خنزيرة \ شمامة \ تمساحة

[keko]

السلام عليكم
كنت عايز اعرف شوية فروق بين الموديلات دى خنزيرة \ شمامة \ تمساحة اللى هما e200

هل الخنزيرة هى الشمامة ولا فيه بينهم فرق

بالنسبة للثلاثة هل قطع الغيار لكلهم واحدة من عفشة وموتور والات جر ولا تختلف

بالنسبة للفتيس هل يفضل الاتوماتيك ولا المانيوال وهل الاتوماتيك بتاعها ضغط زيت ولا كهرباء لانى سمعت ان
الاتوماتيك في الموديلات القديمة وحش لانه ضغط زيت

لو العربية كاربراتير ينفع معاها بنزين 80 ويشتغل كويس ولا ايه ؟ ولو ينفع ايهما اوفر فى البنزين عربية كاربراتير مع بنزين 80 ولا انجيكشن مع بنزين 92 ولا جاز فى التوفير النهائى

بالنسبة للصاج الخارجى من رفارف وببان وكبوت وخلافه واحد ولا يختلف

الضريبة كام فى السنة للمواتير 2000 و بتفرق من بنزين لجاز ولا واحدة

لو امكن امثلة باسعار قطع الغيار يبقى كدا ممتاز جدا
ولكم خالص الشكر

[keko]

اما من مجيب

[pharonicking]

هههههههه
كله شغال فى الجديد الحاجات دى خلصت من زمان

[keko]

هههههههه
كله شغال فى الجديد الحاجات دى خلصت من زمان

ازاى يا ريس ده المرسيدس بالذات اكتر عربية قديمة كل قطع غيارها موجودة واصلى هيا وال504 يا ريت بلاش تريقة وتقولى كلا م يفيدنى احسن انا عموما بسال للمقارنة بينهم

[MBhead]

اول حاجة سيادتك لازم تعرفها ان ممكن الاسماء تبقي مختلفة من مكان لمكان و اساسا مرسيدس كل موديل بتنزله بيبقي له كود محفور في الشاسيه عشان قطع الغيار و الاسماء لان مثلا لو قلنا مرسيدس 20 في كتير 200
الشمامه دي w111

و اسمها 220S و هيا من سنه 59 ل 71 و دي عربيه منتهي الجمال و الفخامة بس لو حضرتك هاوي عربيات كلاسيك اما غير كده هيا بالنسبه لك مش اكتر من عربيه قديمة ملهاش اي قيمه
مواتير من 2200 سي سي ل 3500سي سي 6 و 8 سلندر كرابيراتير و انجكشن و كان فيها تكييف و باور و ازاز كهربا و اوتوماتك
في منها كوبيه و كابورليه و سيدان و طبعا العربيه دي لو حالتها حلوه سعرها مش رخيص خالص ش حتقل عن 80 الف بس طبعا اللي بيشتري مش اي حد و لو كوبيه او كابورليه بتبقي غاليه لانها نادرة
و دي تعتبر S-Class مش و الكوبيه CL-Class
دي بقي الخنزيرة

دي منتشرة و اكيد حضرتك بتشوفها كتير في الشارع شاسيه W114/115 من سنه 68 ل 76
مواتير من 2000 سي سي ل 3000 سي سي 4 و سته سلندر ديزل و بنزين انجكشن و كبراتير سيدان و كوبيه
اما الكماليات في منها باور اتوماتك تكييف و ازاز كهربا فتحة سقف كهربا سنتر لوك دافيه كراسي قدام ماسحات فوانيش قدام و طبعا كراسي جلد طبيعي و هيا E-Class
دي عربيه جميله جدا و عمليه اوووي و بتستحمل و مريحة و مليانه مميزات و هيا طبعا E-Class
اما التمساحة انا مش متاكد من الاسم دا هل هيا الW123 ولا الW126
و بالنسبه للفتيس الاوتوماتك مفهوش اي مشاكل و اعد معانا سنين محصلش فيه حاجة و و هوا ضغط زيت و المانيوال لو حضرتك بتحب التنطيط بس الاتنين مفهموش مشاكل
اما بالنسبه للبنزين نسبه الانضغاط هيا اللي بتحكم مش طريقة الحقن و كلهم بيمشوا ب 90 بس لو حضرتك عايز عايز تحط 80 شوف كهربائي يظبط الاسبراتير عشان الموتور ميصقف او ممكن تحط نص التانك 80 و نص 90 حتمشي زي الفل
اما ال92 بيتشفط و هوا ال90 تمام و الديزل موفر جدا
و قطع الغيار مش زي بعضها بس في حاجات مشتركة بين الخنزيرة و التمساحة لانهم فيهم نفس الموتور
و الصاج طبعا بيفرق لان دي مش نفس الموديلات
و ضريبة ال2000 سي سي مش بتعدي الف جنيه حوالي 400 باين العربيات اللي بتدفع الف لازم تكون اكتر من 2030 سي سي
و طبعا البنزين غير الديزل
و قطع الغيار مش حقدر افديك فيها لان انا بعت الخنزيرة من فترة
حضرتك ممكن تشوف الموضوع دا في شويه معلومات حتفيدك

http://www.nilemotors.net/Nile/188308-e200.html

[MBhead]

