بحب الادا بس واخد فيها مقلب محترم

[elgentel]

من زمان كان عندنا لادا 2105 فوق الرائعة بدون مشاكل على الاطلاق قالها اكترمن 20 سنة شغالة زى الفل
سبتها لا اخى و قولت يا واد اشترى لاد برضو و تكون جديدة فعلا لاقيت لادا روسى مواصفات خليجى 2107 موديل 94
قولت هى دى و رحت شاريها و اتكلت على الله
الكلام د من سنتين
و من يوم ما جبتها موريانى الويل و سواد الليل مشاكل غريبة بتحصل دفعتنى فلوس كتير قوى بس برضو لازم الواحد يبص للجانب الايجابى انى اتعلمت كتير قوى من المشاكل اللى قابلتنى
يعنى مثلا العربية تدور الصبح زى الفل بدون مشاكل حتى فى اشد الايام برودة و لكن تروح بيها مشوار و تجى تدورها ماترضاش تدور
و حاجات كتير قوى من هذا القبيل المهم انى تقريبا حليت كل المشاكل اللى واجهتنى
بس انا عندى مشكلة غريبة باقية و عاوز مشاركتكم معايا

لما العربية بتمشى بتسخن السخونة المعتادة المشكلة ان علبة الفيوزات بتبقى سخنة جدا
لدرجة ان اجزاء بلاستك بتسيح منها نتج عنها ان كتاوت المروحة وسع الخرم بتاعها فمبقتش بتشتغل الا لما انزل من العربية اضغط على الكتاوت تفضل شغالة و تفصل بالمعدلات العادية لغاية ما تنطفى العربية بنهاية المشوار و لما ادورها تانى لازم ارجع اضغط على الكتاوت مرة تانية لتبداء العمل
اسالتى للمتخصصين
هو فعلا علبة الفيوزات بتسخن للدرجة دى و لا د عيب عندى ناتج من مشكلة
و هل هناك حل غير شراء علبة جديدة نتيجة للمشكلة المذكورة
و لو فيه سبب معروف لحل سخونة العلبة ما هو علشان اصلحة قبل ما اغير و اجيب علبة جديدة يحصل فيها نفس المشكلة لان السبب لم يتم حلة
وهل تغير الهذة العلبة موضوع سهل لان الكهربائى الللى بتعامل معاه ديما بيعمل من الحبة قبة
و لو حد عندة كهرباءى نضيف يشوف حل فى مشكلة السخونة دى يقولى انا من سكان الاسكندرية

ارجو الافادة ولكم الاجر و الثواب

[x_gomgom]

هو سخونه علبه الفيوزات دي غير طبيعيه بالمره و السخونيه دليل على وجود خلل بالاحمال الكهربائيه و احتماليه وجود ماس...
عامه تشوف كهربائي كويس يراجع الفيوزات و الامبير بتاعها و بعد ما تعرف سبب السخونيه غير العلبه لان حضرتك بتقول ان في اماكن وسعت فيها...
يا رب اكون افدت

[giuoshe]

لما تحط فيوز 20 امبير مثلاً مكان واحد 7.5 امبير او 10 دة يخلى علبة الفيوزات تسخن لانه بيبقى محطوط فى مكان يتحمل 7.5 امبير انت خليتة يتحمل 20 امبير يبقى بدل ما الفيوز يضرب يحمل اكتر من الازم ياريت تشوف غطاء علبة الفيوزات بيبقى مكتوب علية كل فيوز كام امبير وبلاش تغير فيوزات صينى علشان ارقمها غالباً مش صح خليك فى اليابانى ويا رب اكون أفدتك

[AANIS]

المشكلة الي عند حضرتك موجودة عندي
بس ما بتظهر الأ في الفيوز بتاع المروحة بس
و ما ظهرتش الا لما غيرت المروحة من فترة
تقريبا الأمبير بتاع المروحة الجديدة أعلي من الأمبير بتاع الفيوز ودة الي بيخلية يسخن ويطقطق
أنا بفكر اغير المروحة بس أنا القديمة لسة عندي ها شوف مكتوب عليها أية واقارنة بالجديدة واقولك

[emad_ms]

ارجوا اخبارنا عن سبب ان السيارة احيانا بعد ما تبطل ما ترضاش تدور وما هو الحل لان العطل دة عندى فى لادا2105موديل 95 وشكرا

[lada2010]

عطل ان العربية تيجى تدور وانت فى مشوار لا تدور اهم شى للعيب دا الكرباريتر عايز يتظيف

[hook1st]

انا في رأئي الشخصي روح التوكيل هما هايكونوا اغلي لكن هايحلولك العيوب دي وكمان هايكون معاك ضمان لو العيب متصحلش هايصلحوه علي حسابهم

[أحمد علوان]

متابع......

