حكايتى مع اللادا 2107 المصرى

[nezamy]

الحكاية تبتدى بانى عندى اتنين اصدقائى عندهم اللادا الروسى وانا جربتها وكانت كويسة وعملية ولكن لما جيت اشترى مالقيتش غير المصرى وانا كنت مستعجل فاضطريت انى اشتريها (غلطة عمرى للأسف) Crying or Very sad
المهم استلمت العربيه ولقيت الآتى:
1- الدركسيون تقيل مووووت ... اتقل من الروسى بمراحل
2- تارة الدركسيون مش مستقيمة مع العجل (رحت التوكيل وماعرفوش يعدلوة ..بالعكس خلوة اسوأ بمراحل)
3- الدركسيون فية بوش رهيب ... الميكانيكى قاللى غير علبة الدركسيون فورا لأنها بايظة
4- فية صوت وننة عالية فى الكرونه ..... لازم الكرونة تتغير هى كمان ..يادى النيلة
5- العربية ما بتعديش 120 كم / ساعة ودى كانت شكوى كل اللى قابلتهم فى التوكيل
6- المراية اليمين زجاجها عادى مش مقعر .... اخرك انك تشوف 20 سم جنب عربيتك ولا يمكن تشوف اى عربية جنبك
7- لما تنزل اى مطب مابتبقاش عارف انت هاتروح على فين ... ممكن يمين ... مكن شمال ممكن تفضل مكمل فى طريقك ..انت ونصيبك الله اعلم (بسبب بوش الدركسيون وسوء المساعدين) ولو قررت تعدى من وسط عربيتين على كوبرى 6 اكتوبر تبقى مجنون لأنك اكيد هاتلبس فى واحدة فيهم بسبب بوش الدركسيون برضة
8- العربية بتحك فى المطبات لو ركب 2 ورا
9- المساعدين بتاعه العربية خفيفه جدا ولازم تغيرها بمساعدين محترمة وتعللى العربية بعد تغيير السوست مش مجرد تركيب علايات ما بتعملش اى حاجة ... مصاريف ... مصاريف ... مصاريف
10- الكاسيت معقول ... الحمد لله فية حاجه عدلة
11- السماعات زبالة الزبالة
12- كرسى العربية دة قصة لوحدة... اولا ناشف جدا كأنك قاعد على خشبة (لا ينصح بشراء العربية لمرضى البواسير) ثانيا الكرسى عالى جدا جدا ... راسك هاتخبط فى السقف فى المطبات (انا طولى 177 يعنى مش طويل ولا نيلة)
13- العربية لما تمشى فى الحراره العالية والشمس تبتدى تقطع وعطلت بى مرة على كوبرى 15 مايو بعد اقل من شهر من شرائها (المضحك فى الموضوع ان كل العربيات اللى جنبى قاعد يقوللى رش ميه على طرمبة البنزين ... اتارى ده عيب معتاد فى اللادا) ... لازم تغير طرمبة البنزين كمان وانت وحظك يا تطلع سليمة يا تطلع زى اختها
16- التوكيل ... دة بقى عايز منتدى مسموح فية بالسب علشان عضويتى ماتتوقفش فى المنتدى المحترم اللى باحبه ده
17- التوكيل... اول حاجة المهندس القرفان من نفسة ومن شغلة واحتمال كمان من مراتة وكل حاجة تقوللة عليها يقولك هى كدة طبيعى حتى جرب باقى العربيات هاتلاقيها زى بتاعتك
18- التوكيل... كل ما تقول للمهندس على حاجة يقولك "ما تنساش انك راكب لادا .. هى كدة على اد تمنها"
مش بجد حاجة تقرف
وفيه حاجات تانية كتير مش فاكرها لأنى الحمد لله بعت العربية لأنى كنت كل ما اركباه احس انى هاعمل حادثة موت (خسرت فيها 6 الاف جنيه فى شهرين الحمد لله) واشتريت عربية اكسنت مستعملة موديل 99 1300 سىسى .... احسن من ام اللادا وابوها كمان
ربنا معاك ياللى هاتشترى اللادا ولو ليك اى استفسارات اخر قوللى

[ahmed1981]

جزاك الله يا أستاذ نظامي
توضيحك للعيوب في عربيتك يدل على أمانتك وإخلاصك لكل من سيشتريها بناءاً على توضيحك
العربية دي كنت هشتريها موديل 2006 في يوم من الأيام ولكن ربنا رحمني منها
ورغم معرفتي الجيدة لعيوبها إلا أنه عندما أوضح عيوبها في المنتدى قد يتهمني البعض بأنني عدو اللادا وأنني متحامل على اللادا 2107 في جميع مشاركاتي وهذا إتهام باطل لي
ومن المواضيع التي قلت فيها عن مشكلة كرسي السواق في اللادا التي تجعلك تلزق في السقف:

http://www.nilemotors.net/Forum/viewtopic.php?t=6400

أما وأنه قد شهد شاهد من أهلها فالحمد لله

طبعاً هذا لا يعني إن اللادا 2107 غير مناسبة تماماً
فقد تكون مناسبة لإنسان رغم عيوبها وكل ما علينا هو توضيح تلك العيوب والقرار في النهاية له يتخذه على علم بمشاكلها

