سؤال لخبراء اللادا

[elbahay]

عندى لادا 2105 موديل 94 الدركسيون بتاعها تاعبنى

والعفشجى بيقول العلبة عايزة تتغير فكرت اركب بدل العلبة أسكترة

بس ناس كتير وصنايعية خوفونى منها

انا عايز اخد رأيكم فى مزايا الاسكترة وعيوبها

وهل اركبها ولا اركب علبة احسن ولو ركبتها حتتكلف تقريا كام ؟؟؟؟

ولكم الشكر

[elbahay]

فين الخبراء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Islam_Shady]

نفس المشكله دى عندى و ياريت الاقى رد

[M.FOUAD]

عندى لادا 2105 موديل 94 الدركسيون بتاعها تاعبنى

والعفشجى بيقول العلبة عايزة تتغير فكرت اركب بدل العلبة أسكترة

بس ناس كتير وصنايعية خوفونى منها

انا عايز اخد رأيكم فى مزايا الاسكترة وعيوبها

وهل اركبها ولا اركب علبة احسن ولو ركبتها حتتكلف تقريا كام ؟؟؟؟

ولكم الشكر

غير العلبة احسن
الاسكترة مزايها بتبقى خفيفة اوي كانك مركب باور و عيبها ان ضبط الزوايا بيبقى صعب
تركيب الاسكترا بناع 131 بيتكلف نقريبا 500 جنية

[lada2010]

غير العلبة افضل بس اهم شى تفك العلبة وتشوف اية اللى فيها

[well12m]

انا عايز اقول حاجه لو عايز تصلح العلبه احسن من الجديدة هوصفلك وااحد مصلحه عندة علبتى ورجعت جديدة تماما واحسن كمان لانه بيستعمل قطع غيار المانى من الداخل كلها وبيغير كل شىء عند كشرى ابو طارق فى شارع شمبليون خلى ابو طارق شمالك هيبقى اول شارع يمين اول محل على اليمين لو انت جاى من شمبليون هيكون على يمينك ادخل شمال فى يمين فى اخر الشارع بتتكلف 280 جنيه و اوعى اى حد يجرى وراك ويقولك اغيرك تروس وحلزون ومعرفش ايه ب 140 و130 كل دة بيروح فى الارض اغرم 280 وانساها مش قادر افتكر اسمو لانه من حوالى سنه عاملها بس خليك على الوصف هتلاقى الورشه وجانبه محل الادارة هما اللى بيتفقو معاك واحد اسمر هو اللى بيتفق معاك وكان تقريبا مكتوب على المحل من فوق المركز الهندسى

[well12m]

افتكرت اسمو الاطرش