ايهما افضل c180 or e200

[dramir1]

لو حضراتكم هاتشترو ايهما تفضلون؟؟؟؟ظ
c180 موديل 1995
ولا
e200 موديل 90
من حيث:-الاداء
-البنزين المستخدم 80 ولا90 ولا92
-قطع الغيار واسعارها
-الضريبه السنويه

[dramir1]

وافضل مكان اكشف عليها فيه وياريت اسم تاجر قطع غيار جديد واستيراد وتلفونه في القاهره

[dramir1]

هو مفيش حد في منتدى مرسيدس عنده الموديلات دي ؟؟؟؟

[Batman372]

ال e200 مو 90 افضل .

[MASERATI]

السلام عليكم و رحمة الله و بركاته

و الله أنا من الناس اللى بعشق الزلمكة موديل 90 و أنت طالع و أكيد بفضلها على المرسيديس C180 , أصل انا دايما كنت بحس أن العربية المرسيدس ال C classدى اتعملت بعد ما المصنع صنع كل العربيات و الحديد الباقى عملوا بيه العربية ال C class دى , طبعا مع شديد احترامى للعربية و للى راكبينها , ده مجرد احساس و أنا لو مكانك هفضل العربية ال E class مو 1990 و أنت طالع لأنها بصراحة ركوبة صح و كمان من حيث اعادة البيع , ممتازة و لو كانت حالتها نظيفة و انت حافظت عليها , هتتباع هوا , ده لما أنت تحب تبيعها عشان تجيب الفياجرا ( S320 )يعنى .

لو الزلمكة ال 90 حالتها نظيفة , هاتها و توكل على الله . بس اكشف عليها كويس أوى , ان شالله تروح تكشف عليها فى التوكيل .

و ربنا يباركلك و يرزقك خيرها و يكفيك شرها .

بس , لو الموضوع مش تدخل فى الأمور الشخصية يعنى , ممكن تبقى تقولنا السعر العادل و المناسب للعربية المرسيدس ال E class موديل 1990 دى فى السوق كام ؟؟؟

مازيراتى كواتروبورتيه

[dramir1]

والله الناس بتطلب ارقام غريبه ممكن توصل 100 الف جنيه

[dramir1]

البنزين المستخدم 80 ولا90 ولا92
-قطع الغيار واسعارها
-الضريبه السنويه

[mxz911]

ال e فئه وال c فئه .. وال e طبعا تكسب بمراحل حتى مع فرق ال 5 سنين ده !

بالنسبه لباقى الاسئله لا اعرف .. بس يكون فى علمك مكانش فيه فى مصر بنزين نظيف اصلا سنه 1990 ف اعتقد انها هتشتغل ب 80 عادى لكن مش هيكون ادائه زى ال 90 او 92 ..

[د.محمود صلاح]

انا أفضل شكل ال e عن ال c دائما .. ولا أعلم لماذا ال c سعرها أقل من ال e في المستعمل ؟

[dramir1]

ال e200 مو 90 افضل .

شكرا لرد حضرتك بس ياريت الأسباب

[M.almaghraby]

بصراحة ال c180 الموديل القديم دا بالذات شكله وحش جدا

[Batman372]

شكرا لرد حضرتك بس ياريت الأسباب

لان ببساطه تاريخ ال E200 من الخمسينات حتى الان لا خلاف عليه و هى انجح سياره مرسيدس و الاكثر مبيعا .

اما ال C CLASS فهى فقط من 1995/1996 و تعتبر امتداد لل E190 الغير ناجحه.

فقط من 2002 / 2003 ال c ابتدت تتطور و تنافس البى ام الفئه الثالثه.
و اخيرا ال c الشكل الجديد من 2008 يعتبر نقله و افضل من البى ام الفئه الثالثه.

[dramir1]

شكرا لردك الوافي اذا الهدف هو e200
هل سياره موديل 1990 ب100 الف افضل ام عربيه 2009 كسر زيرو افضل بنفس السعر؟؟

[dramir1]

شكرا لردك الوافي اذا الهدف هو e200
هل سياره موديل 1990 ب100 الف افضل ام عربيه 2009 كسر زيرو افضل بنفس السعر؟؟

للتوضيح المقصود ب 1990 مرسيدس e200
المقصود ب 2009 نوع اخر زي نيسان تيدا مثلا في حدود 95-100 الف

[Batman372]

للتوضيح المقصود ب 1990 مرسيدس e200
المقصود ب 2009 نوع اخر زي نيسان تيدا مثلا في حدود 95-100 الف

فى هذى الحاله - دى مسأله ازواق و ستجد اختلف فى الاراء.
لكن عن نفسى افضل الكسر زيرو مثل التيدا فهى سياره جيده جدا !! و ذلك لترييح دماغى من مشاكل المستعمل من 20 سنه حتى لو بحاله جيده ( و هى نادره و مبالغ فى سعرها ) او مجدده !!