بخصوص جمارك Mercedes C200

[am79]

سياره مرسيدس c200 موديل 2002 موجوده بدوله الامارات العربيه المتحده يمتلكها اماراتي الجنسيه
مسجله بأسمه من تاريخ خروجها من التوكيل (المالك الاول)

.... هل يمكن ان تدخل السياره مصر ويتم دفع الرسوم الجمركيه و الافراج الجمركي عن تلك السياره وتسجيلها بمصر؟؟؟؟

.... هل يمكن للمالك الاماراتي ان يقوم بعمل توكيل لمواطن مصري بتخليص السياره امام مصلحه الجمارك والترخيص
داخل المرور والبيع للغير؟؟؟؟

.... كم الرسوم الجمركيه المفروضه علي تلك السياره (جميع الكماليات اتوماتيك وجنوط) ؟؟؟؟

.... ما هي الاجراءات المتبعه والاوراق المطلوبه؟؟؟؟


.................... الرجاء الافاده الدقيقه لذلك الموضوع ....................

[m_mekkawy]

يجب ان يكون مالك السياره مصرى الجنسيه او يحمل اقامه مبرره فى مصر(يعنى بيدرس بتاع كلام من ده).
وبعدين احنا هنا فى السعوديه ممكن نشترى عربيه مستعمله ونعملها مالك اول بنتفع 3 الاف ريال زياده ويعملهالك اول مالك بس متكنش مثلا داخل السعوديه فى 2007 وتنزل عربيه مثلا 2006 طب تيجى ازاى؟؟

[PoweRPassioN]

يجب ان يكون مالك السياره مصرى الجنسيه او يحمل اقامه مبرره فى مصر(يعنى بيدرس بتاع كلام من ده).
وبعدين احنا هنا فى السعوديه ممكن نشترى عربيه مستعمله ونعملها مالك اول بنتفع 3 الاف ريال زياده ويعملهالك اول مالك بس متكنش مثلا داخل السعوديه فى 2007 وتنزل عربيه مثلا 2006 طب تيجى ازاى؟؟

طب ودا قانوني وحلال يعني ولا من تحت الترابيزه

[som3aa]

طب ودا قانوني وحلال يعني ولا من تحت الترابيزه

من ناحية حلال فانا رايى الجمارك اساسا سرقة و من ناحية قانونى الله اعلم نستنى الرد

بالنسبة لصاحب الموضوع لو نزلت العربية هتبقى اغلى من انك تشترى واحدة 2010 زيرو من مصر لان العربية المجمعة فى مصر عليها جمرك و ضرايب اقصى حد 55% من تمنها حسب الموتور , اما المستوردة فجمركها فوق ال200% بخصم 5% كل سنة و 10% اول سنة يعنى الجمرك لو كان 400 الف هتاخد خصم حوالى نصهم يعنى هتدفع 200 الف غير تمن العربية مثلا و الارقام دى مش مظبوطة قد تكون اقل او اكتر بس انا اتوقع فى الحدود دى , لو اشتريت واحدة مستعملة من مصر ارخصلك دا غير الشحن و حاجات كدا

[am79]

طيب ايه الطريقه ان الواحد يقدر يعرف نظام دخول السيارات مصر ونظام جماركها
فيه ارقام تليفونات او مواقع عليها خدمه عملاء ويردوا علي الاستفسارات

[HISHAM80]

يجب ان يكون مالك السياره مصرى الجنسيه او يحمل اقامه مبرره فى مصر(يعنى بيدرس بتاع كلام من ده).
وبعدين احنا هنا فى السعوديه ممكن نشترى عربيه مستعمله ونعملها مالك اول بنتفع 3 الاف ريال زياده ويعملهالك اول مالك بس متكنش مثلا داخل السعوديه فى 2007 وتنزل عربيه مثلا 2006 طب تيجى ازاى؟؟

أنا في السعودية وأول مره إسمع عن الموضوع ده مكن تبعتلي تفاصيل أكتر

[am79]

