مرسيدس 200 ام 300

[ADOOD]

السلام عليكم ..
هذه مشاركتى الاولى وارجوابداء الراى والمساعده فى اختيار سيارة ..
اردت شراء سيارة وهى المرة الاولى لى اشترى سيارة يعنى خبرتى فى السيارات مفيش ..
قلت اشترى سيارة مستعملة البعض قالى اشترى لانوس ولا فيرنا .. وفى سوق السيارت قابلت السيارة مرسيدس 200 و230 موديلات 79 و80 و81 ووجدت ان سعرهم تقريبا من 30000 الى 40000 فقلت فى نفسى المرسيدس احسن طبعا فما ريكم ؟
ثم عند البحث والشراء وجدت المرسيدس 300 موديل 88 وموديل 82 البعض قال هى افضل ووجدت سعرهم فى الخمسينات يعينى من 45000 الى 56000 لكن بعض الناس خوفتنى وقالوا ان قطع الغيار اغلى واستهلاكه للبنزين رهيب والبعض قال ان استهلاكه للبنزين معقول فما رأيكم ؟
هل اشترى مرسيدس 300 ام اشترى مرسيدس 200 ؟
ام ارجع للانوس او فيرنا على حسب قول من قال ان المرسيدس 200 او 300 موديلات قديمة وهتكون هلكت شغل ؟
علما ان البعض قال المرسيدس ، هى المرسيدس مهما اشتغلت يعنى يفضلونها على الجديد ...
اسف على الاطالة ..
انتظر ردكم ولكم جزيل الشكر ...

[ahrambc]

اجابة اسئلتك تتوقف على عدة امور

اولا : ماهى متطلباتك من السياره .

ثانيا : ماهى امكانياتك للصرف عليها فى البنزين و قطع الغيار و الضريبه و خلافه

على سبيل المثال :

لو تبحث عن الكماليات الحديثه يبقى تبعد عن المرسيدس القديم

لو تبحث عن الأعتماديه فى الأداء تبقى المرسيدس بدون جدال شرط الحاله

لو هنقارن بن مرسيدس 200 و مرسيدس 300

لو تبحث عن سعر اعادة البيع و مصاريق أقل من كل النواحى ... تبقى مرسيدس 200

لو تبحث عن الأداء القوى و الفخامه بدون النظر للمصروفات .... تبقى مرسيدس 300

أنا لو مكانك اجيب مرسيدس 200 غاليه و نضيفه .

[ahmedamr]

ال 200 النضيفة بتعملها من 50 ل 55 الف مفيش 200 نضيف فى الاربعينات

[medo_2060]

اجابة اسئلتك تتوقف على عدة امور

اولا : ماهى متطلباتك من السياره .

ثانيا : ماهى امكانياتك للصرف عليها فى البنزين و قطع الغيار و الضريبه و خلافه

على سبيل المثال :

لو تبحث عن الكماليات الحديثه يبقى تبعد عن المرسيدس القديم

لو تبحث عن الأعتماديه فى الأداء تبقى المرسيدس بدون جدال شرط الحاله

لو هنقارن بن مرسيدس 200 و مرسيدس 300

لو تبحث عن سعر اعادة البيع و مصاريق أقل من كل النواحى ... تبقى مرسيدس 200

لو تبحث عن الأداء القوى و الفخامه بدون النظر للمصروفات .... تبقى مرسيدس 300

أنا لو مكانك اجيب مرسيدس 200 غاليه و نضيفه .

1+

[ADOOD]

لكم جزيل الشكر جميعا على الرد والمتابعة ...
فهمت من الكلام ان المرسيدس افضل من اللانوس والفيرنا ،
[marq="2;right;3;alternate"]لو تبحث عن سعر اعادة البيع و مصاريف أقل من كل النواحى ... تبقى مرسيدس200[/marq]
هل المرسيدس 230 ينطبق عليها هذا الكلام من ناحية ان مصاريفه اقل من كل النوحى لانى سمعت امس فى احد المعارض انها افضل من ال 200
بخلاف طبعا الضريبة فانا اعرف ان ضريبتها اعلى من ال 200 ؟
بالنسبة للكماليات انا احب ان تكون اتوماتيك وسنتر وباور وزجاج كهربه وطبعا التكيف اساسى ..
ما هى الكماليات الحديثة ؟
وايضا هل الماكينة البيضاء افضل ام السوداء ؟
هل تعرفون معارض مستعمل موثوق فيها ؟
اسف على الاطالة ولكم جزيل الشكر ....

