تغطيه وصول مرسيدس cls 2012

[horas3000]

السلام عليكم جميعا
النهارده معادنا مع نجمه مرسيدس الاخيره ال CLS الجديدة
و علي الرغم من الطقس العاصف و الcombination بين التراب و المطر قررنا التوجه الي التوكيل عشان نشوف النجمه الجديدة و اللي نازله بقالها اسبوع دلوقتي لكن الظروف مكانتش مساعده

اول ما دخلنا ها هي ذا باللون السلفر الميتالك واقفه كالوحش
و الموديل المعروض كان ال CLS 500 مع ال AMG KIT المميزه جدا لكن مع جنط 18 انش

طبعا بعد اللف و الدوران حواليها و تمعين عينينا بالشكل الخارجي فتحنا و دخلنا
الانتريور قمه في الشياكه و الفخامه
الطبلون مزيج رائع بين طبلون ال E و ال S و فيه مميزات الاتنين و خالي من عيوبهم
و العربيه المعروضه كانت بانتريرو لونين اسود و نبيتي غااااامق في مزيج راااائع

طبعا الاوبشنز حدث و لا حرج كله موجود لدرجه ان مفيش داعي اكتبهم

الحاجة الوحيده اللي كانت مقلقه مضجعي هي شكل الفوانيس الاماميه
حاسس الليدات كتير شويه و محطوطه بالغصب في وسط الفانوس و كنت اتمني يحطوه بطريق اشيك زي الاودي كده

دلوقتي اسيبكم مع الصور







عجبني جدا الكيرف اللي في الرفرف ده




الانتريور الرائع



الطبلون


الكراسي الخلفيه



طبعا 4 راكب بس


زراير المسااااج






الدركسيون شيك جدا و يملي الايد كده





نظام ال Lane monitor


اجمل زاويه



طبعا بسبب الظروف الجويه مستجرناش نطلب تست درايف
و ان كنا اصلا نعتقد انه مفيش لانها لسه نازله
بس متقلقوش النيه مبيته و ان شاء الله يحصل عن قريب ان شاء الله

اتمني يكون الموضوع عجبكم و الي اللقاء في تغطيات اخري

[Eslam.Elrefaey]

موضوع حلو جدا وشكرا ليك بس دى سعرها كام مش قصدى فلوس قصدى يعنى مثلن اعلى من s ولا اققل كده

[m_kamal]

شكرا لشريف باشا على الموضوع و الصور الرائعة
و طبعا نجمة النهاردة من الروائع اللى كنت مستنى وصولها و معاينتها على الطبيعة بفروغ الصبر
و من ساعت ما نزلت و متوقع لها ملكة جمال سيارات العام

و بالرغم من الظروف الجوية اللى شريف باشا قال عليها لدرجة اننا اضطرينا نركن على جنب الطريق شوية من كتر ما احنا مش شايفين حاجة فى مكس غريب بين المطر و الغبار لكن مارجعناش عن عزيمتنا اى شئ

وصلنا الى مدينة العجائب (توكيل مرسيدس) و اذا بالملكة المتوجة تقف عل يسار الباب فى استقبال زوارها راكزة على قوائمها الاربعة ناظرة مترقبة و كأنها الاسد الضارى الذى يراقب فريسته عن كثب و ينتظر اللحظة المناسبة للانقضاض بأقصى قوة و سرعة لافتراسها

و قد كان ... فقد افترسنى جمالها و لم استطع النجاة من بين براثن أناقتها أو أنياب خطوطها الهندسية و الديناميكية الجريئة ...