محتاجين مواقع او ارقام تليفونات ناس تقدر تفدنا في الحوار ده

[asaber]

انسي الفكره خااااااااالص
انا والدي كان لسه منزل عربيته موديل 2001 وكان سال الشركه الي شحنتها منهم لله و قالوا 150000
العربيه لما وصلت لقينا الجمارك 270000 بعد معاناه كانوا بيقولوا الاول 300000 و شركه الشحن من كسفتهم اعدوا يقولوا العربيه متاخره في السعوديه
(خلي بالك هما بيقدروا العربيه باليورو و في 2002 اليورو مكانش اتفعل وكان اقل من الدولار فنسبه الخصم هتضيع في فرق العمله)
طابعا كانت تدبيسه منيله(و العربيه بابها اتخبط كمان) واضطرينا ندفع الجمارك (يا اما تنسي ان كان عندك عربيه)
طبعا لازم تجيب شهاده من المرور انك المالك الاول و توثقها و لازم يكون عندك اقامه ساريه في سنه الموديل
نصيحه بجد الموضوع فاشل فاشل فاشل.

[m_mekkawy]

طب ودا قانوني وحلال يعني ولا من تحت الترابيزه

من ناحية حلال معرفش لانى حرام افتيك لكن انا من ناحيه اى فلوس بدفعها للحكومه باخد اى طريق.
من تحت الطرابيزه هنا فى السعوديه لكن وانت داخل مصر داخل رسمى.

[m_mekkawy]

انسي الفكره خااااااااالص
انا والدي كان لسه منزل عربيته موديل 2001 وكان سال الشركه الي شحنتها منهم لله و قالوا 150000
العربيه لما وصلت لقينا الجمارك 270000 بعد معاناه كانوا بيقولوا الاول 300000 و شركه الشحن من كسفتهم اعدوا يقولوا العربيه متاخره في السعوديه
(خلي بالك هما بيقدروا العربيه باليورو و في 2002 اليورو مكانش اتفعل وكان اقل من الدولار فنسبه الخصم هتضيع في فرق العمله)
طابعا كانت تدبيسه منيله(و العربيه بابها اتخبط كمان) واضطرينا ندفع الجمارك (يا اما تنسي ان كان عندك عربيه)
طبعا لازم تجيب شهاده من المرور انك المالك الاول و توثقها و لازم يكون عندك اقامه ساريه في سنه الموديل
نصيحه بجد الموضوع فاشل فاشل فاشل.

انا والله ياحمد مجربتهاش بس انت شاحن العربيه اصلا ليه كنت اعملها مالك اول واعمل برضه دفتر تريبتك لقيت الجمارك على مزاجك جمرك ملقتهاش انزل تريبتك
اما لو انت ملكش علاقه بالسعوديه وواحد جبهالك يبقى نهبك ليوم النهب لان الأسعار اللى انت بتقول عليها دى فوق الخيال ب3 متر :)

[m_mekkawy]

طيب ايه الطريقه ان الواحد يقدر يعرف نظام دخول السيارات مصر ونظام جماركها
فيه ارقام تليفونات او مواقع عليها خدمه عملاء ويردوا علي الاستفسارات

العقده عندك فى مصر انت ممكن تسال مخلص جمركى

[am79]

العقده عندك فى مصر انت ممكن تسال مخلص جمركى

اكيد طبعا العقدة في مصر مش في العربيات بس دي في كل حاجه
كل الدنيا العربيات بتدخل فيها من جمارك ولا بطيخ وحتي لو فيه جمارك بتكون رسوم رمزيه انما هنا نهب

[asaber]

انا والله ياحمد مجربتهاش بس انت شاحن العربيه اصلا ليه كنت اعملها مالك اول واعمل برضه دفتر تريبتك لقيت الجمارك على مزاجك جمرك ملقتهاش انزل تريبتك
اما لو انت ملكش علاقه بالسعوديه وواحد جبهالك يبقى نهبك ليوم النهب لان الأسعار اللى انت بتقول عليها دى فوق الخيال ب3 متر :)