في حاجة نسيت اكتبها عاما الشغب المصري يموت في الفتاوي كل واحد لازم يفتي
يقول مثلا لحضرتك الفتيس الاوتوماتك بيبوظ بسرعة و هوا ولا يعرف اي حاجة و عشان كده يقولك الخواجة احسن من الصنايعي المصري
طبعا احسن لانه مش بيفتي اما المصري لازم يفتي و مينفعش يقول معرفش لازم يهبل و يخرب الحاجة و كمان الاجنبي مش بيعرف يصلح الحاجة و بس هوا فاهم هيا شغاله ازاي و وظيفة كل حاجة فيها فلما تبوظ بيعرف يصلحها اما المصري حفظ الحاجة من كتر الشغل فيها و مش فاهم اي حاجة بس لو لقيت ميكانيكي بيفهم حيبقي متميز كده و معروف
سيادتك الالمان دول شعب رهيب بيفكروا تفكير صائب و ينفذوه صح عشان كده المرسيدس و البي ام و البورش القدام لسه بيجروا علي الارض لحد دلوقتي و اكفأ من عربيات كتير زيرو عشان هوا لما صنع العربية فكر ازاي يعملها تعد 50و 60 سنه و تستحمل مسافات طويله و استخدام شاق مافكرش يعملها تمشي 20 الف كيلو و بعد كده يتعملها صيانة و الكلام دا
و اسف علي الاطالة

[هيثم المنياوى]

كل الشكر والتقدير والأحترام للأخ الفاضل الأستاذMBhead
مجهود رائع ومحترم من حضرتك بصراحه عمرك ماتاخرت فى إفادة الأعضاء
وأنا كنت واحد من اللى استفادوا من حضرتك يارب تكون فاكرنى
جزاكم الله كل خير وبارك الله فيكم

[ahmedbasto]

thanks

[keko]

في حاجة نسيت اكتبها عاما الشغب المصري يموت في الفتاوي كل واحد لازم يفتي
يقول مثلا لحضرتك الفتيس الاوتوماتك بيبوظ بسرعة و هوا ولا يعرف اي حاجة و عشان كده يقولك الخواجة احسن من الصنايعي المصري
طبعا احسن لانه مش بيفتي اما المصري لازم يفتي و مينفعش يقول معرفش لازم يهبل و يخرب الحاجة و كمان الاجنبي مش بيعرف يصلح الحاجة و بس هوا فاهم هيا شغاله ازاي و وظيفة كل حاجة فيها فلما تبوظ بيعرف يصلحها اما المصري حفظ الحاجة من كتر الشغل فيها و مش فاهم اي حاجة بس لو لقيت ميكانيكي بيفهم حيبقي متميز كده و معروف
سيادتك الالمان دول شعب رهيب بيفكروا تفكير صائب و ينفذوه صح عشان كده المرسيدس و البي ام و البورش القدام لسه بيجروا علي الارض لحد دلوقتي و اكفأ من عربيات كتير زيرو عشان هوا لما صنع العربية فكر ازاي يعملها تعد 50و 60 سنه و تستحمل مسافات طويله و استخدام شاق مافكرش يعملها تمشي 20 الف كيلو و بعد كده يتعملها صيانة و الكلام دا
و اسف علي الاطالة

اولا الف الف شكر على المعلومات المفيدة يا غالى
ثانيا هل الخنزيرة والتمساحة قطع غيارهم بنفس التوافر ورانج الاسعار ولا لا
لانى بصراجة امكانياتى مش كبيرة قوى لكن بفكر فيها لانى شفت عربيات كتير معروضة خنزيرة فى رانج سعر اللادا وحالات كويسة بسبب فرق السنة والموديل وعموما وبالنسبة لفرق السعر فى قطع الغيار مش مشكلة لانه عمرا المرسيدس اوفر من اللادا فى قطع الغيار على الدى البعيد انما لو الخنزيرة قطع غيارها بدات فى الانقراض او غالية كتير عن الخنزيرة خصوصا الجديد مش الاستيراد ممكن اقرص على نفسى فى الفلوس واشوف التمساحة اللى اسمع ان قطع غيارها متوفرة جدا

وموضوع الضريبة لل 2000 سىسى هى فعلا 1000 جنيه للسنة ! انا كنت فاكر انها اقل من كده بكتير خصوصا ان الموديل قديم

وتانى لك خالص شكرى

[MBhead]

