الحقونى المرسيدس قلت ادبها عليا

[ahmedamr]

الحقونى المرسيدس قلت ادبها عليا
اولا انا ساكن فى حلوان كنت نازل النهاردة مشوار للعجوزة العربية كانت ماشية زي الفل وطلقة هى مرسيدس 200 موديل 80 وموتورها جديد بتاع زلمكة انجكشن المهم وانا راجع ماشي عادى لقيت العربية بتقطع شوية بعديها شوية قطعت جامد وتدى مدافع فى الشكمان وكل لما ازود تتخنق مش عارف ايةاللى جرالها لوحدها كدة والعربية اوتوماتيك

[charming]

راجع على البوجيهات و سلوك البوجيهات

[د.محمود صلاح]

وديها لمركز صيانة مرسيدس .. غالباً الكهرباء فاصلة

[ahmedamr]

شكرا يا جماعة طلعت طرمبة البنزين وغيرتها الحمد لله
انا كنت شاكك فيها من الاول

[hugan]

شكرا يا جماعة طلعت طرمبة البنزين وغيرتها الحمد لله
انا كنت شاكك فيها من الاول

الحمد لله انها طلعت شيء بسيط

[MASERATI]

هى مرسيدس 200 موديل 80 وموتورها جديد بتاع زلمكة انجكشن

السلام عليكم و رحمة الله و بركاته

أنا من ساعة ماقريت أن معاك مرسيدس 200 معدلة مو 1980 و انك مركبلها موتور زلمكة و أنا الفكرة دى دخلت دماااااااااااااغى أوى .

بص يا باشا , بما أنك أكيد عندك خبرة جامدة فى المرسيدس , أنا عندنا عربية بيجو 505 مو 1980 و أنا بصراحة عاوز عربية فيها تكييف فبالتالى قررت أنى أبيعها, هى عاملة حوالى 110000 كم و فابريكة جوه و بالتالى ممكن تجيب ان شاء الله بتاع 28-30 ألف جنيه و بعد ما أبيعها هعمل ايييييييييييييييييه؟؟؟

ناوى أدور على مرسيدس 230 معدلة , نفس شكل العربية اللى معاك و تكون موديل 1984 أو 1985 - انا عارف أنه صعب ألاقيها - بس أنا هعمل اللى على و أدور حتى لو اضطريت أنى أعمل اعلان فى أهرام الجمعة , ملحق السيارات , العربية دى لو نظييييييييييييييييييييفة , ممكن تعمل حوالى 50000-55000 جنيه , صح؟؟؟ , بس الموتور اللى فيها هيبقى قديم , يعنى بقاله بتاع 25 سنة و بالتالى أنا ناوى بعد ماشتريها , أجيب موتور بالفتيس و التكييف بتاع زلمكة E200 1990 فما فوق و أركبه عليه , و ابقى حصلنى عالطريق بقه يا باشا .

بما أنك مسقط موتور مرسيدس زلمكة فى حوض مرسيدس معدلة , ايه رايك فى الفكرة دى و هل ليك عليها أى ملاحظات و لا حاجة ؟؟

و عشان الموضوع ده يتعمل , ايه التعديلات اللى محتاج تتعمل فى العربية عشان أعرف أسقط فيها موتور الزلمكة ؟؟؟؟؟

الرجاء , لو عند حضرتك أو عند أى عضو من الأعضاء الأفاضل أى ملاحظة على الخطة دى يقوللى لأن أكيد هتكون مفيدة و هتخللينى آخد بالى من حاجات أنا مش واخد بالى منها .

السؤال الأخير , أفضل مكان ممكن اشترى الموتور بالفتيس و التكييف بتاع الزلمكة اللى أنا عاوز أشتريها دى , منيييييييييييييين و فى حدود كاااااااااااااااام ؟؟؟

شكرا جزيلا و آسف للاطالة .

مازيراتى كواتروبورتيه

[ahmedamr]

يا باشا ان متاسف عن التاخير في الرد انا العربية والدى كان شاريها من واحد كل مهمتة انة يحافظ عليها ومبيركبهاش ويركب كل حاجة فيها اوريجنال
هو اللى كان مغيرها الموتور جايبة جديد بتاع زلموكة اوتوماتيك الموتور الاسود طبعا
انجكشن والعربية كاملة باور وتكييف وسنتر حتى حساس النور شغال وفرش جلد الزلمكة اوريجنال وجنوط شبور مرسيدس الشكل الجديد احنا خدنا منة العربية بطلوع الروح مكانش عايز يبيعها بيحب يتفرج عليها بس
بس العربية ولا اكنك راكب عربية زيرو بسم الله ماشء الله تحس انك راكب اسد بجد والموتور صوتة واطى وناعم جدا غير ما بتشوف العربيات زيها ماشية بتنعر الموتور زيرو بمعنى الكلمة وبيبان ع الطرق السريعة اكتر هى فعلا عربية محترمة اوى بس تحافظ عليها
بس بالنسبة لموضوع التكييف تكييف المرسيدس عموما مش هيعجبك تكييف الالمانى تعبان دى حاجة معروفة لكن شغال مهما حاولت معاة وركبت حتى تكييف جديد هتلاقية هو هو بردو بس بصراحة العربية ركوبة ركوبة يعنى وثبات هايل انا لما بركب عربيات من بتوع اليومين دول ميجان ولا نسر وصنى بنزل منها بقول فينك يا مرسيدس مفيش عربية زيك ابدا

[MASERATI]

يا باشا ان متاسف عن التاخير في الرد

السلام عليكم و رحمة الله و بركاته

ياباشا ولا أسف ولاحاجة , ربنا يعينك .

