قطع غيار خنزيرة w115

[keko]

هيا سعرها من 13 ل17

[MBhead]

انا اخر مرة سالت عنها كانت ب 20 ل25 كده دلوقتي نزلت كمان
بس في شوية حاجات عايز اقولها لحضرتك المرسيدس عموما في اعادة البيع كل ماتقل في السعة تبقي اغلي
يعني 200 اغلي من ال230 و هكذا و افضل لحضرتك تجيب ديزل لو عايز توفر وكده

[keko]

انا قلقت نت الجاز لما قريت انه 60 حصان بس وبعدين انا ناوى بنزين 80يعنى ارخص وفعلا موضوع السعة بيفرق بس ليا سؤال هوا موتور الزلمكو نفس القواعد ولا ختلف والعربية دى لو اتوماتيك تكون كويسة وا تتعبنى خصوصا انهم خوفونى من الاتوماتيك القديم وناس بتقللى غيار الزيت 1000ج وحاجات كده

[MBhead]

بص هوا الديزل مصنوع عشان بوفر و يبقي اقتصادي و ال60 حيمشوا العربية كويس جدا بس مش حتسحب طبعا
اما بالنسبة للقواعد لا طبعا مش زي بعض
و لو عايز تسقط موتور زلمكة مش حتفرق اد كده
لان موتور الw115 ال 4 سلندر و 2000سي سي اسمه m115 و بيسموه الموتور الابيض في منه كذا اصدار بيطلع 98 حصان و اعلي اصدار بيطلع حصان120 بس دا بعد سنة 73 في الخنزيرة ال200 اما موتور الزلمكة اسمه m102 و بيسموه الموتور الاسود دا في منه كذا اصدر بردو اعلي قدرة حصانية 122 حصان .......انا شايف الفرق مش كبير
احسن موتور يسقط في الخنزيرة هوا الm110 دي موتور ممتاز و اعطاله قليله 6 سلندر 185 حصان في منه كرابيراتير و انجكشن و سعره رخيص حوالي 5 او 6 الاف بالفتيس و الرياداتير اما ال m102 حتلاقيه عامل 9 او 10 الاف
بالنسبة للفتيس الاوتوماتك انا كان معايا اوتوماتك و زي الفل مش عارف انا الناس بتقول عليه وحش ليه و غيار الزيت مش بالف جنيه طبعا و دي كل فين و فين يعني لما الفتيس يحتاج
و صدقني يا فندم اي فتيس اوتوماتك بيبوظ لازم يتغير مافيش حد بيعرف يصلحه كويس في مصر سواء جديد و لا قديم
بص يا فندم اقرا الموضوع دا عاملوا عضو محترم معانا هنا كان فاكر العربية دي كنبة ..عشان تطمن اكتر بردو

http://www.nilemotors.net/Nile/174288-a.html

[keko]

هوا انا مش عايز حاجة اكتر من 2000 علشان الضريبة وبسال على الزلمكة علشان رخيص يعنى كل المواير غالية ولا فيه حاجات 2000 فى حدود 4او5الاف وبالمرة سعر الفتيس الاتوماتيك كام وغيار الزيت بتاعه كام

[MBhead]

سعر الفتيس لوحده معنديش فكرة و غيار الزيت الفتيس بتاع ال280 بياخد حوالي 6 لتر في الغيار و انا عن نفسي بغير لما بلاقي الفتيس تقيل في التقلة في ناس بتقول كل 50 الف و 20 الف انا مابعملش كده انا بقيس الزيت و لما الفتيس يحتاج بغير بس و الزيت اسمه موبيل atf اللتر ب25 و حتغير فلتر كل 6 شهور و جوان كارتيره
انا عن نفسي لا انصحك بالفتيس الاوتوماتيك بس مش عشان هوا سيئ ...لان العربية لو اوتوماتيك مش بيتدور بالزق لازم ونش و دي شي غير عملي علي الاطلاق
انا لا انصح حضرتك بالمرسيدس مع انها اكتر الممتازة بس حضرتك لازم تشوف العربيات المتاحة ..الادا لو حصل فيها حاجة المصنعة ارخص من المرسيدس و كمان اعادة البيع مش كل الناس زي حضرتك بتسفسر من كذا جهة و تسال هنا و هناك لان ما اكتر الناس اللي بتفتي ...في اكتر ان واحد راكب مرسيدس و فاتح محل قطع غيار مرسيدس بيقولي علي ال280 ...ديزل مش بنزين و البنزين ابتداي انتاجه من سنه 1970 و انا عربيتي كانت 1968 و بنزين و انا مش مغير الموتور ولا حاجة هيا نزله كدا
فالادا معروفة و معروف كل حاجة عنها فحتتباع هوا اما المرسيدس انسي الكلام دا حتاخد وقت و بالذات الموديل دا لانه بقي قديم خلاص

[keko]

يعنى من ركوب حضرتك للادا والمرسيدس الفرق شاسع كسيارة ولا بسيط

[MBhead]

الفرق اكتر من شاااسع بشوية
دي مرسيدس بردو مهما كانت قديمة فحدث و لا حرج عن الجودة المطلقة في الصناعة و الراحة و الوسع و القوة و الثبات و الفخامة في الصالون و مافيش الرعشة اللي في العربيات القديمة دي ولا الهزرة بتاعت الفتيس و الموتور انا لو العربية حالتها نضيفة ممكن احط علي الموتور و هوا داير فنجان قهوة و الوش مايروحش و فراملها كويسة اوووي و متحسش بالمطبات و الطريق اد كده و فيها كماليات اساسية زي الباور و التكييف غير الكماليات التانية زي الزاز الكهربا و الكلام دا
المغزي لو حالة نضيفة من العربية دي والله اضمن انها عملية اكتر من العربيات الزيرو اللي ب150 الف
بس صعب جدا تتباع و انا شخصيا انصح حضرتك بالادا الا في حال لو حضرتك عايز عربية ركوبة
و لك حرية الاختيار

