استخرت الله واشتريت المرسيدس السي 180

[tarekfar]

منذ شهر طرحت موضوع العرض المتاح لي بخصوص بيع سيارتي الباسات ال tsi 1.4 موديل 2009واستبدالها بالمرسيدس الاليجانس سي 180 موديل 2010 ، وهذا هو رابط الموضوع

http://www.nilemotors.net/Nile/162952-tsi-180-a.html

المهم حتى لاأطيل عليكم بعد الاستخارة قمت بالفعل بشراء السيارة المرسيدس واستلمتها الأسبوع الماضي وارجو ان يكون قراري صحيحا وبالرغم ان المرسيدس سيارة ممتازة بالطبع لكنى افتقدت الاتساع والهيبة بتاعة الباسات وشكرا لكل من اهتم بالموضوع الذي طرحته وعلق بالرد.

[haythamkmal]

الف الف مبروك اختيار موفق ان شاء الله

منذ شهر طرحت موضوع العرض المتاح لي بخصوص بيع سيارتي الباسات ال tsi 1.4 موديل 2009واستبدالها بالمرسيدس الاليجانس سي 180 موديل 2010 ، وهذا هو رابط الموضوع

http://www.nilemotors.net/nile/162952-tsi-180-a.html

المهم حتى لاأطيل عليكم بعد الاستخارة قمت بالفعل بشراء السيارة المرسيدس واستلمتها الأسبوع الماضي وارجو ان يكون قراري صحيحا وبالرغم ان المرسيدس سيارة ممتازة بالطبع لكنى افتقدت الاتساع والهيبة بتاعة الباسات وشكرا لكل من اهتم بالموضوع الذي طرحته وعلق بالرد.

[mzda]

الف مبروك عليك وربنا يحفظهالك ويباركلك فيها

[tarekfar]

متشكر لكم والله يبارك فيكم سأنقل انطباعاتي الأولية عن المرسيدس والفارق بين احساس القيادة بينها وبين الباسات:

1- المرسيدس السي بالطبع اقل حجما وصندوق الأمتعة أصغر كثيرا 475 مقابل 565 لتر للباسات، الا انه يوجد مكان اخر للتخزين في المرسيدس بدل العجلة الاستبن عشان ما بقاش فيه عجل استبن في العربيات الجديدة ما اعرفش ليه

2- المرسيدس اليجانس والتابلوة فخم لكن منظر تبلوة الباسات برضه حلو ومن وجهة نظري شكله احلى من بتاع المرسيدس، بالرغم من ان السي صغيرة لكن مقصورة السائق مريحة جدا وما تفرقش كتير عن الباسات، لكن مساحة الأرجل للجالس في الكنبة الخلفية صغيرة جدا واقل كتير من الباسات

3- المرسيدس بأحس انها اثبت على الهاي واي من الباسات لكن تجميعها في السرعة اقل من الباسات بالرغم من ان سرعتها القصوى اعلى من الباسات

4- المرسيدس صحيح اوطى من الباسات بس بالرغم من كده لما جربتها في شارع مدشدش شوية حسيت انها انعم من الباسات في المطبات بس التجربة تكون اوضح في شوارع مصر .

دي انطباعات اوليه ومن الأخر العربيتين ممتازين بس محتاج شوية وقت عشان اتعود على المرسيدس

[Gabrial]

مبروك يا أستاذ طارق ربنا يباركلك فيها .

[Hegazio]

مبروك مبروك
بس ازاي بس سحبها اقل من الباسات؟ دي سوبر تشارجر 1600 بتطلع 156 حصان حصان؟
طب ممكن تقولنا هي كام العزم عند كام ار بي ام؟

[kar!m]

متشكر لكم والله يبارك فيكم سأنقل انطباعاتي الأولية عن المرسيدس والفارق بين احساس القيادة بينها وبين الباسات:
الباسات
4- المرسيدس صحيح اوطى من الباسات بس بالرغم من كده لما جربتها في شارع مدشدش شوية حسيت انها انعم من الباسات في المطبات بس التجربة تكون اوضح في شوارع مصر .

ده انت تلاقيك غلبت على ما لقيت الشارع المدشدش ده هناك

[Hegazio]

ايه ده ... ده انا ماخدتش بالي من موضوع المانيا ده!
طب ممكن من حضرتك تبعت الأسعار؟

[tarekfar]

مبروك مبروك
بس ازاي بس سحبها اقل من الباسات؟ دي سوبر تشارجر 1600 بتطلع 156 حصان حصان؟
طب ممكن تقولنا هي كام العزم عند كام ار بي ام؟

هي سوبر تشارجر و156 حصان والباسات 122 حصان فقط، موضوع العزم ده ما اعرفوش ، لكن موضوع السحب ده احساسي الشخصي وده احتمال راجع لحاجتين ان العجل اللي فيها شتوي مش صيفي واحنا في الصيف وده بيخللي العربية اتقل ، الحاجة التانية ان الدواسة اتقل من دواسة الباسات وانا لسة ما خدتش عليها لأنها معايا من يوم 28/7 ما كملتش اسبوع ، حاجة كمان في شركة مرسيدس نصحوني اخليها على السي اول 1000 كيلو وبعد كده ممكن اخليها على s، عامة انا محتاج وقت عشان اتعود عليها انا كنت بأتكلم عن انطباعي الأولاني

[tarekfar]

ده انت تلاقيك غلبت على ما لقيت الشارع المدشدش ده هناك

لا فيه شوارع حالتها مش قوي( طبعا مش زي مصر) خصوصا انهم بيعيدوا رصف شوارع كتير في برلين الصيف ده بعد موسم التلج البشع الشتا اللي فات اللي اثر على بعض الشوارع

[tarekfar]

ايه ده ... ده انا ماخدتش بالي من موضوع المانيا ده!
طب ممكن من حضرتك تبعت الأسعار؟

العربية اليجانس تمنها 26700 يورو ودي عربية من المخزون بعد توقف انتاج السي 180 1600 سي سي للسوق الألماني من شهر مارس اللي فات ، وعن طريق صديق عرفت ان فيه هجوم على العربيات اللي في المخزون من العربيات دي وخصوصا من المصريين والأتراك عشان سعة الموتور والعربية كان عليها خصم كبير جدا هي من انتاج اكتوبر 2009 ولكن تعتبر من موديلات 2010 ففكرت اخدها وخصوصا ان العرض كان اخره شهر 7 اللي فات.

[Hegazio]

ايه ده ؟ .. مش رخيصة خالص؟
و لو جمركتها حتبقي اغلي من هنا .. ده حتي كمان سمعت ان فيه ضريبة استهلاك محلي عشان بنتنج في مصر

[tarekfar]

اللي موجودة وبتنتج في مصر ستاندرد او اليجانس ستيشن مافيش اليجانس سيدان غير الخليجي في مصر وبتوصل إلى 370 الف جنيه او اكتر حسب ما سمعت ، وانا عربيتي اليجانس ، موضوع ضريبة الاستهلاك ده اول مرة اسمع عنه

[Hegazio]

انا برضه اول مرة اسمع الكلام ده!!
اللي اعرفه ان فيه اليجانس سيدان ب 313 الف

[tarekfar]

يبقى محتاجين رأي باقي الأعضاء في الموقع او اللي عنده المعلومة المؤكدة حتى في موقع كونتاكت كارز حتلاقي الاليجانس الاستيشن ب 360 الف جنيه والسيدان اسعارها اغلى من الاستيشن