[ahmedamr]

ما تدورشش ع تكييف قوى من مرسيدس يا باشا حتى الزلموكة يبقى كداب اللى يقولك تكييفها تلاجة هو عادى ودى حاجة معروفة وال 200 احسن من ال230 دي حاجة معروفة حتى سعرها بيبقى اعلى والضريبة كمان لكن المرسيدس عموما لو ركبتها مش هتعرف تنزل منها ع اى عربية تانية هتتمتع بجد بسواقتها وربنا يوفقك فى واحدة حلوة انشاء الله وتجرب هى احسن اختيار بس اكشف عليها كويس

[ahmedamr]

الماكينة السودا افضل انجكشن

[ahrambc]

بخصوص الكماليات المتوافره فى الموديلات القديمه

الباور و السنتر اساسى

المرايه اليمين كهرباء فى بعض السيارات و يمكن تركيبها حال عدم وجودها .

التكييف فى بعض السيارات و يمكن تركيب تكييف اصلى اذا لم يكن مركبا

و يمكن الحصول على تكييف ممتاز - و لكن ليس بجودة اليابانى و الكورى - اذا كانت حالة الكمبروسور و السربنتيه ممتازه مع تنظيف القلاتر الموجوده بالتابلوه ( وتتطلب حل التابلوه بالكامل )

الفتيس الأوتوماتيك موجود فى بعض السيارات و يمكن تركيبه حال عدم وجوده و ان كنت لا انصح به الا اذا كنت تثق بمكان شراؤه و مكان تركيبه .

الزجاج الكهربائى يوجد فى بعض السيارات و يمكن تركيبه حال عدم وجوده .

بخصوص الأنجيكشن أو كاربراتير و كذلك الماكينه بيضاء أو سوداء

فى السيارات 230 : الأنجيكشن يبدأ من موديلات 1981 و ما قبلها كاربراتير

فى السيارات 200 : الماكينة السوداء تبدأ من موديلات 1981 و جميعها كاربراتير و لا يوجد فيها انجيكشن حتى آخر الموديل فى عام 1985 .

و الفرق بين الماكينة السوداء و البيضاء هو ان السوداء اشعال اليكترونى فلا يوجد بها كوندينسر و لا ابلاتين .

أما البيضاء فيوجد بها

و طبعا فالاشعال الأليكترونى أفضل من حيث ضبط السياره و تليل استهلاك البنزين .

أما عن الفروق بين 200 و 230 فهى فروق فى قوة الموتور بين 2000 س س و بين 2300 سى سى لصالح 230

و لكن هذا الفرق لن تلاحظه الا اذا كنت معتاد على ركوب الساره 200 ثم غيرت الى 230

و لذلك لا أنصح به ..... و المهم هو حالة السياره التى تشتريها .... فلو وجدت 230 ممتازه فلا تتردد فورا

و كذلك لو وجدت 200 ممتازه فلا تتردد فورا

أما بخصوص المعارض فانصحك بالبحث بعيدا عن المعارض و يا حبذا لو بحثت عنها بين معارفك أو جيرانك و أصدقائك .... وهى نصيحه عامة بالطبع و لا تخص المرسيدس خصوصا ...... لكن معظم مالكى المرسيدس يعتزون بها و يحافظون عليها .

[ADOOD]

لكم جزيل الشكر على الردود والمتابعه ..
واعتذر لتاخرى فى الرد وتقديم شكرى ....