انا والدي كان عايش في الامارات ودي عربيته وهو المالك الاول ليها
واللي حصل انه لما قرر يرجع مصر سال شركه الشحن علي جمركها لما قالولوا 150000 قرر ينزلها
وطبعا لما عرفنا المصيبه دي احنا الي خلصنا كل حاجه و بعد عذاب عشان نوصل لاقل جمرك ممكن
الجمرك مسعر العربيه بدون اضافات ب 38000 الف يورو و اليورو ب4.8 درهم يعني حوالي
182 الف درهم في حين ان فاتوره الشراء كانت ب 102 الف درهم (ما يوازي 65000 مارك الماني سنه 2001)
ولا يعتد بفاتوره الشراء طول ما ليها منشور عندهم بالاسعار.
انا كنت مستغرب زيك واعدنا حوالي اسبوعين مزهولين و بنسال و جبنا وسايط و معارف و النتيجه واحده . فانا فعلا بنصحه من قلبي
لو عربيه موديل السنه الوضع مختلف لان الجمارك بتتحسب بالمنشور اللي هو سعر المصنع اللي بيكون اقل من سعر الشراء
الفكره كلها في ارتفاع اليورو في الفتره ما بعد 2004
فخصم السنين طار في فروق العملات وجرب احسب الجمارك بضرب سعر الشراء بعد الخصم في 221 %
طريقه الحساب العجيبه كالاتي
اجمالي القيمه = جمارك 135% +سعر العربيه 100% = 235%
ضريبه ميبعات 15% من اجمالي القيمه= (235%*30%)= 70,5%
رسم تنميه 5% من القيمه(اجمالي القيمه+ضريبه الميعات) = ((235%*30%)+135%)*5%=15,25%
اجمالي الرسوم = 135%+70,5%+15,25% = 220,75%

[am79]

انا والدي كان عايش في الامارات ودي عربيته وهو المالك الاول ليها
واللي حصل انه لما قرر يرجع مصر سال شركه الشحن علي جمركها لما قالولوا 150000 قرر ينزلها
وطبعا لما عرفنا المصيبه دي احنا الي خلصنا كل حاجه و بعد عذاب عشان نوصل لاقل جمرك ممكن
الجمرك مسعر العربيه بدون اضافات ب 38000 الف يورو و اليورو ب4.8 درهم يعني حوالي
182 الف درهم في حين ان فاتوره الشراء كانت ب 102 الف درهم (ما يوازي 65000 مارك الماني سنه 2001)
ولا يعتد بفاتوره الشراء طول ما ليها منشور عندهم بالاسعار.
انا كنت مستغرب زيك واعدنا حوالي اسبوعين مزهولين و بنسال و جبنا وسايط و معارف و النتيجه واحده . فانا فعلا بنصحه من قلبي
لو عربيه موديل السنه الوضع مختلف لان الجمارك بتتحسب بالمنشور اللي هو سعر المصنع اللي بيكون اقل من سعر الشراء
الفكره كلها في ارتفاع اليورو في الفتره ما بعد 2004
فخصم السنين طار في فروق العملات وجرب احسب الجمارك بضرب سعر الشراء بعد الخصم في 221 %
طريقه الحساب العجيبه كالاتي
اجمالي القيمه = جمارك 135% +سعر العربيه 100% = 235%
ضريبه ميبعات 15% من اجمالي القيمه= (235%*30%)= 70,5%
رسم تنميه 5% من القيمه(اجمالي القيمه+ضريبه الميعات) = ((235%*30%)+135%)*5%=15,25%
اجمالي الرسوم = 135%+70,5%+15,25% = 220,75%

الطريقه الولبيه للحساب

[د.محمود صلاح]

يفضل تشتري من مصر ...