طلب مساعده

[emadelmahdy]

ارجو ان تفيدونى كلنا عارفين شوارع القاهرة والزحمه عاوز اعرف لما امشى على الغيار التانى فى الزحمه دى كتير كدة يبقى عادى ولا فى حاجه غلط عشان صعب اجيب الغيار الثالث طبعا ومعى عربيه لادا 2009 معى فترة 9 شهور . وعايز من الاخوة الافاضل حد يعرف بتاع دوكو كويس عشان فى خبطه بجانب الفانوس الايمن وبعض الخدوش من الرصيف من الركنه وسمكرى قال لى لازم تشوف دوكو كويس عشان يجيب لون الفضى الماتلك بس بيقول الون يكون غالى اعمل اية افيدونى وشكرا . انا مقيم فى غمرة شارع رمسيس

[mohamed2002]

علي قد معلوماتي واللي اعرفه ان المفروض متمشيش علي الاول بس التاني عادي اعتقد بس مش مسافة طويلة

[M.FOUAD]

التاني تمشي علية عادي بس استهلاك البنزين بيكزن اكثر شوية طول ما قدامك فرصة انك تعلى بالنقلة يبقى احسن
بالنسبة للدوكو المفروض في الالوان الميتاليك الجنب كلة بيترش لان الورنيش بيبان في فرق اللون بس العربية لسة جديدة و مش محتاجة اوي صنايعي عشان يرش جزء و البوية الميتاليك اعتقد كانت الاوميجا المصري الكيلو ب190 جنية و الاسكينز ب 400 بس اتاكد بردة من الاسعار عشان انا مش فاكر اوي

[x_gomgom]

اولا الف مبروك على العربيه و ربنا يعطيك خيرها و يكفيك شرها...
حته انك تمشي على التاني في الزحمه عادي بس اهم حاجتين تراعيها انك اولا متحملش رجلك على دواسه الدبرياج و ثانيا متحرقش على الغيار يعني كما ذكر الاخ الفاضل سابقاً لو في فرصه تنقل للغيار الاعلى يبقي كويس عشان متحملش على الفتيس....
موضوع البويه و الرش انا رأيي الشخصي انك تستني عليها شويه و تشدها كلها مره واحده عشان لو رشيت جزء بس بيبان يعني اصبر مثلا فتره لحد ما تحس ان فيها شغل تاني عايز يتعمل و تعملها مره واحده (و دا طبعاً يتوقف على حريتك الشخصيه اولا و الخبطه اللي جنب الفانوس لو جامده ولا بسيطه تمشي بيها عادي)
يا رب اكون افدت

[M.ABDEEN]

اهم حاجة متحرقش على الغيار وخلي رجلك حنينة شوية على البنزين والدبرياج ............
ومبروك على العربية وربنا يبعد عنك المؤذيين