و دي سرعه قليله جدا بالنسبه للمروحه الكهرباء و هنا بيبان الفرق في الزحمه... موجود معايا في الادا النيفا و دا الفابريقه بتاعتها لمعلوماتك
اما موضوع وصله الميه دا انك تلغيه (اللي هيا تحت الكربراتير من ناحية جنب السواق في اخر المكنه) هو مش هيدي اثر جامد لكن يستحسن متلغيهاش لانك لو لغيتها ان بتلغي جزء من الدوره و بيؤدي الي زياده ضغط المياه في دوره التبريد مما قد يؤثر سلباً عل دوره التبريد (لو الغطا بتاع الردياتير ضعيف حيطلع ميه او خرطوم مشقق ممكن ينقطع)
ارجو اني اكون افدتك

[usama_gamal]

انا متشكر جدا على التوضيح

[M.ABDEEN]

السلام عليكم ورحمة الله وبركاته
الخلاصة يا جماعة لخفض الحرارة مايلي :
1-استبدال مروحة التبريد باخرى ذات عدد كبير من الريش....
2-استبدال الطنبورة اللي بتلف من خلالها المروحة باخرى اصغر وذلك لتحقيق عدد لفات للمروحة اكثر من سابقتها ........
3-تركيب رادياتير الومونيوم بدل الحديد او النحاس .........
وان شاء الله مفيش حرارة عالية مع ضمان استخدام نوع ممتاز من زيت المحرك وعدم المشي عليه اكتر من المحدد وتنظيف الردياتير والقربة من وقت لاخر

[x_gomgom]

كلام حضرتك مظبوط تماماً بس للاسفا مفيش ردياتير الومنيوم للادا غير النحاس و الفابريقه بتاعها حديد....
اما مسأله الطنبوره دي فيها كلام كتير لان المقاس الاصغر بيعمل زي رفه و بيخلي سير الدينمو ينقلب و ساعات ينقطع (سألت مره الميكانيكي علي الموضوع دا قلي انت مستغني عن الطرمبه!!)
بس بجد الموضوع اللي محتاج توضيح و اكون شاكر ليك انت شايف ايه انسب نوع زيت للادا (انا بحط شيل الاصفر و بغيره كل 4000 )

[M.ABDEEN]

كلام حضرتك مظبوط تماماً بس للاسفا مفيش ردياتير الومنيوم للادا غير النحاس و الفابريقه بتاعها حديد....
اما مسأله الطنبوره دي فيها كلام كتير لان المقاس الاصغر بيعمل زي رفه و بيخلي سير الدينمو ينقلب و ساعات ينقطع (سألت مره الميكانيكي علي الموضوع دا قلي انت مستغني عن الطرمبه!!)
بس بجد الموضوع اللي محتاج توضيح و اكون شاكر ليك انت شايف ايه انسب نوع زيت للادا (انا بحط شيل الاصفر و بغيره كل 4000 )

ممكن الردياتير يتفصل مافيش مشاكل وبعدين النحاس برده كويس واحسن من الحديد اللي كان بينزل زمان...........
بالنسبة للطنبورة مفيهاش اي مشاكل وانا عملتها زمان لمدة 3 سنيين لغاية ما بيعت العربية وقطع السير بيكون نتيجة لشده بشكل جامد ومعملتش معاي مشاكل وبالنسبة للزيت انا كنت بحط كالتكس هافوليين والكلام ده كان من 4 سنيين بس كان اخره 1500 كيلو طبعا دي مسافة صغيرة بس دي كانت نصيحة من واحد صاحبي فاتح مركز خدمة تغيير زيوت

[usama_gamal]

طيب ان عربيتى موديل 2003 و عاملة 58000 كم و كنت باستخدم موبيل و أغير الزيت 3500 الى 4000 كم و فى اخر مرتيت استخدمت موبيل 1 بس اداءة على الادا مش كويس ز
ياترى اية احسن زيت مناسب لماتور الادا 2107 ؟

[x_gomgom]

انا ماشي بالشل الاصفر هو الصراحه التبريد بقي احسن بنسبه 10 في الميه و طبعا صوت العربيه بقي اهدي بكتير من الاول بس يؤخد عليه انو غالي شويه (102 بالتغيير).....
و ان شاء الله هغيره علي 3500 كيلو... معايا لادا 2107 2008 مصري 1600

[usama_gamal]

السعر مش مشكلة انا باستخدم موبيل 1 و دة سعرة 250 بس مش مريح العربية

[cobraa2008]

السعر مش مشكلة انا باستخدم موبيل 1 و دة سعرة 250 بس مش مريح العربية

الزيت ده بيعمل 10000 صح ولا غلط

[usama_gamal]

المفروض انة يعمل10000 بس انا بغيرة بعد 7000 علشان بحس ان العربية صوتها عالى و بتسخن لو سبتة 10000

[assom]

انا معايا لادا 2107 2005 مصري اول ما جبتها كنت بحطلها موبيل مان وكنت بخليه 7500 كم بس حطيت منه مرتين وبطلت لأنه فعلا مش بيريح العربية دلوقت ماشي بموبيل سوبر وبغير علي 1500 كم

[x_gomgom]

يا جماعه الموبيل 1 دا زيت تخليقي مصمم للمواتير الجديده (علي كلام صنايعيه و ميكانكيه كتير)
انت كدا مش بتستفيد بمميزات الزيت اللي انت دافع تمنه المواتير اللي زي الادا هي هي من سنه 90 يعني مش عينفعك التخليقي (انت بقعده ازاي 7000؟؟؟ فلتر الزيت اللي بيبيعه التوكيل على كلام بتوع الصيانه بيتغير كل 7000 كحد اقصي!!)
خليك في المعدني و هو بصراحه بيريح الموتور جامد و صوته بيبقي اهدي و انا شايف ان احسن نوع ليه علي تجربتي الشخصيه الشيل الاصفر كما زكرت سابقا....
يا جماعه نصيحه و عن تجربه التخليقي بتتكلم في المواتير الجديده ذات تكنولوجيه متقدمه (مثلا بلوف الصمامات دي كاوتش في عربيات معينعه علي ما اتذكر و عندك الادا مفيش الكلام دا)...
و يا ريت تشاركونا ارائكم بخصوص الزيت....
يا رب اكون افدت

[cobraa2008]

ايوة بس اللي انت ما تعرفهوش ان الادا غيرت المواتير بتاعتها وفي عربيات لادا زي السمار الجديد وال2110 بتنزل انجكشن موش كرابتير زي ال2107

[Truman]

ال 2017 فيه منها أنجيكشن