أنا بس كنت افتكرت أنك بعت العربية المرسيدس بعد ما قلت أدبها معاك, بس أنا كان عندى استفسار رخم شوية , بس اكيد ان شاء الله سيادتك هيكون عندك فكرة بصفتك معاك مرسيدس , ممكن أسقط موتور المرسيدس العيون E200 Kompressor فى الحوض بتاع المرسيدس المعدلة و لا الحوض يبقى صغير عليها؟؟؟؟

أصل الموتور ده عاجبنى أوى لأنه بيطلع 193 حصان , يعنى حاجة كده - ما شاء الله - وهم !!!!!!!!!!!!!!!

مازيراتى كواتروبورتيه

[ahmedamr]

بصراحة يا باشا مش عارف انت لو من القاهرة ممكن تسال فى المعادى ميكانيكي المرسيدس اسمة جمال هو ورا البنزينة اللى فى مدخل المعادى من ع الكورنيش هتروح هناك هتلاقي جميع انواع المرسيدس عندة الراجل دة ملك المرسيدس

[ahmedamr]

وياباشا لما قلت ادبها غيرت طرمبة البنزين وبقت احسن من الاول عمرها الافتراضي يعنى مش مشكلة لكن المرسيدس عموما بيبقى زي الفل طول ما انت مهتم بية

[Adham]

المواتير اللي بالطول سهل قوي تسقط اي موتورمكان التاني طالما جايبة بفتيسة و الضفيرة و الكونترول يونيت و ما يلزم, يعني ممكن تسقط حتى موتور البودرة ال 600 في مرسيدس تمساحه

و لية تبيع البيجو ال 505 علشا ن مافيهاش تكييف

انزل بيها بورسعيد يوم و هات الكويل و الكمبريسور بالقاعدة و السربتينية بالمواسير و الخراطيم من اي عربية متقطعه شروة على بعضها كبيرها 2000 جنية و تيجي بيهم و بتاع تكييف محترم و بمساعده ميكانيكي و كهربائي الليلة دي كلها تركب على اصولها وتتشحن و تبقى راكب عربية مكيفة أصلي

[MASERATI]

و لية تبيع البيجو ال 505 علشا ن مافيهاش تكييف

انزل بيها بورسعيد يوم و هات الكويل و الكمبريسور بالقاعدة و السربتينية بالمواسير و الخراطيم من اي عربية متقطعه شروة على بعضها كبيرها 2000 جنية و تيجي بيهم و بتاع تكييف محترم و بمساعده ميكانيكي و كهربائي الليلة دي كلها تركب على اصولها وتتشحن و تبقى راكب عربية مكيفة أصلي

السلام عليكم و رحمة الله و بركاته

ياباشا ألف شكر على اهتمامك و الرد الجميل ده .

فعلا , كلام حضرتك صح ميه بالميه , بس بصراحة , فيه أسباب كتير أوى أنى عاوز أغير الغربية البيجو ال 505 و أجيب مرسيدس و هى :

أن المرسيدس عموما اليومين دول , سعره نزل و أصبح مغرى للشراء و خصوصا الموديل ده لأنى بعشق الموديل ده , يمكن أكتر من الزلمكة رغم أنها أحدُث.

أن ركوب المرسيدس حتى الموديلات القديمة منها , متعة و أفضل من أى عربين تانية - ده فى رأيى أنا .

أن العربية البيجو ال 505 بتاعتنا عشان أركبلها تكييف , غالبا لازم أعمل عمرة الأول لأن الموتور اللى فيها شكله كده خف و محتاج عمرة .

أن أنا لو فكرت أشترى موتور بيجو 505 استيراد , ماعرفش حالته هتبقى ايه لأن أحدث مافيه هيبقى 1989 - 1990 بالكتييييييييير أوى و النضيف منه مش كتير , لكن لو اشتريت مرسيدس معدلة موديل 1984-1985 و سقطت فيها موتور E200 Kompressor موديل أواخر التسعينات بتكييفها و فتيسها, هتطلع حلوة ان شاء الله .

كمان حكاية الموتور أبو 193 حصان ده مغرى جدا .

غير بقه أنى عندى حالة نفسية أن أحسن تكييف اللى بيبقى نازل عالعربية من المصنع .

مازيراتى كواتروبورتيه

[Adham]

طيب ماهو انت لما تجيب التكييف استيراد هو نفس اللي بينزل في ال 505 من المصنع مجرد فك وتركيب

غير اللي بيشتري الساندن و التكييفات اليونيفرسال اللي بتركب اي عربية


موضوع موتور كومبريسور جميل بس قطع غيار الموتور دة غالية جدا و حاتصرف معاك مصاريف صيانة كبيرة جدا

ماتحط موتور مرسيدس زلموكه و كفاية او لو عاوز جري حط بتاع ال 300 او ال 280 او ال 500 بس استحمل بقى بنزينها

[MASERATI]

موضوع موتور كومبريسور جميل بس قطع غيار الموتور دة غالية جدا و حاتصرف معاك مصاريف صيانة كبيرة جدا

ماتحط موتور مرسيدس زلموكه و كفاية او لو عاوز جري حط بتاع ال 300 او ال 280 او ال 500 بس استحمل بقى بنزينها

السلام عليكم ورحمة الله وبركاته

ماهو أنا عامل حسابى أن اللى هصرفه صيانة عالموتور ال E200 kompressor هو اللى هوفره من الضريبة بتاع التجديد آخر السنة و من استهلاك البنزين و فى الحالة دى هبقى بصرف الفلوس و أنا مبسوط , على الأقل مابدفعش ألاف الجنيهات كل سنة ضريبة و هما مايستحقوهاش, لأ , أصرف على عربيتى أحسن .

مازيراتى كواتروبورتيه