[hosar]

انت عايز ميكانيكى محترم يراجع على الأرضى بتاع العربية إلى خارج من الموتور

[SHNORY]

ارجوا اخبارنا عن سبب ان السيارة احيانا بعد ما تبطل ما ترضاش تدور وما هو الحل لان العطل دة عندى فى لادا2105موديل 95 وشكرا

كان عندي نفس العيب
بعد مشوار طويل ابطل العربيه واجي ادورها المارش ميديش اي استجابه
ولا زم اسيبها نص ساعه وبعدها تدور عادي
العيب ده كان من جلب المارش او الشاربون مش فاكر انهي فيهم بالظبط لاني غيرت الاتين
بس هو جزء من معدن النحاس ولما بيسخن بيحصل عطل في الدايره بتاعته
والكلام ده كله طبعا في المارش

[SHNORY]

عطل ان العربية تيجى تدور وانت فى مشوار لا تدور اهم شى للعيب دا الكرباريتر عايز يتظيف

حضرتك عكست الموضوع يا باشا
لو العيب انها مش بتدور الصبح وبتدور عادي بعد كده يبقي من الكاربراتير وده بانه بيبخر البنزين اللي جواه ومحتاج تغيير بيكات او صيانه او مشكله في بيك السلانسيه
انما الوضع اللي الباشا بيتكلم فيه حصل معايا في المارش
وفي مارشين مش مارش واحد
وطبعا كلامي مش نهائي ممكن يكون فيه حاجه تانيه بتعمل نفس العيب بس معدتش عليا
والله اعلي واعلم

[emad_ms]

عطل ان العربية تدور الصبح عادى اما لما تروح بيها مشوار وتبطل وتيجى تشغل تانى تاخر جدا فى التدوير كان عندى فى2105 وبعد ما رحت لاكثر ميكانيكى اتضح فى النهاية ان شداد شفاط البنزيم مفتوح دائما مما يجعل الموتور يشرق بنزيم وبالتالى بتاخر فى التدوير

[elgentel]

بصراحة الموضوع ظبط معايا اول ما ظبط طبلة الكونتاكت

سبحان الله كان العطل مدوخنى بس رحت للكهربائى فك قلب الطبلة و ظبطة بقت زى الفل

[krmntito]

روح عند كهربائى سيارات وغير خريطة الكهربا كلها علشان كتر السنين اللعب فيها زود احمال مش معمول حسبها

[sergiooo128]

صباح الخير عليكم جميعا
الى اخى الكريم
انا معايا لادا روسى2107 من 13 سنه انا اول يد فأنا ممكن اعمل موسوعه اعطال الادا و كيف تسطيع حلها...
نبداء بموضوع الفيوزات اللى بتسخن فى احتمالاين الأول انك تكون مشغل المروحه و الكلاكس على نفس الفيوز وده بيخليه يسخن جدا
حل الموضوع ده انك تروح لكهربائى بيفهم هيعمل سلك تحت علبه الفيوزات ويحط فيه فيوز(عضم) بتاع العربيات الجديده و انسى قصه المروحه خالص بعد كده و ادعيلى بس.
الأحتمال الثانى ممكن يكون فى ارتجاع فى الكهرباء من الترمستات ده بيعلى الجهد على السللك فابيسخن الفيوزات و الفيوزات بدورها بتسخن الكتاوت بتاعه المروحه فتعمل اللى بتقول عليه ده الحل بتاعها انك تركب ترموستات 90/82 و دى احسن مقاس للعربيه الادا فى رأى الشخصى .......
ثانيا: موضوع الكتاوت ده سهل جدا عمودن نحاس ليهم اسم معين الكهربائى عرفه و هيشيل القديم ويركبه ويحط فى السلوك حاجه اسمها ترمله عشان السلك يبقى راكب صح.
اتمنى انى اكون افدتكم...........