إشاعة جامدة

[hokaboka]

سمعت كلام كتير بقالي يومين ان اسعار السايارت الاروبي (وخصوصاً البي ام والمرسيدس) حتنزل جامد الشهر الجاي عشان اليورو وقع اوي... يا تري حد عنده خبر عن الكلام ده ومدي مصدقيته؟

[M.Elsheikh]

حسب العقل و المنطق ده المفروض يحصل
ولكن هنا التجار مش بعيد انهم يغلوا السعر

[Abdo_Eldesokey]

وإحنا مالنا ؟؟!!

إحنا دولة اقتصادها قوي لا يتأثر بالأزمات العالمية

وعشان أثبتلكوا كده .. هنغلي المرسيدس

[aly_hosny]

وإحنا مالنا ؟؟!!

إحنا دولة اقتصادها قوي لا يتأثر بالأزمات العالمية

وعشان أثبتلكوا كده .. هنغلي المرسيدس

+1
احنا اقوى اقتصاد في المنطقة
وتاني اقوى اقتصاد في العالم بعد اليونان
قولو كلام غير دا

[elassar2010]

وإحنا مالنا ؟؟!!

إحنا دولة اقتصادها قوي لا يتأثر بالأزمات العالمية

وعشان أثبتلكوا كده .. هنغلي المرسيدس

+99999999999
احنا اصلا مالناش علاقة باليورو انا بنستورد العربيات بالمحبة لما المحبة ترخص يبقى الاسعار ترخص

[د.محمود صلاح]

اليويو هيرجع تاني .... ما تقلقش

[hokaboka]

تاكيدا لكلامي يا جماعة رجاء مراجعة اللينك ده
ContactCars | توقعات بانخفاض أسعار السيارات الأوروبية


انا ليه مهتم اوي بالموضوع ده؟ عشان انا حاجز مرسيدس إستلام شهر 7 او 8 الجاي إنشاء الله ومكتوب في إستمارة الحجز ان العبرة بتمن التسليم مش الحجز، وبرغم كدة خايف السعر يقع والوكيل يستعبط عليا ويقولي ادفع التمن اللي حجزت بيه !

[Mzeid]

هي مش إشاعة هي نتيجة طبيعية للي حصل لليورو لأن اليورو دلوقتي ب 6.8 و 7 جنيه
و وكلاء الأوروبي بيتعاملوا باليورو يعني المفروض السعر يرخص
بس من الممكن برضه أنهم ميرخصوش حتى الدفعات اللي دخلت رخيصة بعد إنخفاض السعر بأمارة أن دي عربيات مخزون قديم و دي بقى تبقى مشكلة ضمير سواء من الوكيل أو التاجر

[dolly13]

فى مصر مفيش حاجة بترخص
حتى لو رخصت برة ولو اليورو انخفض او حتى اتلغى
احنا زى ماحنا لاتراجع ولا استسلام

[som3aa]

مرسيدس مبينزلوش اسعارهم فى مصر ابدا و دى سياستهم علشان يكسبوا زيادة و يحافظوا على سعر اعادة البيع فيكسبوا زيادة اكتر.
bmw اساسا سعرها نازل جدا يعنى العربية ب 240 و معتقدش انها ممكن تنزل عن كدا.
للعلم الc-180 كانت ب 298 و زادت ل 318 لما اليورو زاد و نزلت ل 310 لما الجمرك قل 4%.
لو حصل و دا انا اعتقد انه صعب ان مرسيدس نزلت سعرها (بسبب المنافسة مع bmw مش بسبب اليورو) و طبعا هيتحججوا باليورو وقتها - دا لو حصل ساعتها هتستلم بالسعر الجديد مفيهاش اى كلام متقلقش خالص من النقطة دى , تانى حاجة انا لو منك كنت اشتكيت لمرسيدس المانيا لما قالولى الاستلام شهر 7 او 8 لان العربية انت واخدها standard مش special order و مش مجمعة فى مصر و بالتالى المفروض تسليمها يبقى فورى و الspecial order هو اللى ياخد 3 شهور و دا النظام المتبع فى الخليج.

[elassar2010]

مرسيدس مبينزلوش اسعارهم فى مصر ابدا و دى سياستهم علشان يكسبوا زيادة و يحافظوا على سعر اعادة البيع فيكسبوا زيادة اكتر.
Bmw.

دى سياسة جمهورية مصر العربية من اول عم عبدة البقال لحد اكبر وكيل منتج اجنبى فى مصر

[som3aa]

دى سياسة جمهورية مصر العربية من اول عم عبدة البقال لحد اكبر وكيل منتج اجنبى فى مصر

ايوه انا فاهم طبعا بس دا فى حالة لما يبقى محتكر او معاه سلعة عليها طلب جامد اوى , bmw مثلا كتير بينزلوا فى اسعار عربياتهم و دا اللى مخلى سعر اعادة البيع فى الضياع يعنى نزلوا ال318 ب 279 الف , جت فترة كانت موجودة عند الموزعين ب 250 الف و دلوقتى نزلوا ال 316 ب 240 الف !! كل شوية السعر نازل , مرسيدس العكس فى الطالع

[elassar2010]

ايوه انا فاهم طبعا بس دا فى حالة لما يبقى محتكر او معاه سلعة عليها طلب جامد اوى , bmw مثلا كتير بينزلوا فى اسعار عربياتهم و دا اللى مخلى سعر اعادة البيع فى الضياع يعنى نزلوا ال318 ب 279 الف , جت فترة كانت موجودة عند الموزعين ب 250 الف و دلوقتى نزلوا ال 316 ب 240 الف !! كل شوية السعر نازل , مرسيدس العكس فى الطالع

انا اعرف انة لما بينزل سعرها بيشيل حاجة من الكماليات يعنى بيحسسك انها رخصت بس هى فى الحقيقة نفس التمن ونفس مكسبة
توكيل دايهاتسون كان عانل كدة فى التريوس
البى ام ماعنديش فكرة

[hokaboka]

انا لو منك كنت اشتكيت لمرسيدس المانيا لما قالولى الاستلام شهر 7 او 8 لان العربية انت واخدها standard مش special order و مش مجمعة فى مصر و بالتالى المفروض تسليمها يبقى فورى و الspecial order هو اللى ياخد 3 شهور و دا النظام المتبع فى الخليج.

معاك حق يا باشا، انا طلبت عربية سودة وفرش اسود، مش عارف ده يبقي special order ولا ايه؟ بس المشكلة ان التوكيل مستغني..يعني واحد صاحبي كان حاجز في شهر 9 2009 واستلم شهر 2 2010 وبالواسطة والخناق كمان، ولما حد يقولهم ده مش كلام يقولوا ممكن حضرتك تلغي الحجز وتسترد فلوسك في اي وقت !! مش هاممهم يعني علي اساس الف من يشتري العربية.. المفاجاءة بقي، ان ورق الافراج الجمركي اللي مع صحبي بيقول العربية دخلت مصر في شهر 8 2009!!!!! مش عارف ليه التوكيل بيعمل كده! هل عشان يخلي مبلغ الحجز في البنك يعمل فوايد؟ ولا عشان يعرضوا العربية في كام معرض؟ مش واضح...

[Astra200]

طيب حد عنده فكرة تمنها كام في المانيا ؟
وازاي الواحد ممكن يشتريها من بره ؟

المفروض ان الجمرك بيعمل تخفيض 10 % لما العربية تخش بعد شهر 10 من كل سنة

لو حد عنده خبرة يقولنا

الواحد يروح يجيبها من المانيا وبحسب سعر اليورو
وتدفع الجمارك الحقيقية