خلاص غلبت

[hanymk]

عربيتي 2105 -1984
بتسخن بغباء لدرجة لمبة الزيت بتور
عملت كل حاجة
غيرت الردياتير
غيرت طلمبة المياه
غيرت جوان وش السلندر
غيرت الشكمان
غيرت وش السلندر
غيرت طقم الكهرباء
ركبت مروحة 8 ريشة وطمبورة اصغر

غلب حماري

[M.FOUAD]

اضبط التاكيهات دة اللي فاضل

[hanymk]

اضبط التاكيهات دة اللي فاضل

مفتوحة لدرجة ان تحس ان العربية بموتور سولار

[M.FOUAD]

مفتوحة لدرجة ان تحس ان العربية بموتور سولار

اضبطها تاني عند ميكانيكي كويس و يفضل تكون العربية سخنة و متمشيش من عندة غير لما العربية الحرارة بتاعتها تقل عن النص
و مش مهم تغير الراداتير اهم حاجة تتاكد ان دورة التبريد شغالة كويس

[M.ABDEEN]

انت كده عملت اللي ميتعملش بس لازم تراجع تاني ممكن :
الردياتير عملته ايه حديد ولا نحاس
الشكمان ممكن يكون 2 علبة مش 3 علبة
ممكن يكون في سدد في المواسير
المروحة اتاكد انها بتبرد ومفيهاش عوجة او ريجة
الزيت للموتور متمشيش عليه كتير
جرب حط مياه خضراء
افتكرت زمان كان في طبه في سكة التبريد بتاعة المياه لما اتشالت العربية سخنت قوي
ومعلش الله يكون في عونك

[x_gomgom]

بس بس خلاص بجد ربنا يعينك .....
الزيت لمبته بتنور لما العربيه تسخن؟؟؟ الزيت بينقص معاك؟؟ معدل السخونيه ايع يعني لما تبقي واقف في زحمه عداد الحراره فين معدي النص؟؟
غالبا و الله اعلم طرمبه الزيت عندك مبتقلبش ... كمان انت بتقول التاكيهات مفتوحه؟؟؟ دا سبق ذلك انتك ظبطه بعدين لقيتها كده ولا دي اول مره تظبطها؟
ربنا يعينك

[x_gomgom]

و نصيحه متمشيش بيها كدا لان لو الطرمبه قفشت الموتور هيتضر جامد و تدخل في عمره كامله....
بس يا ريت ترد على سؤالي المتعلق بدرجه الحراره و معدل تأكل الزيت و سبق انك ظبطت تاكيهات قبل ما تلاقيها مفتوحه كده...
ربنا معاك

[islambana]

علي فكره لو عملت كل اللي الاخوه قالولك عليه ومالقيتش اي نتيجه ممكن يكون فيه انسداد في مجاري المياه اللي جوه الموتور مابيخليش المياه تعدي جوه الموتور علشان تقوم بعملها

[hanymk]

علي فكره لو عملت كل اللي الاخوه قالولك عليه ومالقيتش اي نتيجه ممكن يكون فيه انسداد في مجاري المياه اللي جوه الموتور مابيخليش المياه تعدي جوه الموتور علشان تقوم بعملها

شكرا لاهتمامكم جميعا
انا عملت كل اللي قاله الأخوه و مفيش فايدة
باقي حكاية انسداد مجاري المياه، بس ازاي اتأكد انها مسدودة وازاي أسلكها؟

شكرا للجميع

[islambana]

شكرا لاهتمامكم جميعا
انا عملت كل اللي قاله الأخوه و مفيش فايدة
باقي حكاية انسداد مجاري المياه، بس ازاي اتأكد انها مسدودة وازاي أسلكها؟

شكرا للجميع

الانسداد اللي اقصد عليه بيكون نتيجه ترسب الصداء داخل مجاري المياه بتاعت بلوك الموتور نفسه ودي بتتكون ياما يكون صداء زياده ترسب مع الزمن علشان كده الحل الوحيد انك تفك المكنه خالص وتخلي الميكانيكي يبصلك عليها من جوه حته حته وبالمره يكشفلك علي طرمبه الزيت

[ninohelmy]

مره حصلى كده من كذا سنه فى عربيه132 و غلبت كده زى حضرتك و بعد كده اكتشفت ان امبير الحرارة فى التابلوة بايظ و بالتالى بيدى بيان غلط و اكتشفت ان العربيه سليمه و حرارتها عاديه.
ياريت تجرب تكشف عليه و مش هاتخسر حاجه وربنا يوفقك.

[M.FOUAD]

مره حصلى كده من كذا سنه فى عربيه132 و غلبت كده زى حضرتك و بعد كده اكتشفت ان امبير الحرارة فى التابلوة بايظ و بالتالى بيدى بيان غلط و اكتشفت ان العربيه سليمه و حرارتها عاديه.
ياريت تجرب تكشف عليه و مش هاتخسر حاجه وربنا يوفقك.

عشان تتاكد من الموضوع دة شوف فية غليان في الراداتير و لا لا

[islambana]

هقولك اقتراح افضل ياباشا اعمل موضوع في قسم الورشه واكتب فيه المشكله دي وان شاء الله الباشمهندس سمير عياد والباشمهندس سبعاوي والاخوه الاعضاء يفيدوك ومش هتخسر حاجه

[hanymk]

لاحظت انه كان في سلك بوجيه بيضرب شرار جنب الاسبراتير
قمت مغير طقم السلوك كله
فهل ممكن ان يكون هذا سبب للسخونة؟
مع العلم اني لم اجرب العربية في مشوار طويل بسبب رمضان!

[Dr Zezo]

لاحظت انه كان في سلك بوجيه بيضرب شرار جنب الاسبراتير
قمت مغير طقم السلوك كله
فهل ممكن ان يكون هذا سبب للسخونة؟
مع العلم اني لم اجرب العربية في مشوار طويل بسبب رمضان!

اعتقد و بنسبة كبيرة نعم

و للعلم اغلب مشاكل زيادة الحرارة لا تخرج عن عيب في كهرباء السيارة او دورة التبريد

الا ان عيوب و مشاكل الكهرباء بتكون خبيثة و تحتاج ميكانيكي بيفهم للكشف عنها

ربنا معاك