[Karim_Monir]

نفس الكلام قولتة بالحرف الواحد نقلا عن تجربة زميل في الشركة
قعدت معاة اقل من سنة شاف فيها الويل هو ومراتة وابنة بسبب عمايلها فيه
وبعد سنة قعدت في التوكي لاكتر ما قعدت معاه باعها واشتري اكسنت 99 زيك بالظبط
ولما نحب ننكد عليك نقولة هانجبيلك اللادا
وهو كان بيلعب بدي بيلدنج يعني علة الدركسيون التقيلة ما تفرقش معاه خالص عشان ما شاء الله جسمة قد 3 مننا بس اللي سمعتة منه فعلا عاز منتدي غي رمحترم لاني هاوقف عضوية نفسي لو قلت اللي هو قال عليها

[AANIS]

اولا شكرا علي تقيمك للسياره استاذ/nezamy
بس انا كنت عايز اقول حاجه صغيره جدا
انا استلمت العربيه تقريبا دلوقتي من 25 يوم
واسمحلي اقول عن انطباعي عن العربيه لحد دلوقتي

1- الدركسيون مش كارثه يعني عادي جدا بالنسبه الي انه مش باور وهوا علي فكره قريب جدا من ال 128 وبطبيعه الحال الموضوع ده مش بيبان الا في ركن العربيه لكن والعربيه ماشيه اوملفات علي الهادي العربيه شبه عاديه
2- السحب معقول جدا (معدل التسارع ) العربيه ولله الحمد بتشد مع كتير من العربيات الحديثه
3- الثبات كويس جدا لحد 90 معقول لحد 110 بعد كده العربيه ثباتها سيئ جدا خصوصا انا كان معايا مازدا 323 وكنت بعدي ال 150 وكانت راسيه علي الارض بشكل خرافي
4- الفتيس تقيل شويه و بيعض ساعات مش عارف ليه
5- العربيه عموما معقوله واعتقد ان ان شاء الله ها توفي بالمهمه الي مطلوبه منها وهيا الاعتماديه ونقلي انا والعيله بسهوله وده نتيجه ان انا ساكن في مدينه جديده والانتقال مع العيله شبه كارثه
6- مفيش كماليات غير الكاسيت بس انا مش محتاج غيرو في المرحله دي الي يهمني هوا النقطه (2)
7- استهلاك البنزين معقول المفروض انه 1 لتر ل 10 كم
8- صوتها عالي شويه بس مش بيبان لما تسخن وتمش بيها في الشارع خصوصا لو كان زحمه
9- الابواب تقيله شويه غير اي عربيه
10- الشنطه واسعه جدا وده كويس
11- الصالون اوسع من ال 128
12 التقفيل معقول
13 الكراسي فيه شكوي انا شوفتها من الكرسي بس الي انا اكتشفتو ان فيه نوعين من الكراسي واحد السفنج بتاعه عالي جدا راسي كانت طالعه من السقف والتاني كويس جدا واطي ومضغوط بشكل افضل علي فكره انا طولي 187سم طبعا جبت الواطي
14 الشكل العام اكبر من ال 128 ويديك انطباع انه اقوي لأ ن الشكل الصندوقي بيدي الانطباع ده
العربيه معقوله جدا بالنسه لسعرها خصوصا انها تعتبر من ارخص العربيات الزيرو في مصر و ما ينفعش نقارنها ب الشاهين الفئه السعريه مختلفه جدا يا جماعه
اقرب عربيه ممكن نقارنه بيها ال 128 و اعتقد ان الادا تكسب بمراحل

[AANIS]

نسيت اقولك انها لادا 2107 مصري بدون تكيف

[ahmed1981]

ألف شكر يا أستاذ AANIS
جزاك الله خيراً على تقييمك
وربنا يباركلك في عربيتك

[ibrahimsaad]

طيب ياجماعه بعد كل ماقيل عن اللادا المصرى برأيكم

اللادا المصرى ولا الفيات 128 افضل

حيث ان سعر ال 128 40 الف واللادا حوالى 43 الف ونصف


يبقى ايهما افضل واحسن لو حبيت اشترى زيرو

[MoToRiZeR]

بصراحة رأيي بلاش لادا لأن عربية ناشفة جدا و سواقتها مش مريجة

و في نفس الوقت حرام تدفع 40 الف في 128 .. عربية متطورش فيها اي حاجة من ساعة ما نزلت .. حرام اصلا تجيبها زيرو !
ممكن في السعر ده لو عايز تجيب زيرو فيه السوزوكي التو .. او مستعمل

[ahmed1981]

اللادا المصرى ولا الفيات 128 افضل
حيث ان سعر ال 128 40 الف واللادا حوالى 43 الف ونصف
يبقى ايهما افضل واحسن لو حبيت اشترى زيرو

