اى استفسار عن لادا او اى مشكلة انا جاهز

[doohaarama]

السلام عليكم جميعا انا لاعندى لادا 2107 موديل 2006 عملتلها تعديل مروحه على سير بدلا من المروحه الكهرباء لكثرة اعطالها هل ده صح ولا غلط وفين عنوان التوكيل بالظبط وارف ازاى انها مصرى ولا روسى و شكرا

[ayad2007]

انا بفكر اشتري لادا 2107زيرو .. بس تكون روسي . كم يكون سعرها و في اي معرض موجودة. ياريت العنوان .. وكل عام وأنتم بحير...

[ahmedemad15]

السلام عليكم
انا معايا لادا 2105 موديل 83 المهم انا كنت ماشى الصبح بيها ومره واحده وانا ماشى وواخد سرعتى راحت طفت منى بعد ما وقفت حاولت اشغل فيها مش راضيه تدور خالص
المارش شغال ولما فتحت الكبود ودورت تانى لقيت سير الكاتينه مش بيلف وانا بدور العربيه بصيت عليه لقيته فى مكانه ومش مقطوع
حد يفيدنى ارجوكم

[osoo_man]

المشكلة دواسة البنزين من لمسة تحس انك جبت أحر الدواسة في اي عربية تانية ودة بيخالى العربية تتنتش المشكلة بتبان في بين الغيرات اللمسة بعد تغير الغيار بتسحب جامد تحس لن واحد داس لأخر الدواسة هل كل اللادا 2105 كدة ولا اية الموديل 85 ياريت اعرف كل اللادا كدة ولا دة مشكلة عندة ويارت حل وشكرااااا

[zahra]

ممكن حد ينصحنى اشترى استبن منين و بكام (جديد أو مستعمل) لأن الأستبن لادا 2107 موديل 2009 اتسرق, و هل يركب جنط الموديلات القديمة على هذا الموديل؟ و ياريت حد يقولى أعمل ايه علشان الشنطة ما تتفتحش تانى, يعنى أركب جهاز انذار؟ فين و بكام؟ و لا ممكن أعمل صامولة تربط الأستبن بحيث يحتاج وقت أطول من الحرامى لفكه؟ حد جربها ممكن يدلنى؟ اعذرونى يا جماعة انا جاهلة خالص بالأمور دى مع انى( كلام فى سركم) فوق الاربعين

[sohail]

انا لسه شارى لادا جديده ممكن تنصحونى نصيحه لله وايه هيه احلى انواع السماعات

[momo22]

عايز اخلى الموتور ملوش صوت زى العربيات الجديده ينفع ولو ينفع منين وبكام

[elbahay]

عندى لادا 2105 موديل 94 الدركسيون بتاعها تاعبنى

والعفشجى بيقول العلبة عايزة تتغير فكرت اركب بدل العلبة أسكترة

بس ناس كتير وصنايعية خوفونى منها

انا عايز اخد رأيكم فى مزايا الاسكترة وعيوبها

وهل اركبها ولا اركب علبة احسن ولو ركبتها حتتكلف تقريا كام ؟؟؟؟

ولكم الشكر

[M.FOUAD]

ممكن حد ينصحنى اشترى استبن منين و بكام (جديد أو مستعمل) لأن الأستبن لادا 2107 موديل 2009 اتسرق, و هل يركب جنط الموديلات القديمة على هذا الموديل؟ و ياريت حد يقولى أعمل ايه علشان الشنطة ما تتفتحش تانى, يعنى أركب جهاز انذار؟ فين و بكام؟ و لا ممكن أعمل صامولة تربط الأستبن بحيث يحتاج وقت أطول من الحرامى لفكه؟ حد جربها ممكن يدلنى؟ اعذرونى يا جماعة انا جاهلة خالص بالأمور دى مع انى( كلام فى سركم) فوق الاربعين

ايوة اي جنط بتاع لادا قديم ينفع يركب بيعملة حوالي 50 جنية استيراد
و بالنسبة للسرقة ركب انذار ب 140 جنية نوعة وولف موجود في ادريان

[M.FOUAD]

انا لسه شارى لادا جديده ممكن تنصحونى نصيحه لله وايه هيه احلى انواع السماعات

فية قسم للصوتيات في المنتدى شوف اية اللي يناسبك

[M.FOUAD]

عايز اخلى الموتور ملوش صوت زى العربيات الجديده ينفع ولو ينفع منين وبكام

مش هينفع طبعا لان عندك سير الكاتينة حديد انت ممكن تعزل الصوت بانك تبطن باب الكبوت اي سروجي يعملهالك

[M.FOUAD]

المشكلة دواسة البنزين من لمسة تحس انك جبت أحر الدواسة في اي عربية تانية ودة بيخالى العربية تتنتش المشكلة بتبان في بين الغيرات اللمسة بعد تغير الغيار بتسحب جامد تحس لن واحد داس لأخر الدواسة هل كل اللادا 2105 كدة ولا اية الموديل 85 ياريت اعرف كل اللادا كدة ولا دة مشكلة عندة ويارت حل وشكرااااا

خلي الميكانيكي يبصلك على وصلة الاكسيلراتير

[islamnasser10]

انا عندى العربية بتعمل350 كيلو فى التنك كله وبتجيب ال120 بالعفية يعنى دواسة البنزين على الاخر هى لادا 2105 روسى 1300 سىسى عوزها تجيب اكتر من كدة عشان بمل على الصحراوى وانا مسافر هل كدة كويس ولا لو عملت حاجة فى الموتور حتأثر سلبى على العربية

[islamnasser10]

انا عندى العجلة الامامى االيمين لما اخد مطب العربية بتدب على الارض نشفة اوى فى المطبات المطب ولو كان صغير بيسمع فى العربية دة عيب مساعد ولا سوست

[kareembelal]

السلام عليكم

اسف علي المداخلة لعدم امتلاكي سيارة لادا لكن أخويا عنده لادا 2107 موديل 2004 وعنده مشكله صغيره

لما يكون النور شغال ليلا ويدوس بنزين نور العربيه بيرتعش او بيحصل فيه ذبذبه حتي نور التابلوه والانابير فيا تري ده يكون من ايه ؟؟

ولك جزيل الشكر