Tweet
السلام عليكم ورحمة الله وبركاته
اسمحولي انقل لكم تجربتي مع هذه السيرة
في الأول انا كان معايا أوبترا 2007 من الزيرو وهي بصراحة عربية محترمة جدا من وجهة نظري بس بصراحة ما كانتش انا كان نفسي في حاجة الماني من زمان. المهم قعدت ادور على حاجة الماني تكون في حدود 130000 لقيت جديد الفوكس ومستعمل البيمر والميرك وجيتا وأوكتافيا. طبعا انا بعدت عن الجديد لأنه بيبقى في خسارة جامدة عند البيع وخاصة الفورد. نيجي بقى للمستعمل دورت على بيمر الفئة الثالثة بس عيبها ان النظيف منها قليل و الموضوع هياخد وقت جامد لغاية ماتلاقي حاجة. المهم اني كنت خلاص صرفت نظر وكنت مروح سوهاج وقلت ابقى انزل مرة تاني (انا من سوهاج) وحجزت قطر وخلاص لقيت واحد بيقوللي في زلمكة 1992 للبيع, قلت اشوفها وخلاص. شوفت العربية و عجبتني تمام وخلصت مع الرجل ورجعت التذاكر.
أول ما استلمت العربية روحت مغير زيوت وكاوتش (بريدجستون تورانزا..... اكتر من رائع), و سافرت بيها على سوهاج و هناك عملت سيرفيس كامل.
انطباعي عن العربية انها فعلا قمة الماني , على الرغم من الموديل القديم بس العربية فيها تقريبا الكماليات اللي محتاجها.... هي مواصفات شرق أوسط (حسب رقم الشاسيه)........ اوتو ABS فرش جلد كراسي ك, مخادع ك, نور اعتاب وشماسات, ستارة ك بس محتاجه موتور, فتحة سقف, تكييف تاتش, جنوط سبور, وطبعا زجاج ك, بس مفهاش دفايات كراسي و لا دركسيون تيليسكوبي .
العربية تقيلة وموزونة , موتور محترم 2000 سي سي كامة واحدة 118 حصان التسارع بطئ شوية في الأول بس بعد كده غول, العفشة رائعة طبعا مفيش الرزع اللي كان في الأوبترا , عزل غير عادي (انا في الأوبترا او اللانسر او الكورولا بتاعة اصحابي كنت بحس بكل حاجة في الطريق... بتفاوت في الدرجات..بس محسوس). التكييف جميل بس بشرط العربيه ما تكنش في الشمس ليها كتير والا هتاخد وقت. قعدة الصالون و الفرش الجلد رهيبة كانك قاعد في الصالون بجد. العربية تحس فيها فعلا جودة الصناعة الالمانية. حسب ما قريت ان w124, w126, w140, هما افخم ما انتجتهم مرسيدس. بصراحة الواحد ماندمش على التغيير والحمد لله تعالى, ممكن يكون كان في بدايل تانية بس العربية بسم الله ما شاء الله جميلة وتستحق كل قرش فيها. وهو بصراحة العربية ما كانتش متهانة فمتعبتنيش في صيانتها. نصيحة للي بيفكر يجيبها اتوكل على الله وهاتها بس يستنضف واحدة وحكاية مستعمل دي عادي جدا لأن مش كل المستعمل زي بعضه ومش كل العربيات زي بعض يعني الماني مستعمل (ميرك وبيمر) انضف من زيرو كتييييير من وجهة نظري. سيرفيسها اول ماتجيبها كده بقت زيرو بس انظف منه. بالنسبة لقطع الغيار انا شايفها عادية جدا لأني كنت بسرفس الأوبترا في التوكيل يعني تيل الفرامل النجمة ب 380 جنيه في حين الأوبتلرا ب 250 جنيه مع الفرق الشاسع في الفرامل.
اتمنى ما كونش ازعجتكم.
اسمحولي انقل لكم تجربتي مع هذه السيرة
في الأول انا كان معايا أوبترا 2007 من الزيرو وهي بصراحة عربية محترمة جدا من وجهة نظري بس بصراحة ما كانتش انا كان نفسي في حاجة الماني من زمان. المهم قعدت ادور على حاجة الماني تكون في حدود 130000 لقيت جديد الفوكس ومستعمل البيمر والميرك وجيتا وأوكتافيا. طبعا انا بعدت عن الجديد لأنه بيبقى في خسارة جامدة عند البيع وخاصة الفورد. نيجي بقى للمستعمل دورت على بيمر الفئة الثالثة بس عيبها ان النظيف منها قليل و الموضوع هياخد وقت جامد لغاية ماتلاقي حاجة. المهم اني كنت خلاص صرفت نظر وكنت مروح سوهاج وقلت ابقى انزل مرة تاني (انا من سوهاج) وحجزت قطر وخلاص لقيت واحد بيقوللي في زلمكة 1992 للبيع, قلت اشوفها وخلاص. شوفت العربية و عجبتني تمام وخلصت مع الرجل ورجعت التذاكر.
أول ما استلمت العربية روحت مغير زيوت وكاوتش (بريدجستون تورانزا..... اكتر من رائع), و سافرت بيها على سوهاج و هناك عملت سيرفيس كامل.
انطباعي عن العربية انها فعلا قمة الماني , على الرغم من الموديل القديم بس العربية فيها تقريبا الكماليات اللي محتاجها.... هي مواصفات شرق أوسط (حسب رقم الشاسيه)........ اوتو ABS فرش جلد كراسي ك, مخادع ك, نور اعتاب وشماسات, ستارة ك بس محتاجه موتور, فتحة سقف, تكييف تاتش, جنوط سبور, وطبعا زجاج ك, بس مفهاش دفايات كراسي و لا دركسيون تيليسكوبي .
العربية تقيلة وموزونة , موتور محترم 2000 سي سي كامة واحدة 118 حصان التسارع بطئ شوية في الأول بس بعد كده غول, العفشة رائعة طبعا مفيش الرزع اللي كان في الأوبترا , عزل غير عادي (انا في الأوبترا او اللانسر او الكورولا بتاعة اصحابي كنت بحس بكل حاجة في الطريق... بتفاوت في الدرجات..بس محسوس). التكييف جميل بس بشرط العربيه ما تكنش في الشمس ليها كتير والا هتاخد وقت. قعدة الصالون و الفرش الجلد رهيبة كانك قاعد في الصالون بجد. العربية تحس فيها فعلا جودة الصناعة الالمانية. حسب ما قريت ان w124, w126, w140, هما افخم ما انتجتهم مرسيدس. بصراحة الواحد ماندمش على التغيير والحمد لله تعالى, ممكن يكون كان في بدايل تانية بس العربية بسم الله ما شاء الله جميلة وتستحق كل قرش فيها. وهو بصراحة العربية ما كانتش متهانة فمتعبتنيش في صيانتها. نصيحة للي بيفكر يجيبها اتوكل على الله وهاتها بس يستنضف واحدة وحكاية مستعمل دي عادي جدا لأن مش كل المستعمل زي بعضه ومش كل العربيات زي بعض يعني الماني مستعمل (ميرك وبيمر) انضف من زيرو كتييييير من وجهة نظري. سيرفيسها اول ماتجيبها كده بقت زيرو بس انظف منه. بالنسبة لقطع الغيار انا شايفها عادية جدا لأني كنت بسرفس الأوبترا في التوكيل يعني تيل الفرامل النجمة ب 380 جنيه في حين الأوبتلرا ب 250 جنيه مع الفرق الشاسع في الفرامل.
اتمنى ما كونش ازعجتكم.
.
Comment