هل الأنجكشن في الادا الروسي ميزه أو عيب ؟؟؟

[ayad2007]

سؤال محيرني الأنجكشن في الادا الروسي ميزه أو عيب ؟؟؟ البعض بيقول انه صعب في تصليحه و علشان كده خليك في الآدا المصري .... و البعض بيقول أنه ميزه و بيقلل من إستهلاك البنزين يبقي الروسي أفضل... و أنا محتار بين الأثنين؟؟؟؟ فما رأي الخبراء أرجو الإفادة وشكرا.

[ahmad--ezzat]

ميزه طبعا...
1-انعم
2-اهدى فى الصوت
3-استهلاك اقل
4-التخلص من عيوب الكاربرتير الممله
هو بالنسبه لموضوع تصليحه دى اعتقد انه هيبقى مش صعب ولا حاجه...مش تكنولوجيا رهيبه يعنى....العربيات كلها دلوقتى انجكشن ودة مريح جدا...
احنا بنحب الكاربرتير فى الادا عشان مش قديم الازل والادا كده والناس فاكره انه هو دة اللى ينفع فقط...
انا ركب تاكسى لادا انجكشن كان جميل جدا....والتطوير لازم ياخد مكان بقا فى العربيه دى

[Ignition-Kid]

الناس بتخاف من ال injection علشان الحساسات مع انها مش كيمياء ولا حاجه ومشاكلها بتتحل على طول.

[x_gomgom]

اقولك خلاصه الموضوع بس عشان محدش يتوه في النص:
هو لسه موضوع الانجكشن دا جديد جدا على الادا و وصوت العربيه لا بيفرق ولا هو انعم الميزه الفعليه بجد هي التوفير في استهلاك البنزين و طبعا التخلص من اعطال الكربراتير الممله....
و عيبه اللي مخلي الناس تبعد عنه انه صيانته قليله و الكمبيوتر موجود في التوكيل بس و ان الحساسات غاليه و الكلام دا. رغم انها مش غاليه بالمقارنه بباقي العربيات الانجكشن( و طبعا و اكيد مش زي قطع غيار الكربراتير اللي اتعودنا عليه)....
انا اللي شايفه و دا رأيي الشخصي ان لسه بدري على الحكم على تكنولوجيا الانجكشن في الادا لان لسه قدمها طريق تتطور و لازم تتطور و لا هيصيبها الفشل كما اصابها سابقاً...
يا رب اكون افدت

[aymansaad]

الكربيرتير افضل طبعا فى ان اى حد بيصلحه ويظبط البيكات