حتى عندما التففت حولها فى محاولة يائسة للهروب من نظرتها الجريئة الآسرة و جدتنى افقد الاحساس مرة أخرى عندما نظرت الى المؤخرة السيارة... فكأنها تنظر إليك برقة واقتدار و تبعث إليك بقبلتين متمثلتين فى الاضواء الخلفية و تقول لك بكل أناقة ( لو عرفت ابقى حصلنى ) ههههه

ما هذا لا يوجد مكان للهروب .. مهما حاولت الابتعاد لا تجرؤ عينيك الا على النظر اليها و التغزل فى جمالها

و فجأة سمعت صوت فى رأسى يقول ... و لماذا لا ؟؟ انه عشق حلال ... و من لا يعشق الجمال ؟؟؟

فققرت انا استسلم لها و فتحت باب السائق و ارتمين فى احضانها الوثيرة ... و اذا بى انتقل لعالم آخر من الخيال .. هل انا فى قصر ملكى أم فى مأثورة سفينة فضائية .. ما هذه الأزرار الكثيرة ... مساج للكراسى ... رؤية ليلية .. مساعد الركن ... خيارات القيادة الرياضية و المريحة و الموفرة ... و ما هذه الصورة البديعة فى وسط عدادات السرعة .. انها صورة الجميلة مرة اخرى من الخارج كى تمتع ناظريك بها من الداخل و الخارج فى نفس الوقت ...

شياكة متناهية .. جمال و اناقة و تناغم و جودة تصنيع هى الاعلى فى العالم ....
فقررت الانتقال الى المقعد الخلفى للتأكد و إذا بى اخرج من فيلم للخيال العلمى إلى فيلم آخر لمخلوقات الفضاء

مقاعد وثيرة فى منتهى الراحة تحث على النوم و الابتعاد عن العالم بجميع ما فيه .....

بجد يا جماعة تحفة للمعارض التحف و ليست سيارة لتمشى فى الشارع ....

كلمة أخيرة ..... شكرا مرسيدس

[m_kamal]

موضوع حلو جدا وشكرا ليك بس دى سعرها كام مش قصدى فلوس قصدى يعنى مثلن اعلى من s ولا اققل كده

ClS 500 with AMG kit
السعر يا باشا 33500 دينار كويتى يعنى حوالى 670 الف مصرى .. من غير جمارك طبعا
و ده نفس سعر S350 with AMG kit
يعنى هى طبعا ارخص شوية من S

[horas3000]

موضوع حلو جدا وشكرا ليك بس دى سعرها كام مش قصدى فلوس قصدى يعنى مثلن اعلى من s ولا اققل كده

سعرها ال cls500 نفس سعر ال S350
و الاتنين بال AMG kit

[horas3000]

ايه يا عم كيمو ده
كده الناس هتفتكر انك شفت ماريا مرسيدس
مش المرسدس ال cls
هههههههه

[dramir1]

عربيه رائعة وتقرير اروع ..

[raouf]

شكرا على التقرير
انا ركبت العربية
هى موجهة للاثرياء اللى تحت سن ال40 مثلا
واللى المرسيدس اس العادية كبيرة او رسمية شوية عليهم
اعتقد على نهاية العام ستكون موجودة بمحرك 55 وده هيخليها طلقة
وياسلام لو عليها تعديل ديزاينو
وااااااااااااااااو

[yascro]

رااااااااااااااااااااااااااااااااائع

[د.أبونضال]

هى موجهة للاثرياء اللى تحت سن ال40 مثلا
واللى المرسيدس اس العادية كبيرة او رسمية شوية عليهم

ياريت حد يبلغ شركة مرسيدس مايعملوش حسابي في العربية دي

[horas3000]

شكرا على التقرير
انا ركبت العربية
هى موجهة للاثرياء اللى تحت سن ال40 مثلا
واللى المرسيدس اس العادية كبيرة او رسمية شوية عليهم
اعتقد على نهاية العام ستكون موجودة بمحرك 55 وده هيخليها طلقة
وياسلام لو عليها تعديل ديزاينو
وااااااااااااااااو

مفيش 55 خلاص
بقت 63 يا زعيم
و العربية متوفره بالفعل بس كانت لسه موصلتش المعرض
و طبعا لما تنزل لازم نشوفها

و الدزينو ده اساسي
بس كله بتمنه

[MohssenRashed]

تقرير راتع و عربيه اروع

[horas3000]

تقرير راتع و عربيه اروع

شكرا يا زعيم

[Mody_Benz]

ايو الجمال ده
النجمة ديه خطفت قلووب ناس كتيييييييييييييرة ومنهم انا
اكيد فيها سر !!

[abd_el_7amid]

بصراحة عربية تعقد