طبعا ً اللادا تغلب مراعاةً لظروف شوارعنا التي لا تتحملها ال 128

ويا سلام لو زودنا كمان 3000 جنيه وجبت اللادا 2107 الروسي يبقى تمام التمام

[ibrahimsaad]

بصراحة رأيي بلاش لادا لأن عربية ناشفة جدا و سواقتها مش مريجة

و في نفس الوقت حرام تدفع 40 الف في 128 .. عربية متطورش فيها اي حاجة من ساعة ما نزلت .. حرام اصلا تجيبها زيرو !
ممكن في السعر ده لو عايز تجيب زيرو فيه السوزوكي التو .. او مستعمل

اشكرك اخى العزيز

بالفعل حرام ادفع 40 الف فى ال 128

لكن ايضا للاسف الالتو ماتنفعش معى اولا لصغر حجم الشنطه ودى مهمه جدا لى
ثانيا ثمنها فى البنك 58 الف يعنى عدت المسموح بيه للعربيه

[ibrahimsaad]

طبعا ً اللادا تغلب مراعاةً لظروف شوارعنا التي لا تتحملها ال 128

ويا سلام لو زودنا كمان 3000 جنيه وجبت اللادا 2107 الروسي يبقى تمام التمام

اشكرك اخى العزيز

وهذا ماكنت اريد معرفته وان شاء الله انا فعلا ناوى على الروسى بس حبيت اعرف لو ماقدرتش اجيبها فيكون المصرى هو اخر حل
بس ان شاء الله اجيب روسى

بس ادعوا لى

[AANIS]

فعلا يا جماعه العفشه مشكله في الادا ناشفه شويه بس بردو ما تفرقش كتير عن ال 128

[thefighter22]

لادا 2107 هاف باور روسي موديل 2006 عاملة 24 الف كيلو 2سمعات سوني +كاسيت jvc كاربرتير +انذار +سنتر لوك +بها تكيف بها عجلة لم تنزل 1500 cc لون ابيض بحالة الزيرو عاملة كام ارجو الرد بسرعة

[sniper2010]

انتظروا تقييمي للروسي 2107 بس لما تعدي ألف كيلو

[yasoxp]

انا اسف للجميع بس انا اختلف معاكم فى اكثر النقاط السابقة
انا لسه شارى لادا 2107 موديل 2008 مصرى بصراحه انا جربت الاتى
العربية كصاج وتقفيل مع عد المقارنه بالعربيات العاليه ميه ميه انا ريح عليا ميكروباص ديهاتو وممكن تسألو الاسكندرنية عنه دبابه متحركه خبطلى الرفف الخلفى شمال مع الباب الخلفى شمال وذلك بعد مشتريت العربية بأسبوع طبعا ربنا يكفيكم العين
رحت للسمكرى فكيت الباب وربصلى على الشنطه وردلى الخبطه فى اقل من ساعه لو عربية اكسنت مثلا بيتهيألى هتغير ربع
الشىءالاخر انا سفرت بالعربيه الى المنصوره من الاسكندرية رايح على الطريق الساحلى الدولى وجاى من الزراعى كنت بزرو واحد وحبيت اجرب العربية
الغيار الثالث بيوصل 90 كم مع rpm 55
الغيار الرابع بيوصل 130 كم مع rpm 55 ولسه فيه جربت حتى 140 كم
الغيار الخامس وصل معايا حتى 165 كم مع rpm 55
وبصراحه خفت اكتر عن كده . وبصرحه حتى 140 كم انا حاسس بثبات العربية
الدريكسيون انتا عارف انك بتشترى لادا على علبه وليست اسكترا وانا كاتب موضوع عن الدريكسيون ارجو مشاهدته
الوكيل فى الاسكندريه انا رحت صيانه الالف ( باشا ) بدون المقانه مع تيونا او مرسيدس
العربيه مجهزة للتكييف والبور حسب كلام التوكيل ليا فى صيلنه الالف ويتكلف الاثنين حوالى 5500 جنيه وقلولى حتلنا العربيه حنبعتهالك بمعرفتنا الى القاهره وتستلمها فى خلال ايام
العربيه صالونها واسه وعلى فكره ممكن تعدل اى حاجه فيها ببلاش اى سروجى هيزبطلك الكرسى زى منتا عايز حتى لو عيزه كهربه وفى اللادا ببلاش لا كل الصنيعيه حفظنها صم صم صم
بصراحه العربية بنسبالى باشا نقصها التكييف والبور وتبقى باش اباشا
وعلى فكره انا مهندس كهرباء وشغلى فى المشاريع يعنى بلف مصر كلها وركبت من العربيات مع الشركات الاجنبى تقريبا كل الانواع من التويوتا الكرولا حتى الباسات الناس بتعيط من قطه الغيار والاستهلاك والتوكيل القاتل وعدم توفر صنيعيه على درايه وخبره فى العربيات ديه مقارنه باللادا