اية الفرق بين الموتور الابيض والموتور الاسود

[x100]

بالنسبة للسيارات w123 القديم منها متورة ابيض والاحدث متور اسود متهيئلى من 82 حتة 85 اسود
السوال اية الفرق بين الموتورين واية مميزات دة ومميزات دة ويا ريت اسعار الاستيراد

جزاكم الله خيرا مقدما

[JOOOOOOOOOO]

الموتور الابيض صيانته سهلة معمر اووووووي زنادر لما بيعطل وبيستجمل الحرارة والماشاوير الطويلة

لكن الاسود اسرع منه وناعم عنه لكن مش بيستحمل الحرارة وفيه شوية شغل حديث عن الابيض

[totty]

اعتقد علي حسب خبرتي مع الموتورين ان ال102 اللي هو الاسود افضل من حيث الآداء بس المشكله انه فردي الكاتينه يعني الكاتينه الجنزير بتاعته فرداني مش مجوز زي ال115 اللي هو الأبيض لكنه مش بنفس آداء الأسود يعني مثلا الموتور الابيض الإسبراتير بتاعه عاده و ده مشكلته في الأبلاتين و الكوندنسر انما الاسود الإسبراتير بتاعه الكتروني انما حتة تحمل الحراره الإتنين زي بعض بس انا باميل للأبيض و بافضل تعدل في شواكيش التاكيهات و تخليها ضغط زيت بدلا من الرجلاش لانه محتاج كل 10000 كيلو اعاده ظبط و إلا هايبوظ قواعد الصبابات و ده عن تجربه و يا سلام لو يكون انجكشن هترتاح اوي خاصة في استهلاك البنزين

[MASERATI]

السلام عليكم و رحمة الله و بركاته

أنا عن نفسى بأفضل الموتور الأسود لأن ده اللى راكب فى المرسيدس المعدلة الw123 من أول 1981 و لحاد مو 1985 و بعد كده فى الزلمكة لحاد 6-1993 و أنا معرفش حد اشتكى منه بصراحة لا فى الأداء و لا السخونية و لا حاجة.

[x100]

اعتقد علي حسب خبرتي مع الموتورين ان ال102 اللي هو الاسود افضل من حيث الآداء بس المشكله انه فردي الكاتينه يعني الكاتينه الجنزير بتاعته فرداني مش مجوز زي ال115 اللي هو الأبيض لكنه مش بنفس آداء الأسود يعني مثلا الموتور الابيض الإسبراتير بتاعه عاده و ده مشكلته في الأبلاتين و الكوندنسر انما الاسود الإسبراتير بتاعه الكتروني انما حتة تحمل الحراره الإتنين زي بعض بس انا باميل للأبيض و بافضل تعدل في شواكيش التاكيهات و تخليها ضغط زيت بدلا من الرجلاش لانه محتاج كل 10000 كيلو اعاده ظبط و إلا هايبوظ قواعد الصبابات و ده عن تجربه و يا سلام لو يكون انجكشن هترتاح اوي خاصة في استهلاك البنزين

لا يا عمنا ركز معايا فى موضوع التعديل دة شوية الله يكرمك