[keko]

يعنى لو 115 حالتها العامة جيدة او متوسطة اولى ولا اللادا

[MBhead]

طاب الحالة المتوسطة او الجيدة ...ايه اخبار الموتور و الات الجر و العفشة و الدواخل .....دول لازم يكونوا بحالة محترمة اما الباقي من صالون و سمكرة و دوكو مش مهم كده و بيتعمل بسهولة ....,, و كمان البارومه خلي بالك منها
و الادا حالتها نضيفة ولا ايه

[keko]

فيه قدامى كذا لادا وكذا مرسيدسبحالات متعددة انما مايشغلنيش فى اللادا غير والباقى سهل اما المرسيدس اخاف من فتحة بقها فى المو بالذات لانى سمعت انه ب9000 والفشة تخش فى 3000 بس برضه بيقولو ان الحالة لو متوسطة تقضى الغرض مش شرط زيرو وان لو حاجة بدات تتهالك زى مثلا موتور بتاخد وقت طول لحد ما تجيب اخره وطبعا كل ده سماعى مش تجربة

[MBhead]

ما عشان كدا يا كريم باشا انا بقول لحضرتك الادا افضل لو المرسيدس حالة مش كويسة
لان انا خايف تفتح بقها لما تشتريها و الصراحة دي بتبقي اسوء حاجة في الدنيا لما تجيب عربية و تعد تصرف عليها كده
اما الموتور انا ولدي لما كان بيشد اللي كانت معايا كان بيقولي ان الموتر الابيض دا سعره استيراد 11 الف و الموتور بتاعنا الستة سلندر كان ب5 او 6 الاف مش متذكر بالضبط ....انا الصراحة قلت لنفسي اكيد الموتور سعره نزل بقي مثلا ب5 او 6 الاف لان الكلام دا كان من فترة كبيرة
بس غريبة ان حضرتك بتقول ان الموتور الابيض دا سعره لسه عالي كده 9 الاف كتير بردو
بس هو فعلا المرسيدس القديم دا مواتير وهم بتعمل كليوات خيالية يعني عشان تغير موتور مرسيدس دي حاجة كبيرة ........ بعد استخدام كتيييييييييير جدا مش هيتهلك بسرعة خااالص دا .....و حتي العفشة كاملة بردو حضرتك متخيل انها هتغير كاملة كده مرة واحدة
لا لا المرسيدس دي بتسحمل حتي الاستخدام الشاق دي شغالة مش بتقول لا لاي حاجة
بس بردو اهم حاجة حضرتك تجيب حالة كويسة و...... خلي بالك خلي بالك من البارومه عشان دي لو ماسكه في الحوض ولا حاجة مشكلة و كمان يا ريت لو لقيت دواخل فابريكة يبقي اريح
و علي فكرة انا جبت لحضرتك مكان الميكانيكي التاني اسمه محمد مادي هو قدام نور الشريف بتاع اسكودا و شغله نضيف و صحبي بيقولي عليه ارخص من التاني

[keko]

ما عشان كدا يا كريم باشا انا بقول لحضرتك الادا افضل لو المرسيدس حالة مش كويسة
لان انا خايف تفتح بقها لما تشتريها و الصراحة دي بتبقي اسوء حاجة في الدنيا لما تجيب عربية و تعد تصرف عليها كده
اما الموتور انا ولدي لما كان بيشد اللي كانت معايا كان بيقولي ان الموتر الابيض دا سعره استيراد 11 الف و الموتور بتاعنا الستة سلندر كان ب5 او 6 الاف مش متذكر بالضبط ....انا الصراحة قلت لنفسي اكيد الموتور سعره نزل بقي مثلا ب5 او 6 الاف لان الكلام دا كان من فترة كبيرة
بس غريبة ان حضرتك بتقول ان الموتور الابيض دا سعره لسه عالي كده 9 الاف كتير بردو
بس هو فعلا المرسيدس القديم دا مواتير وهم بتعمل كليوات خيالية يعني عشان تغير موتور مرسيدس دي حاجة كبيرة ........ بعد استخدام كتيييييييييير جدا مش هيتهلك بسرعة خااالص دا .....و حتي العفشة كاملة بردو حضرتك متخيل انها هتغير كاملة كده مرة واحدة
لا لا المرسيدس دي بتسحمل حتي الاستخدام الشاق دي شغالة مش بتقول لا لاي حاجة
بس بردو اهم حاجة حضرتك تجيب حالة كويسة و...... خلي بالك خلي بالك من البارومه عشان دي لو ماسكه في الحوض ولا حاجة مشكلة و كمان يا ريت لو لقيت دواخل فابريكة يبقي اريح
و علي فكرة انا جبت لحضرتك مكان الميكانيكي التاني اسمه محمد مادي هو قدام نور الشريف بتاع اسكودا و شغله نضيف و صحبي بيقولي عليه ارخص من التاني

مش فاهم يعن حتى لو اشتريت مرسيدس وطلع فيها عيب فى حاجة الحاجة دى بتاخد وقت لحد ماتجيب اخرها ومش محتاجة تغيير كامل يعنى لو مساعد ضعي ياخد وقت لحد ما يضرب ولما يضرب اغير واحد بس مش جوز والاقى السستة سليمة وحاجات كده
وبهوا مين بتاع السكودا ده اصلا