[Khellooo]

أنا رأيى لو فى حاجة تانية حديثة غير المرسيدس وتكون لقطة ( يعنى من حد معرفة ) تبقى أفضل

غير كدا أنا عن نفسى ماأقدرش على ضريبة ال 230 ( 1165 جنيه سنويًا ) ودا السبب اللى خلى ال 230 أرخص من ال 200 وال 200 بقت بياعة أكتر مع إن ال 230 ماتورها يكسب

والكلام دا بناءً على تجربة شخصية وأنا اللى دفعت ضريبة ال 230 بإيدى وسافرت بيها وركبت ال 200 كمان ( ال 230 من قوتها بتفرك وهى بتاخد التالت ماشاء الله لاقوة إلا بالله )

أما لو حضرتك نويت على شراء مرسيدس فأنا أمامى واحدة 200 موجودة فى اللينك ده :

http://www.nilemotors.net/Nile/186445-200-78-84-a.html

[ayman97]

زى ما بيقولو المرسيدس ركوبة ملوكى ، انا كان عندى مرسيدس 240 زمان هى فخامة وثبات وقوة فلو نفسك في المرسيدس هات 200 أفضل في استهلاك البنزين لانها 2000 cc كمان الضريبة وانت بترخص أقل من ضريبة ال 230 ، 300 التى قد تصل لألف ونصف في العام ،،،
أما عيوب المرسيدس بصفة عامة قطع الغيار غالية جداً وسعرها ينزل جامد لو فكرت البيع .
نصيحة اتجة للياباني ثم الكورى لانه موفر في البنزين وقطع الغيار رخيصة ومتوفرة وسهلة البيع وماتخسرش فيها كتير لو فكرت تبيع

[MBhead]

بس يا باشا ما مفيش حاحة اسمها مرسيديس 300 لو اقصدك w123 يعني شبه ال 200 بس مكتوب عليها 300
دي ديزل بلاش تجبها مش حتعجبك و لو اقصدك 300sel
دي حاجة تانية خالص ممكن تلاقي منها ب 50لحد 100 علي حسب الموديل و الحالة هيا احلي من ال 200 بس ترخيصها غالي و البنزين عادي يعني مش كتير اوي و لو حتجب 230 جيب 230e حتريحك اوووي في البنزين لانها انجكشن و بالنسبة لقطع الغيار غالية شوية بس في حاجة لما تجيب متجبش قطع غيار ياباني و صيني و الهجص داا الالماني الماني حيتركب و حتنساه 3ولا 4 سنين

[Mody_Benz]

بص يا باشا من نصيحة اخوية انا معايا مرسيدس 200 موديل 1982 اللى هيا الكود بتاعها w 123

وغالبا الفوانيس الامامية بتاعتها تبقى مربعة لانها معدلة لكن لو فوانيس مدورة تبقى اللى هيا موديل 1976-1979

طبعا هيا عربية جميلة جدا وكل حاجة وانا بصراحة مستمتع بيها جدا جدا للفخامة والشياكة والثبات بتاعها

لكن لو تكييف مش جامد لدرجة انى اقولك تلاجة لأ بصراحة تكيفها عادى

يعنى لو اكتر من 3 راكبين فى العربية هتحس مفيش تكييف اساسن لكن لو لوحدك هتحس بيه جامد

عن مصاريفها هيا مصاريفها غالية شوية فى استهلاك البنزين وقطع الغيار

ومحتاجه ميكانيكى محترم جدا انا عن نفسى مثلا بوديها لواحد شغال فى توكيل مرسيدس

وفاتح ورشة ليه هوا وفاهم فيها عشان اى حد بيلعب فيها العربية بتتخرب بجد وعن تجارب كتيرة

واى قطعة فى العربية ديه اى قطعة مهمة جدا وغالية

وديه سعرها دلوقتى فى السوق من 42000-50000 على حسب نضافة العربية من كل حاجة من الموتور للعفشة للصالون

لكن انتا لو شاب ومحتاج تستمع بعربية متقرفكش فى مصاريفها وتكون على القد وتقدر تصرف عليها يبقى زى مقولت فيرنا او لانوس

وربنا يوفقك فى اختيارك واى مساعدة احنا فى الخدمة