اولا الف الف شكر على المعلومات المفيدة يا غالى
ثانيا هل الخنزيرة والتمساحة قطع غيارهم بنفس التوافر ورانج الاسعار ولا لا
لانى بصراجة امكانياتى مش كبيرة قوى لكن بفكر فيها لانى شفت عربيات كتير معروضة خنزيرة فى رانج سعر اللادا وحالات كويسة بسبب فرق السنة والموديل وعموما وبالنسبة لفرق السعر فى قطع الغيار مش مشكلة لانه عمرا المرسيدس اوفر من اللادا فى قطع الغيار على الدى البعيد انما لو الخنزيرة قطع غيارها بدات فى الانقراض او غالية كتير عن الخنزيرة خصوصا الجديد مش الاستيراد ممكن اقرص على نفسى فى الفلوس واشوف التمساحة اللى اسمع ان قطع غيارها متوفرة جدا

وموضوع الضريبة لل 2000 سىسى هى فعلا 1000 جنيه للسنة ! انا كنت فاكر انها اقل من كده بكتير خصوصا ان الموديل قديم

وتانى لك خالص شكرى

لا طبعا متوفرة التمساحة بس الخنزيرة قطع غيارها متوفرة بردو بس في امكان معينة و قطع الغيار الجديدة بلاش منها لانها مش الماني اما الالماني معمرررررررره جدا جدا يعني لو جبت قطعة غيار الماني محللوله من عربيه مرسيدس تبقي احسن من اي قطعة غيار جديدة مش الماني و متخافش خالص قطع الغيار رخيصة مش غاليه
اما الضريبة اللي اكتر من 2030 سي سي يدفع بحد ادني الف جنيه سنويا و ملهاش اي علاقة بالموديل

[vedodido]

التمساحة هيا فعلا ال w126 والعربية دى صاحبة اطول فترة انتاج فى الاس كلاس فضلت تنتج 12 سنة من اول 1979 لحد 1991 وفى سنة واحد وتسعين نزلت الشبح اللى هيا w140 والتمساحة دى على ما سمعت وقرات لانى مركبتهاش فى الحقيقة انها مفخرة شركة مرسيدس وانها كانت متسمية من الشركة الام الاسفينة الالمانية وبصراحة فى كل قراتى عنها الكل بشيد بقوة موتورها وثباتها الرهيب وفيها شاسهين الاستندارد ودا بيبقى ال se والطويل بيبقى sel وحرف الــ ال بيبقى اختصار لــ لونج ويل بيس ودى صورتها


Uploaded with ImageShack.us

[MBhead]

التمساحة هيا فعلا ال w126 والعربية دى صاحبة اطول فترة انتاج فى الاس كلاس فضلت تنتج 12 سنة من اول 1979 لحد 1991 وفى سنة واحد وتسعين نزلت الشبح اللى هيا w140 والتمساحة دى على ما سمعت وقرات لانى مركبتهاش فى الحقيقة انها مفخرة شركة مرسيدس وانها كانت متسمية من الشركة الام الاسفينة الالمانية وبصراحة فى كل قراتى عنها الكل بشيد بقوة موتورها وثباتها الرهيب وفيها شاسهين الاستندارد ودا بيبقى ال se والطويل بيبقى sel وحرف الــ ال بيبقى اختصار لــ لونج ويل بيس ودى صورتها


uploaded with imageshack.us

الله ينور علياك يا باشا انا اللي كنت اعرفه ان دي التمساحة و اكتشفت ان في ناس بتقول علي الw123 التمساحة بردو .......كلها اسماء
هيا طبعا العربية دي تحفة بجد كان مع والدي زمان 500sel و انا اتعلمت سواقة علي العربية دي طبعا دي موتور 8 سلندر و ثبات وراحة و كل حاجة دي... عربية تحفة بمعني الكلمة و صدقني كل اللي بيتقال عليها صح
انا دلوقتي معايا الموديل اللي قبل دي الw116 350se و انشاء الله اجيب ال450sel 6.9

[keko]

كدا العملية ظهرت شوية انا قصدى على w123

[vedodido]

الله ينور علياك يا باشا انا اللي كنت اعرفه ان دي التمساحة و اكتشفت ان في ناس بتقول علي الw123 التمساحة بردو .......كلها اسماء
هيا طبعا العربية دي تحفة بجد كان مع والدي زمان 500sel و انا اتعلمت سواقة علي العربية دي طبعا دي موتور 8 سلندر و ثبات وراحة و كل حاجة دي... عربية تحفة بمعني الكلمة و صدقني كل اللي بيتقال عليها صح
انا دلوقتي معايا الموديل اللي قبل دي الw116 350se و ان شاء الله اجيب ال450sel 6.9

وعليك يا باشا بس ال w123 مش تمساحة خالص الw123 معدلة دا اسم الشهرهة بتاعها هنا فى مصر المعدلة
والw116 اللى مع حضرتك دى بقها اسمها التمساح ابو شنب بس دى اخبرها ايه مع حضرتك اصلا قديمة اوى بس بامانة الواحد عنده دايما ثقة فى المرسيدس حتى لو كان قديم
اوى

[vedodido]

كدا العملية ظهرت شوية انا قصدى على w123

معدلة يا باشا