طقطقة قدام شمال

[AANIS]

السلام عليكم يا جماعة الخير
أنا أشتريت لادا 2107 في أكتوبر 2007 وبصراحة العربية معايا زي الفل ربنا يحميها بس من أسبوع كدة بدأت أسمع صوت طقطقة في العجلة الأمامية شمال يا ريت حد يفيدني في القصة دي
مع وافر الشكر مقدما

[islamnabil]

لو الطقطقة دي بتظهر وانت بتلف الدركسيون
تبقى كبالن عايزة تتغير

[x_gomgom]

يا راجل!!!!!
هي ال 2107 بقت كبالن امتي؟؟؟؟؟يا اخي ال 2107 خلفي لمعلوماتك....
سؤال هي الطقطقه دي مع الملفات ولا في المطبات فقط؟؟؟ شوف فبر المناول و المساعدين ....

[future_aya]

1- الكشف على المساعدين 2- الكشف على البيضات 3- جهاز الفرامل 4- الجنط (مستبعد) بالترتيب
وشكرا future_aya

[AANIS]

يا جماعة متشكر جدا علي أهتمامكو
بس فية ملحوظة صغيرة عايز أقول لكم عليها
1- الطقة بتكون في المحور الراسي مش الأفقي
2- بتكون موجودة لما بكون لسة في بداية الحركة مش علي سرعات
3-العافشجي قالي في الأول بلية بس لما ركب معايا العربية قالي دي جلب المقصات أغسلها كويس وشحمعا أنا هاأعمل كدة النهاردة بس أنا مش مقتنع لما نشوف

[M.ABDEEN]

جلب مقصات على طول ..........سيبك من غسيل وتشحيم وكلام المفتيين من الصنيعية دول وهاتلك طقم جديد بولندي او ايطالي وركبه

[x_gomgom]

لو بالفعل بتبان في المطبات احتمال كبير تكون جلب مقصات او جلب الميزان...
جرب و شوف و طمنا

[abdoulrhman]

جلب برضو

[AANIS]

يا جماعة متشكر جدا علي رددودكم
و كل سنة وأنتو طيبين
علي كل الأحوال أنا غسلت العربية من تحت كويس جدا بمسدس المية و الصابون وبعدين بالجاز
وبعدين ربط العفشة
وبعدين الراجل قال ان مفيش تشحيم لجلب المقصات ممكن تتزيت دة في بنزينة موبيل رابعة العدوية
بس لسة الطقطقة موجودة
انا أن شاء اللة ها اروح للمكانيكي و أغير جلب المقصات و كاوتش الميزان زي ما أنتو أقترحتو
وربنا يستر و مايكونش فية حاجة في البيضة