مشكلة في لادا 2105 موديل 95 ارجو المساعدة

[ahmadmidoo]

بسم الله الرحمن الرحيم
انا عندي مشكلة في عربيتي انا عملت عمره للعربية وكنت متوقع ان العربية هتوصل مثلا ل 140 لكن طبعا صدمت انها اخرها 120 الميكانيكي قالي غير الديسك غيرته ومحستش اي فرق

المهم المشكله حاليا ان العربية مكتومه يعني عكس العربيات التانيه مش كل لما ادوس تسحب لا بالعكس كل لما ادوس السرعه تخف
ولما ادوس بالراحه تلاقيها بتتسارع مش عارف ايه حل المشكله دي مع اني رحت لافضل واحد بتاع كربيراتير عمله اكس وباب وبرده العربية لسه بتتخنق مع اني غيرت ايضا الرداخ والكهربا وظبطت الاسبراتير وكل حاجه
ياريت اللي يعرف حل للمشكله دي يقولي


يعني زيادة توضيح الغيار التاني بيوصل من 20 الي 40 كويس بعد كده العربية تهدي مره واحده وبعد كده توصل ل 60 بالراحه

[M.ABDEEN]

والله يا باشا انا كنت زيك كده وعملت عمرة معتبرة وغيرت ديسك واسطوانة بس اتصدمت اه الفتيس انعم شوية وصوت الموتور هدي شوية وسخونية العربية قلت ورحت للباشا الميكانيكي وهو بصراحة كان معلم وقالي اخرها كده لانه من اول شراء العربية كان المشي بيها بعد التليين مش بسرعة عالية ( فتح الموتور بعد التليين) انا ما اقتنعتش بكلامه وكان اخرها 125 و140 لما يكون في منزل في الطريق .......
الصراحة في سبب علمي هندسي تاني عرفته الشكل بتاع العربية مافيهوش انسيابية بحيث يقلل مقاومة الهواء وبالتالي المقاومة عالية فمافيش امكانية لاخذ سرعة عالية بالاضافة برده لتقل العربية ووجود مكونات من الحديد والانتومونيا وممنساش التكنولوجيا الروسي العتيقة ......... انا مش بعقدك وربنا يباركلك فيها بس حبيت اعرفك واوضحلك اللي كان معاي زمااااااااااان ورمضان كريم

[ahmadmidoo]

شكرا ياباشا علي رد حضرتك بس هوا حضرتك فهمت مشكلتي غلط انا كنت بحكي بس الظروف اللي حصلت معايا
انا مشكلتي الاساسية هيا ان العربية بتتخنق لما ادوس بنزين كتير ولما اكون دايس بالراحه خالص بتسحب
ارجو المساعده

[x_gomgom]

حضرتك عامل كام كيلو بعد العمره؟؟؟ هل خلصت فتره التليين؟؟
موضوع السحب و التسارع يتوقف على اكثر من عامل برجاء التوضيح

[x_gomgom]

لو حضرتك مخلص العمره و ظابط تكيهات العربيه تمام و طقم الكهرباء مظبوط يبقي غالبا الخنقع الللي مع الكبس الجامد غاليا تظبيط الكربراتير ...
و اتأكد ثانيا من ظبط الاسبراتير عشان لو مش مظبوط بيعمل نفس اللي حضرتك بتشتكي منه ..

[M.FOUAD]

الادا اخرها 140-150 لو زيرو
موضوع السحب دة لو فية دخنة سوداء و انت بتقرص على العربية من الشكمان يبقى غالبا كاربراتير عايز يتضبط او التاكيهات بس مادام العربية مبتسخنش معاك يبقى استبعد التاكيهات

[mohamed2002]

انا اعلي حاجة وصلت لها ان المؤشر كان بعد ال 145 بسنه ضعيفة نقدر نقول 145 بس طبعا تحس انك طاير طيران :) بتجيب لل 110 بسهولة ولو طريق مفتوح سفر ممكن تزود عادي بس احترس زيادة مش مامونة بالمرة خصوصا في الادا

[M.ABDEEN]

الادا اخرها 140-150 لو زيرو
موضوع السحب دة لو فية دخنة سوداء و انت بتقرص على العربية من الشكمان يبقى غالبا كاربراتير عايز يتضبط او التاكيهات بس مادام العربية مبتسخنش معاك يبقى استبعد التاكيهات

الله ينور يا باشا

[ahmadmidoo]

ألف ألف شكر ليكم ياجماعه علي الردود دي
بس الحمد لله النهارده انا وصلت للحل وارتحت اخير انا قمت النهارده بعد صلاة الظهر وقلت لما احاول اعمل حاجه في العربية قلت لما اجرب اظبط الهوا بعدين لقيت في بيك كده جنب مكان تظبيط الهوا افتكرت انه كان سعات بيتسد من البنزين ال 80 زمان قمت فكيته لقيته سالك بس وانا بربطه اكتشفت ان المشكله كانت فيه اللي كارن رابطه كان قافله علي الاخر فمكانش بيمرر البنزين بكفايه ولما سبته مهوي شوية قبل الاخر الحمد لله رجع التسارع كويس ومفيش خنقه
بشكركم مره تانية وكل سنه وانتم طيبين

ممنوع الكتابه باللون الاحمر حيث انه مخصص للمداخلات الاشرافيه فقط
مشرف عام 3

[islamnasser10]

انا عندى العربية اخرها بدواسة البنزين 120كحم ومش بتجيب اكتر من كدة وهى لادا 2105 روسى 1300 سى سى موديل 18 هى الحقيقة بتخنقنى فى السفر لانى بمشى على 100 بس انا عوزها تجيب اكتر من كدة عوزها تجيب 140 بحيس انى امشى 120 مرتاح فهمتو اصدى وبتعمل 350 كيلو فى التانك كله

[x_gomgom]

شوف هو موضوع الاستهلاك مبني على كذا عامل....
ضبط الكربراتير و طقم الكهرباء (ابلاتين - كوندنسر-بوجيهات-ظبطه الاسبراتير) و نظافه الفلاتر و التاكيهات....
لو بتقرص على العربيه و كانت بتكركر و بتجيب دخنه سوداء او في ريحه بنزين في الشكمان يبقى ظبط الكربراتير و مجموعه الاشعال....
موضوع السرعه القصوي بيعتمد على حاله الموتور و حاله الدسك و الاسطوانه و فوق كل دا حاله الطريق و اتجاه الرياح....
شوف الاول الظروف معاك ازاي و ان شاء الله بسيطه...
يا رب اكون افدت