ايه الموديل الاسهل في التعامل

[eng/ahmed_go]

السلام عليكم ورحمة الله وبركاته


ان شاء الله يا جماعة انا مسافر المانيا قريب وكنت عايز أحجز عربية للايجار طول الفترة اللي هكون فيها هناك (حوالي اسبوعين ) ........فقدامي مرسيدس السي كلاس
وbmw 300 أو 500

فأيه رأيكم ايهم هيكون سهل في التعامل والاستخدام (مع العلم اني مسقتش غير الشاهين واللانسر و128 يعني معنديش خبرة بالعربيات دي)

[إبراهيم المصرى]

ان شاء الله رحله موفقه وتحقق فيها اللى رايح من اجله واكيد المرسيدس والبى ام كلهم سهل جدا فى التعامل وبمجرد ما هتمشى 5 دقائق حتبقى ماشيه حلاوه معاك واسهل بكتير من الشاهين و128 واسهل برضه اكيد من الانسر حتى وعموما ابقى قولنا لما تجرب ايه شعورك

[eng/ahmed_go]

ان شاء الله رحله موفقه وتحقق فيها اللى رايح من اجله واكيد المرسيدس والبى ام كلهم سهل جدا فى التعامل وبمجرد ما هتمشى 5 دقائق حتبقى ماشيه حلاوه معاك واسهل بكتير من الشاهين و128 واسهل برضه اكيد من الانسر حتى وعموما ابقى قولنا لما تجرب ايه شعورك

ربنا يخليك يا باشا ، بس الفكرة يا باشا اني بشوف زراير كتير في التابلوه وخايف يكون الموضوع معقد او اني أجر موديل ومعرفش استفيد من امكانياته (فبالتالي يبقى الاحسن اني أجيب موديل أقل واقدر استفيد من كل اللي فيه)

[إبراهيم المصرى]

ربنا يخليك يا باشا ، بس الفكرة يا باشا اني بشوف زراير كتير في التابلوه وخايف يكون الموضوع معقد او اني أجر موديل ومعرفش استفيد من امكانياته (فبالتالي يبقى الاحسن اني أجيب موديل أقل واقدر استفيد من كل اللي فيه)

والله ياباشا مش هقدر افيدك انا اسف اكيد اعضاء قسم البى ام والمرسيدس هيفيدوك بالمعلومه الصح لكن سامحنى حبيت اوضحلك على اد مقدر ان العربيات ديه امكانيتها بتساعد جدا وبتسهل للى يقودها كل ما يحتاج اليه بدون اى مجهود وكل حاجه بتكون سهله جدا بمجرد متاخد عنها فكره بسيطه تروح وترجع بالسلامه وتبقى تحكلنا

[MBhead]

اجر مرسيدس اس - كلاس افضل .... V8
هيا فيها زراير كتير بس مش معقده زي ما حضرتك متخيل
انا ركبتها عربية جميلة جدا

[vinosse]

حضرتك اجر عربية صغيرة احسن وكلة زى بعضة بس حتساعدك كتير لو صغيرة وعندك شغل بيها لو عايز بقى تتفسح وبس طبعا البى ام اداء رياضى واستهلاك بنزين اقل

[eng/ahmed_go]

شكرا لكل الناس اللي ردت
وان شاء الله انا بفكر في c200 ودا لاسباب كتيرة:
1-أقلهم تعقيدا
2-البنزين هناك غالي جدا (1.5) يورو = (اليورو تقريبا ب 8.5 جنيه )
ولو حد عندو رأي تاني يا ريت يشاركنا بيه
وشكرا مقدما

[TeMoON]

ياباشا انت لو على البنزين شوف حاجة هيبرد وريح دماغك
انت ممكن تشوف اودى العربية الاولى فى المانيا اودى وعربية ممتازه تشوف واحدة a4 هتكون اكبر من السى كلاس وافخم واحلى من السى كلاس

[mhbcas]

ومتنساش تعمل رخصه دولى علشان تعرف تسوق هناك ده اذا كانو بيقتنعوا بالرخصة بتاعتنا
وربنا يوفقك فى سفرك

[egyptiandiver]

موفق ان شاء الله

[yoyome]

انت أكيد بتهزر !! انت عارف لتر البنزين في أوربا بكام .. أجر اي حاجة متعديش 1300 سي سي علشان متخربش بيتك !